@IniciativaxAst nes Ondes -Mes de Xineru 2017- con @inaciugalan , @MiguelFernandi 1er partíu n'ast y #deprendilasturianu

-Nuevu programa mensual d'Iniciativa pol Asturianu nes Ondes- Nel programa d'esti mes de xineru de 2017 entamamos faciendo, como ye vezu, un repás a les noticies y anuncies que se producieron nes pasaes feches col nuesu collaborador, el periodista y Presidente d'Iniciativa pol Asturianu, Inaciu Galán. El nuesu segundu convidáu ye'l nuesu compañeru de la RPA (Radio Pública d'Asturies), Miguel Fernandi, col que falaremos de la retresmisión del primer partíu n'asturianu na hestoria de la televisión ente'l Lealtad de Villaviciosa y el Coruxo de Vigo. Pa rematar, la nuesa mayestra particular, Ana María Suárez desplicarános los demostrativos amás d'una pallabra n'asturianu na so seición #deprendilasturianu Música: Trasmerana del Discu Lliendes (2006) del grupu asturianu Xera TOLES MESES INICIATIVA TA NES ONDES Sienti’l programa radio de l’Asociación “Iniciativa pol Asturianu” áu falaremos tolos meses na nuesa llingua y de la nuesa llingua asturiana. El programa radio d'Iniciativa pol Asturianu, dirixíu por Samuel Gradín, ufre a los oyentes de les emisores que collaboren cola organización y los siguiores de les nueses redes sociales, un programa mensual d’una hora de llargor onde puen sentise entrevistes, noticies, anuncies, etc que surden al rodiu l'asturianu. Tate sollerte.....Iniciativa pol Asturianu nes Ondes...... TV y Radio 100% n’asturianu www.alderiquesdasturies.com