@IniciativaxAst nes Ondes -Marzu 2017- con @inaciugalan , @xuneeliperaposo 30 años @Dixebraoficial, #deprendilasturianu

-Nuevu programa mensual d'Iniciativa pol Asturianu nes Ondes- Nel programa d'esti mes de marzu de 2017 entamamos faciendo, como ye vezu, un repás a les noticies y anuncies que se producieron nes pasaes feches col nuesu collaborador, el periodista y Presidente d'Iniciativa pol Asturianu, Inaciu Galán. El nuesu segundu convidáu ye'l cantante y alma máter del grupu míticu de música asturianu Dixebra, Xune Elipe, formación que cumple'l so trenta aniversariu enriba los escenarios y esti añu 2017 va facer una xira especial que nomen "Tour 87-17". Una esposición tien llugar nestes feches na Casa'l Llobu en Balmonte nel Conceyu Miranda col nome de "Páxaros de la to rodiada" con llocuciones n'asturianu. Falamos con David Valdés de la empresa Proasur encargada de la xestión d'esta infraestructura turística. Pa rematar, la nuesa mayestra particular, Ana María Suárez desplicarános el vocabulariu de los animales del monte amás d'una pallabra n'asturianu na so seición #deprendilasturianu Música: Trasmerana del Discu Lliendes (2006) del grupu asturianu Xera TOLES MESES INICIATIVA TA NES ONDES Sienti’l programa radio de l’Asociación “Iniciativa pol Asturianu” áu falaremos tolos meses na nuesa llingua y de la nuesa llingua asturiana. El programa radio d'Iniciativa pol Asturianu, dirixíu por Samuel Gradín, ufre a los oyentes de les emisores que collaboren cola organización y los siguiores de les nueses redes sociales, un programa mensual d’una hora de llargor onde puen sentise entrevistes, noticies, anuncies, etc que surden al rodiu l'asturianu. Tate sollerte.....Iniciativa pol Asturianu nes Ondes...... TV y Radio 100% n’asturianu www.alderiquesdasturies.com