Барномаи ислоҳоти ё рушди милитсияи тоҷик барои мардум чӣ медиҳад? | ДАСТАРХОН (Нашри вижа #2)

Салом алейкум, бо шумо Ҷамшед Маъруф, хуш омадед, ба нашри вижаи «ДАСТАРХОН»! Дар ин нашри вижа мо перомуни «Барномаи ислоҳоти ё рушди милитсияи тоҷик» ҳарф хоҳем зад. Бо қарори Ҳукумати Ҷумҳурии Тоҷикистон аз «03» майи соли 2014, таҳти №296 «Барномаи ислоҳоти ё рушди милитсия барои солҳои 2014-2020» тасдиқ шуд. Инчунин, барои идома додани ислоҳот дар соҳаи милитсия бо қарори Ҳукумати Ҷумҳурии Тоҷикистон аз «01» июни соли 2021, таҳти №211 «Барномаи ислоҳоти милитсия барои солҳои 2021-2025» тасдиқ гардид. Ин барнома ҳуҷҷати асосии барномавии миёнамӯҳлат буда, мақсадҳои стратегӣ, вазифа ва самтҳои асосии ислоҳоти милитсияро муайян менамояд. Иҷрокунандаи асосии Барномаи мазкур Вазорати корҳои дохилӣ буда, дар амалигардонии он вазорату идораҳои дахлдор, ҷомеаи шаҳрвандӣ ва аҳолии Ҷумҳурии Тоҷикистон низ ширкат намуда метавонанд. Ва имрӯз дар меҳмонии «ДАСТАРХОН» Садриддин Саидов, ҳуқуқшинос, аъзои Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Раёсати ВКД ҶТ дар вилояти Суғд ҳузур доранд. Моро ҳамеша пайгирӣ намоед ва ба саҳифаҳои мо обуна шуданро фаромӯш накунед: taplink.cc/jmb_pictures