Arheologs Jurs Urtāns – byut piļskolna saiminīkam ir ekskluziva līta

Saruna ar profesoru, viesturis zynuotņu doktoru i arheologu, kuru daudzi nūteikti pazeist ari kai aktivuokū piļskolnu pietnīku — Juri Urtānu. Jurs ir atkluojs daudzus da šam nazynomus piļskolnus i ir ari Latvejā vīneigais arheologs, kuram pošam pīdar piļskolns — Dzirkaļu piļskolns, kas ir vaļsts nūzeimis arheologejis pīminieklis. Ar profesoru runuosim par Latgolys piļskolnim i jaunuokajim atkluojumim tymūs, kai ari tū, voi i kai tūs pieteit i popularizēt. Latvejis Arheologu bīdreiba niu ir izsludynuojuse “Jura Urtāna Dzirkaļu pilskalna balvu”, kas teik organizāta pyrmū reizi. Bolvys mierkis ir nūviertēt individualū izcileibu i snāgumu Latvejis piļskolnu izpietē, apzynuošonā i populariziešonā. Vēļ leidz 30. oktobram var īsnēgt dasacejumu itai bolvai, syutūt tū iz: [email protected]. Teik plānuots, ka bolva tyks daskierta reizi trejūs godūs.