အရမ်းချောတဲ့ မြန်မာဖိုက်တာမလေး သက်ထားစံနဲ့ထိုးဖို့ ပြိုင်ဘက် ရှာနေပြီ

အပြောမဟုတ်ဘဲ အလုပ်နဲ့သက်သေပြချင်ပါတယ်လို့ မြန်မာကစ်ဘောက်ဆင်မယ်လေး သက်ထားစံ က ပြောလာပါတယ်။ နုဖတ်နေအောင် ချောမောလှပလွန်းတဲ့ သက်ထားစံကို ကစ်ဘောက်ဆင်ထိုးတတ်တယ်လို့ပြောရင် တချို့က မယုံကြည်ကြပါဘူး။ အခုလည်း သူမက အရမ်းကို ချောလွန်းနေတော့ သူမအတွက် ပြိုင်ဘက်ရှာနေပါတယ်ဆိုတာကို မယုံကြည်ကြဘဲ လူကြိုက်များအောင် ပွဲရှာနေတယ်လို့ ထင်ကြပါတယ်။ သက်ထားစံဟာ အသက် ၂၆ နှစ်အရွယ် ရှိနေပါပြီ။ အရပ်က ၅ ပေ ၂ လက်မ ပါ။ ၅၁ ကီလိုဝိတ်တန်းမှာ သူမ ထိုးမှာဖြစ်ပါတယ်။ စိန်ခေါ်ပွဲကို ကစ်ဘောက်ဆင်နည်းနဲ့ပဲ ယှဉ်ပြိုင်ရမှာဖြစ်ပါတယ်။ ဒီဇင်ဘာလ ၂၂ ရက်နေ့ရောက်ရင် ကျင်းပမယ့် 3MA Amateur 6 ပြိုင်ပွဲမှာ သက်ထားစံရဲ့ ပွဲစဉ်ကို ထည့်သွင်းထားတာပါ။ ဒါပေမဲ့ လက်ရှိအချိန်ထိ သက်ထားစံနဲ့ယှဉ်မယ့်ပြိုင်ဘက် ပေါ်ထွက်မလာသေးပါဘူး။