AROUSA NOTICIAS 15 07 26
O Conselleiro de Sanidade afirma que a decisión de trasladar a unidade medicalizada a Sanxenxo durante o verán está adoptada en base a criterios científicos e técnicos e asegura que a asistencia está totalmente garantida co resto dos recursos existentes. Alberto Varela non da a batalla por perdida e anima á cidadanía a seguir reivindicando unha ambulancia medicalizada permanente para o Hospital do Salnés con mobilizacións como a convocada para mañá. A hostelería de Vilagarcía ten ata o día 30 deste mes para presentar a súa solicitude de instalación de barras exteriores durante as festas de San Roque. Poderán funcionar entre as 22:00 horas do sábado 15 ás 18:00 do domingo 16 de agosto Cambados acondicionará o local da antiga Cámara Agraria para destinalo á actividades da mocidade. A actuación financiarase a través dos fondos que lle corresponden a Cambados dentro do Plan +Provincia por importe de 60.000 euros. Sanxenxo acometerá a recuperación ambiental do regato de Carabuxeira e mellorará o acceso ao areal cun investimento de 48.000 euros financiado en parte polo Fondo de Compensación Ambiental. Ribadumia completa a reparación e mantemento de beirarrúas en varios puntos das parroquias de Ribadumia e Barrantes, entre eles a Rúa Espadeiro, a Rúa do Freixo e a Rúa Cruceiro Vello.
Embed this episode
No transcript yet.