Audiolibro Quero ser investigadora 6 | Alma Gómez Rodríguez

As dez protagonistas desta sexta edición do catálogo Quero ser investigadora poñen voz ás súas propias historias neste audiolibro.Neste episodio, Alma Gómez Rodríguez —docente na Escola de Enxeñaría Informática da Universidade de Vigo e investigadora no Laboratorio de Informática Aplicada do Instituto de Física, Computación e Ciencia Aeroespacial—, fálanos da importancia da investigación como ferramenta de progreso social, e tamén destaca o valor da divulgación para achegar a ciencia á cidadanía e inspirar novas vocacións, especialmente entre as nenas. Esta actividade conta coa colaboración da Fundación Española para a Ciencia e a Tecnoloxía (FECYT) do Ministerio de Ciencia, Innovación e Universidades.