AROUSA NOTICIAS 06 05 26
O proxecto de humanización da rúa Esperanza e a travesía Lucena en Carril, a piques de sair a licitación: A Deputación aprobará este venres a inclusión do investimento nos fondos que lle corresponden a Vilagarcía a través do plan +Provincia. A lonxa de Cambados, escenario da sinatura do convenio entre a Consellería do Mar e a Consellería de Facenda para a Modernización Tecnolóxica de Galicia a través da terceira fase do programa Lonxas Galegas 4.0. As educadoras infantís da gardería de Cambados concentránse no centro educativo nas mobilizacións “primavera amarela” iniciadas en toda España en demanda da reducción de ratios e melloras salariais e laborais. Meis celebrará o 16 de maio a terceira edición da Romaría das Letras Galegas, unha cita que pretende ensalzar a música e a cultura do territorio con actuacións de artistas locais. A asociación Solidaridade Galega co Pobo Saharauí (SOGAPS) fai un chamamento ás familias do Salnés para que nenos e nenas poidan saír dos campamentos de refuxiados do Sáhara Occidental este verán. Segunda xuntanza de coordinación entre administracións e forzas de seguridade para a organización do dispositivo de seguridade de cara á eclipse total de sol do próximo 12 de agosto.
Embed this episode
No transcript yet.