AROUSA NOTICIAS 16 04 26
Todo listo en Vilagarcía para a celebración este domingo do Solifest do Piñeiriño e e Amencer Aspace, que destinará o recadado a financiar programas de actividades para as persoas usuarias do Princesa Letizia. Vilagarcía adxudica á empresa Trébol, por 13.600 euros, os traballos para poñer fin ás filtracións de auga que rexistra o CEIP Anexo A Lomba por unha das súas fachadas laterais. O PP de Vilagarcía urxe ao goberno local a que concurra ao Plan Vía Depo da Deputación para a reparación de viais municipais afectados polos danos dos temporais de inverno. A Deputación aprobará este venres na xunta de goberno provincial unha achega de 161.472 euros do Plan de Infraestructuras Deportivas para a necesaria reforma do pavillón do Pombal, en Cambados. O BNG de Sanxenxo solicita a Telmo Martín que "dunha vez por todas faga realidade as súas promesas" e poña en valor o Chan da Gorita. A Illa de Arousa renova o parque infantil do Bao coa e instalación de tres novos elementos de xogo por valor de 23.000 euros. A Xornada sobre Idadismo e Lonxevidade organizada pola Asociación Cultural O Castro aborda con centros educativos, servizos municipais, profesionais sociosanitario, voluntariado e asociacións as súas causas e consecuencias na sociedade actual. A intervención de catro axentes da Policía Nacional salvou a vida dunha muller de 86 anos que se atragantara cando estaba tomando unha consumición nunha cafetería de Pontevedra.
Embed this episode
No transcript yet.