Audiolibro Quero ser investigadora 5 | Mercedes Solla Carracelas

Por primeira vez, o catálogo Quero ser investigadora inclúe unha versión en formato audiolibro, no que as dez protagonistas desta quinta edición poñen voz ás súas propias historias.Neste episodio, Mercedes Solla Carracelas —investigadora Ramón y Cajal no Departamento de Enxeñaría dos Recursos Naturais e Medio Ambiente da Universidade de Vigo, doutora Enxeñeira de Montes e membro do grupo de investigación de Xeotecnoloxías Aplicadas (Geotech) do centro de investigación CINTECX—, fálanos do seu camiño para chegar ata a investigación. Un relato no que contaxia a súa fascinación por “ver máis alá do que é visible”, interpretando sinais ocultas na terra a través do xeorradar.Esta actividade conta coa colaboración da Fundación Española para a Ciencia e a Tecnoloxía (FECYT) do Ministerio de Ciencia, Innovación e Universidades.