Audiolibro Quero ser investigadora 5 | Estefanía Paredes Rosendo

Por primeira vez, o catálogo Quero ser investigadora inclúe unha versión en formato audiolibro, no que as dez protagonistas desta quinta edición poñen voz ás súas propias historias.Neste episodio, Estefanía Paredes Rosendo —investigadora do grupo ECOCOST do Centro de Investigación Mariña (CIM) da Universidade de Vigo—, fálanos do seu camiño para chegar ata a investigación. Un relato no que campo nos sumerximos na criobioloxía mariña, unha área na que Estefanía estuda técnicas de conservación de especies como o mexillón, a ameixa ou os ourizos de mar. Esta actividade conta coa colaboración da Fundación Española para a Ciencia e a Tecnoloxía (FECYT) do Ministerio de Ciencia, Innovación e Universidades.