EPISODE · Nov 1, 2021 · 12 MIN
«Արմենպրես» Փոդքաստ» «Գրքի օր ու գիշեր-2021»
from ԱՐՄԵՆՊՐԵՍ/ARMENPRESS · host Armenpress State News Agency
Գրի ու գրականության հանդեպ հանրության լայն շրջանակի սերն ու հետաքրքրությունն առավել մեծացնելու նպատակով «Բուկինիստ» ընկերության նախաձեռնությամբ նոյեմբերի 4-ին տեղի կունենա «Գրքի օր ու գիշեր-2021»-ը: «Արմենպրես»-ի թղթակիցը թեմայի շուրջ զրուցել է «Բուկինիստ»-ի հիմնադիր Խաչիկ Վարդանյանի հետ, որը պատմում է՝ «Գրքի գիշեր» կազմակերպելու գաղափարը ծնվել է վեց տարի առաջ: «Տոնի շրջանակում երեկոյան 18:00-22:00-ը «Բուկինիստ» գրախանութների ցանցում ներկայացված գրքերը, տարբեր պարագաները վաճառվել են 30 տոկոս զեղչով: Դա գրեթե ինքնարժեք է: Ընթերցողին հնարավորություն է տրվում երեսուն տոկոսով ավելի շատ գիրք գնել: Նախորդ տարի համավարակի պատճառով հերթերից և վարակի տարածումից խուսափելու նպատակով տոնը վերածեցինք «Գրքի օր ու գիշեր»-ի: Այս տարի ևս այդպես ենք արել: Այսինքն՝ նոյեմբերի 4-ին առավոտյան 10:00-ից երեկոյան 22:00-ը գրախանութը գրքերը վաճառելու է զեղչով: Իսկ 22:00-ից մինչև հաջորդ օրվա առավոտյան 10:00-ը վաճառքը շարունակվելու է առցանց՝ books.am հարթակում»,-շեշտում է Վարդանյանը: Միջոցառումը լինելու է «Բուկինիստի» բոլոր երևանյան գրախանութներում, Սևանի, Դիլիջանի գրախանութներում, ինչպես նաև ընկերության հետ աշխատող Արմավիրի, Մասիսի, Գորիսի և Կապանի գրախանութներում: Տոնի շրջանակում սպասվում է թեյախմություն, սուրճի հյուրասիրություն, գրքի սիրված հերոսների հետ լուսանկարվելու հնարավորություն, ինտելեկտուալ և ժամանցային խաղեր, խաղարկություն և մի շարք անակնկալներ:
Embed this episode
Ready to play
«Արմենպրես» Փոդքաստ» «Գրքի օր ու գիշեր-2021»
No transcript for this episode yet
Similar Episodes
No similar episodes found.
Similar Podcasts
No similar podcasts found.