ANG MASAKLAP NA KATAPUSAN DAHIL LANG SA WIFI PASSWORD..

Nangyari ang kasong ito, noong February ng 2018. Maraming tao ang gustong maglaro ng mga video games. At ang isang binata, na nagngangalang Kevin Watkins ay isa na sa kanila. Si Kevin ay isang 16 years old na binatang nag mula sa Macon Georgia. Nakatira siya, kasama ang kanyang pamilya. Biyernes, February 2, 2018, sinundo si Kevin ng ina niyang si Latoya mula sa High SSchool. Pero masasabi ng ina nitong, medyo mainit ang ulo ng kanyang anak. Wala namang kakaiba, para sa isang 16 years old. Pero si Kevin, ay kilala na medyo walang galang sa kanyang ina. At madalas magtalo ang dalawa. Nakarating sila ng bahay. Nandoon din ang 13 years na lalaking kapatid ni Kevin, at 20 years old na kapatid na babaeng si Alexis. Magkasundo naman ang magkakapatid, pero gaya ng lahat ng magkakapatid, minsan ay nag aaway din ang mga ito. Kamakailan lang ay na engaged si Alexis, sa ama ng kanyang tatlong taong gulang na anak. Pag-uwi ni Kevin, dumiretso ito sa kanyang kwarto, para simulan ang isang gabi ng paglalaro. Ang kanyang inang si Latoya, ay hindi maganda ang pakiramdam. Kaya dumdritso na din ito sa sariling kwarto para magpahinga.