Are you a motivated person? Or someone who works after setting rules and laws?

ကျွန်တော်တို့ဟာ နေ့စ္စဓူဝ လှုပ်ရှားသွားလာ လုပ်ကိုင်နေကြရပါတယ်။ တစ်နေ့တာ လုပ်ငန်းစဉ်တွေမှာ တစ်ချို့ကိစ္စတွေက အစီ အစဉ်အတိုင်းပြီးသွားပေမယ့် အစီအစဉ်မရှိပဲနဲ့ လုပ်ဖြစ်သွားတဲ့ ကိစ္စမျိုးတွေလည်း အများကြီးရှိပါတယ်။ ဒါပေမယ့်တကယ်တမ်း လုပ်ကိုင်ကြတဲ့အခါ အရင်းခံကို စဉ်းစားကြည့်ရင် စိတ်အားတက်ကြွမှု နဲ့လုပ်ဆောင်တာရယ် ဒါမှမဟုတ်ပဲနဲ့ စည်းကမ်းသတ်မှတ် ထားလို့ လုပ်ကြတာရယ်ဆိုပြီး ၂မျိုးသီးသန့်ခွဲခြားနိုင်ပါတယ်။ လုပ်ငန်းဆောင်တာကိစ္စတွေက မလုပ်မဖြစ် လုပ်ရတဲ့ကိစ္စတွေ ဖြစ်ပေမယ့် တစ်ကယ်တမ်းလုပ်ကိုင်ကြတဲ့အခါ ကိုယ့်ရဲ့ စိတ်အရင်းခံပေါ်မူတည်ပြီးတော့လုပ်ကိုင်ကြပါတယ်။ တစ်ချို့နေ့ရက်တွေမှာ ကိုယ်ဟာလေးလံထိုင်းမှိုင်းနေမယ်။ စိတ်က ပျင်းရိနေမယ်။ စိတ်ကလုပ်ချင်ကိုင်ချင်စိတ်မရှိဘူး။ ဒါ့ကြောင့် မို့ လုပ်ရမယ့်ဟာတွေကိုသွက်သွက်လက်လက်လုပ်နိုင်တာမျိုးမရှိပဲနဲ့ မလုပ်မဖြစ်တဲ့ ကိစ္စတွေကလွဲပြီးတော့တခြားကိစ္စတွေကို အချိန်ဆွဲတာ ၊ အနောက်ကိုရွေ့တာမျိုးတွေ လုပ်ဖြစ်ကြပါတယ်။ဒီဖြစ်ရပ်ဟာ ကိုယ်ရဲ့ စိတ်အားတကက်ကြွမှုနဲ့ တိုက်ရိုက် သက်ဆိုင်သွားပါတယ်။ ကိုယ်ဟာစိတ်အားတက်ကြွမှ လုပ်ကိုင်တတ်တဲ့သူဆိုရင် ဒီလိုနေ့မျိုးတွေမှာ အလုပ်တွင်မှာမဟုတ်ပါဘူး။ အလုပ်မတွင်တဲ့အပြင် အလုပ်လုပ်လို စိတ်တွေပါ ကုန်ဆုံးပြီး တစ်နေ့တာလုံးမှာ အဆင်မပြေတာတွေများပြားစုပြုံလာတာကို တွေ့ရပါလိမ့်မယ်။