@IniciativaxAst nes Ondes: Mes d'Abril con @inaciugalan , Berto García, Axenda @2Profesenapuros , #TVnaRadio........

-Nuevu programa mensual d'Iniciativa pol Asturianu nes Ondes- Nel programa d'esti mes entamamos saludando al Presidente d'Iniciativa pol Asturianu, Inaciu Galán, col que faremos un repás tolos meses de lo asocedío nel mes pasáu y les previsiones pal mes d'abril nel que tamos al respeutive'l nuesu idioma asturianu. Vamos dir pa Corvera pa falar fonderamente col poeta Berto García. Berto García naz en Les Vegues (Corvera), en 1975, y hasta la fecha tien seis poemarios editaos: Ensin otra sida (Trabe, 2005), Treslallende (Trabe, 2007) [escritu a medies con Carlos Suari], Manual contra’l vacíu (Trabe, 2008) [Premiu Fernán Coronas 2007], Cuando’l mundu debala (Academia de la Llingua Asturiana, 2011) [Premiu Llorienzu Novo Mier 2009], Inercia (Trabe, 2013) y Tendal (Suburbia, 2013). Tien amás bien d’obra espardío peles revistes lliteraries del país, como: El Canciu’l Cuélebre, Lletres Asturianes, Lliteratura, Formientu, Lletres Lliterariu o Entellunu, y nes antoloxíes Pa[i]saxes y Cuando la memoria fala. Como traductor fixo, na estaya de la lliteratura infantil, pa la editorial Cumio, les tornes de los llibros Florenta, la gata poeta y Les fábules de Leonardo da Vinci. Amás, ye’l responsable de la compilación de poesía contemporánea n’asturianu, Contra’l silenciu, editada de recién por Suburbia Ediciones. Nel requexu "Deprendi l'asturianu", la nuesa mayestra Ana María Suárez aportarános una nueva pallabra amás de deprendenos ortografía. La nuesa siguiente convidada ye Carlota. Una profesora catalana que mos cuntará'l proyeutu de la "Primer axenda solidaria pa Profes n'apuros" qu'entamaron en Catalunya y que va tener la so versión n'asturianu. Pa rematar el programa, na nuesa seición #TVnaRadio col periodista Damián Barreiro daremos anuncia al entamu d'emisiones de la nuesa plataforma multimedia col programa tv "Alderiques d'Asturies" en MuyMuy Televisión y el cursu d'asturianu qu'empicipia pa los profesionales del mediu públicu de comunicación TPA (Televisión del Principáu d'Asturies). Música: Trasmerana del Discu Lliendes (2006) del grupu asturianu Xera TOLES MESES INICIATIVA TA NES ONDES Sienti’l programa radio de l’Asociación “Iniciativa pol Asturianu” áu falaremos tolos meses na nuesa llingua y de la nuesa llingua asturiana. El programa radio d'Iniciativa pol Asturianu, dirixíu por Samuel Gradín, ufre a los oyentes de les emisores que collaboren cola organización y los siguiores de les nueses redes sociales, un programa mensual d’una hora de llargor onde puen sentise entrevistes, noticies, anuncies, etc que surden al rodiu l'asturianu. Tate sollerte.....Iniciativa pol Asturianu nes Ondes...... TV y Radio 100% n’asturianu www.alderiquesdasturies.com Producíu por Gomeru Producciones