Argir eisini fingið húk

Ein stendur í Klaksvík, og nú stendur eisini ein á Argjum. Á nýggju rundkoyringini, har nýggju vegirnir møtast á Argjum, er ein húkur settur upp. Tað eru tó hvørki Landsverk, næmingar á tekniska skúla, ið er nærindis, ella Tórshavnar kommuna, sum hava sett húkin upp í rundkoyringini. Vit hava spurt á øllum trimum støðum. Tórshavnar kommuna váttar, at kommunan eigur rundkoyringina, men ikki húkin. Hvør eigur hann, og hvør hevur sett hann á rundkoyringina, veit kommunan ikki, sigur Marius Müller, deildarleiðari. Aðrar viðmerkingar til húkin hevur hann ikki í dag.