@IniciativaxAst nes Ondes -Xunetu 2017- con @inaciugalan , @Sabelinah Estudiu escolinos y llingua- y #deprendilasturianu

-Nuevu programa mensual d'Iniciativa pol Asturianu nes Ondes- Nel programa d'esti mes de xunetu de 2017 entamamos faciendo, como ye vezu, un repás a les noticies y anuncies que se producieron nes pasaes feches col nuesu collaborador, el periodista y Presidente d'Iniciativa pol Asturianu, Inaciu Galán, sobre manera afondando nel III Estudiu Sociollinguísticu d'Asturies. La nuesa segunda convidada ye Isabel Hevia Artime, investigadora de la Universidá d'Uviéu na Facultá d'Educación que, xunto a Xosé Antón González Riaño, fixeron un estudiu al rodiu les actitúes de los escolinos pa cola llingua asturiana. Pa rematar, la nuesa mayestra particular, Ana María Suárez cúntanos delles custiones de los dinosaurios n'Asturies. La pallabra de güei ye "Buelga" Música: Trasmerana del Discu Lliendes (2006) del grupu asturianu Xera TOLES MESES INICIATIVA TA NES ONDES Sienti’l programa radio de l’Asociación “Iniciativa pol Asturianu” áu falaremos tolos meses na nuesa llingua y de la nuesa llingua asturiana. El programa radio d'Iniciativa pol Asturianu, dirixíu por Samuel Gradín, ufre a los oyentes de les emisores que collaboren cola organización y los siguiores de les nueses redes sociales, un programa mensual d’una hora de llargor onde puen sentise entrevistes, noticies, anuncies, etc que surden al rodiu l'asturianu.