AROUSA NOTICIA 02 06 26
A plantilla da fábrica de Nestlé en Pontecesures afronta a segunda xornada de folga indefinida contra o ERE plantexado pola multinacional que, se as cousas non cambian durante as negociacións, suporá o despedimento de 27 traballadores da central arousá. O alcalde de Vilagarcía aborda con responsables de Renfe as melloras que o Plan Galicia introducirá no Eixo Atlántico co aumento das frecuencias e do número de prazas, que se incrementan un 24%. Veciñanza da rúa Faxilde reclama ao Concello unha intervención urxente para a reparación dos afundimentos do vial provocados polo mal estado das canalizacións. Concello de Vilagarcía e Urbaser promoven unha nova campaña para informar e concienciar á poboación sobre o correcto uso da recollida de voluminosos. Cambados inicia a redacción do informe que permita o borrado da pintada que apareceu esta fin de semana nunha das fachadas da igrexa de San Bieito, un acto vandálico que, lonxe de ser unha gamberrada, o goberno local considera un atentado contra un Ben de Interese Cultural con séculos de historia. O Concello de Ribadumia acollerá o vindeiro 26 de xuño unha reunión de coordinación entre os traballadores e traballadoras sociais dos departamentos de Servizos Sociais dos concellos do Salnés con menos de 20.000 habitantes. Xa está todo listo para a celebración o sábado 13 de xuño, a partir das 11 horas, da I Foliada do Piñieiriño, unha xornada de convivencia con música e baile tradicional e xantar popular organizada pola asociación as Gharbosas.
Embed this episode
No transcript yet.