Audiolibro Quero ser investigadora 5 | Silvia García González

Por primeira vez, o catálogo Quero ser investigadora inclúe unha versión en formato audiolibro, no que as dez protagonistas desta quinta edición poñen voz ás súas propias historias.Neste episodio, Silvia García González —doutora en Belas artes e profesora nas facultades de Deseño e de Belas Artes da Universidade de Vigo—, fálanos do seu camiño para chegar ata a investigación. Unha conversa na que a investigadora destaca a importancia da conexión emocional co saber. No seu caso, a historia familiar serve de marco para dar sentido ás súas propias motivacións: “o meu avó materno era carpinteiro de ribeira en Massó e gustaríame aprender carpintaría porque me conecta coa súa memoria”.Esta actividade conta coa colaboración da Fundación Española para a Ciencia e a Tecnoloxía (FECYT) do Ministerio de Ciencia, Innovación e Universidades.