Bazneicu nakts Latgolā, tuos svieteišona Viļakys bazneicā

Itūvokor, 28. majā, nūteik kasgadejuo kristeiguos kulturys nūtikšona „Bazneicu nakts”. Leidz pusnaktei byus atdareitys vaira nakai 170 bazneicu vysā Latvejā, tymā vydā 28 Latgolys dīvnomi. Itei nakts bazneicuos tiks aizvadeita ar koncertim, dzīduojumim, ekskursejom, izstuodem, mišim i cytom nūtikšonom. Bazneicu nakts laikā Viļakys Vyssvātuos Jezus Sirds Rūmys katuoļu bazneicā byus padūmuots par tū, kab byutu kū redzēt, dzierdēt i ari pagaršuot. Dazynuot, kas, tī īplanavuots, beja nūbraukuse Laura Sondore. Bazneicys, kurys byus attaiseitys, ir atzeimeitys kūpejā kartē, kas daeimama ite: www.baznicunakts.lv. Itūnakt ir vareiba apbraukuot Latvejis nūvodu dīvnomus i īpazeit tūs sakraluo montuojuma pērlis, kas teik saglobuotys i nūdūtys nu paaudzis paaudzē. {module widgetid="4" id="media" action="galleryitem" galleryid="1251" layoutid="49" layout="singlegallery" static=""}