Audiolibro Quero ser investigadora 5 | Julia Carballo Rodríguez

Por primeira vez, o catálogo Quero ser investigadora inclúe unha versión en formato audiolibro, no que as dez protagonistas desta quinta edición poñen voz ás súas propias historias.Neste episodio, Julia Carballo Rodríguez —doutora en Farmacia e profesora de Microbioloxía—, fálanos do seu camiño para chegar ata a investigación. Na súa historia, a docente do campus ourensán destaca a aprendizaxe derivada da pandemia: “A saúde humana non pode desligarse do medio ambiente nin dos animais. Todo está conectado”.Esta actividade conta coa colaboración da Fundación Española para a Ciencia e a Tecnoloxía (FECYT) do Ministerio de Ciencia, Innovación e Universidades.