As novas preguntas do forno de Castromao

Preestréase en Ourense o documental 'Anatomía dun forno', que testemuña un proxecto de investigación de arqueoloxía experimental, iniciado na USC en 2010, que mudou as hipóteses sobre os usos de fornos coma o atopado en Castromao nos 60’s e abre novas vías para analizar o papel das landras na sociedade castrexa. No documental, realizado pola produtora Illa Bufarda, participan Pepa Castiñeira Rey, profesora da Prehistoria na USC ata a súa xubilación ou o arqueobotánico Andrés Teira Brión, cos que conversamos.