AROUSA NOTICIAS 03 07 26
Toda a comarca do Salnés, ademáis do Ulla-Umia e Pontevedra, están hoxe en alerta bermella por episodio de calor, con máximas que poden chegar ata os 37 graos. No que atinxe a Barbanza mantense en alerta laranxa. A Consellería do Medio Rural da por extinguido o incendio forestal que se orixinou a pasada tarde no límite entre Vilanova e Cambados, calcinando dúas hectáreas de superficie arborada. O incendio rexistrado no Grove no lugar de Punta Moreiras, en San Vicente, está controlado afectando a tres hectáreas de superficie. En Cuntis mantense estabilizado o incendio declarado a pasada tarde no lugar de Gontade, na parroquia de San Mamede, calcinando ata o momento entre tres e catro hectáreas de superficie. Vilagarcía convoca á xunta de voceiros municipais para consensuar unha acción institucional en defensa da aula de infantil do colexio da Lomba que a Xunta pretende eliminar. Cambados prepara o dispositivo de seguridade da Festa do Albariño durante a Xunta Local de Seguridade celebrada hoxe e mantense como un concello "extremadamente seguro" máis aló de casos delictivos puntuais cunha taxa de esclarecemento do 63%. O persoal da empresa Valoriza, adxudicataria da recollida de lixo da Mancomunidade do Salnés, anuncia o inicio de mobilizacións en demanda de melloras na negociación do convenio colectivo. Cambados inaugura a IV edición da Feira Productoras en Feminino que se celebra esta fin de semana coa presencia dunha trintena de expositoras de toda Galicia.
Embed this episode
No transcript yet.