Aua e te tagi (Weep not)

OPEN HEAVENS MATALA LE LAGI MO LE ASO TOFI 24 SETEMA 2026 (tusia e Pastor EA Adeboye) Manatu Autu: Aua e te tagi (Weep not) Tauloto Tusi Paia: Salamo 30:11 “Ua e liua lo‘u tagitu‘i i le siva; ‘ua e tala‘eseina lo‘u ‘ie talatala, ‘ae fusia a‘u i le fiafia;” Faitauga - Tusi Paia: Luka 7:11-16 I se vaitau ua tuanai, sa ou tatalo i se taimi o la matou polokalame ae faapea mai le Atua, ‘pupula ou mafa’, ua toeitiiti ou faiatu, le Alii e, ou te le o tatalo, peitai na ou usitai. Ina ua pupula ou mata, na ou vaai atu i se fafine i le faapotopotoga o tagi lava ma masusu ao tatalo. Ona fetalai mai lea o le Atua ia te a’u e, ‘alu e fai iai, aua e te tagi’. Na ou savali atu i le faapotopotga agai i le mea o iai, popo lona tauau ma fai iai, ‘o loo fetalai le Atua e aua e te tagi’. Na fiafia mai ona fofoga ae ua ou toe foi i le pulelaa e tatalo. Ina ua mavae se tausaga, na toe sau le fafine lava lea e tasi, ua tu i ou luma faatasi ma isi tagata o loo agai mai ou te tatalo mo i latou. Ina ua oo i lona taimi ou te tatalo ai mo ia, na ou faafeiloai ma faapea atu, ‘taufafine, e iai se mea ou te faia mo oe’, na tatala lona fofoga e tau fai mai se tala, ae pau le upu na faia o le ‘Iesu’. Na ou fesili faalua ma le faatolu ae o le tali lava e tasi,’Iesu’. Ua amata ona ou lē to’a ona o lea e toatele le laina. Na oo lava ina mafai ona tautala ona faapea mai lea, o ia o le fafine lea na ou fai atu, e fai mai Iesu e aua le tagi i le tausaga ua mavae. Fai mai sa tagi lotulotu ma le mafatia i lea aso ona ua sefulu tausaga o faaipoipo ae leai se la pepe, ae ua tauanau e le aiga o lona toalua ia lona toalua e tuli ese o ia pea lē fanau. Ao faasoa mai lana tala, ua ou malamalama ai i le tulaga na tau lē mafai ai ona tautala, o loo ia siiina se pepe i lona lima taumatau ma leisi pepe i lona lima agavale. Na feluiaina e le Atua lona tulaga leai se faamoemoe i se tulaga e fiafia ai. Ou te tatalo, ia feliuaina e le Atua soo se tulaga ua leai se faamoemoe i lou olaga, ma ia faatumuina lou fofoga i le ataata, i le suafa o Iesu. Le au pele, afai ua lafoai lou ola i le Alii o Iesu Keriso, o loo fai mai lou tamā pele ia te oe i le asō, ‘aua e te tagi’, e pei a ona fai atu Iesui le fafine ua oti lana tane mai Naina, i le faitauga mai le Tusi Paia o le asō. O soo se taimi e fetalai ai Iesu, ‘aua e te tagi’, o lona uiga o loo finagalo e faia se vavega. Tusa poo le a le umi na e tagi ai, o lou taimi o le alaga fiafia ua oo mai. E afe ane le tagi i le afiafi, a o le ‘alaga fiafia i le taeao (Salamo 30:5). Ou te folafola atu, o ou aso o le alaga fiafia ua oo mai, i le suafa o Iesu. Tatalo Tamā, faafetai ua e faamutaina lou vaitau o le tagi, ae aumaia a’u i aso o le alaga fiafia, i le suafa o Iesu, Amene.