Audiolibro Quero ser investigadora 6 | Lucía Díaz Vilariño

As dez protagonistas desta sexta edición do catálogo Quero ser investigadora poñen voz ás súas propias historias neste audiolibro.Neste episodio, Lucía Díaz Vilariño —docente na Escola de Enxeñaría Industrial e investigadora Ramón y Cajal no grupo Xeotecnoloxías Aplicadas do centro de investigación CINTECX da Universidade de Vigo—, fálanos de como a lectura e a observación do mundo a marcaron desde pequena, e como foi construíndo a súa traxectoria a través de distintos lugares e experiencias internacionais que lle permitiron ampliar a súa mirada.Esta actividade conta coa colaboración da Fundación Española para a Ciencia e a Tecnoloxía (FECYT) do Ministerio de Ciencia, Innovación e Universidades.