Be enthusiastic. Don't be controlled by fear. Don't blame others and Don't Make excuses about something else and Be confident in yourself.

လူတစ်ယောက်မှာရည်မှန်းချက်တွေ၊စိတ်ကူးအိမ်မက်တွေ ရှိသင့်ပါတယ်။ စိတ်ကူးအိမ်မက်မရှိတဲ့ဘဝဟာဆားမပါတဲ့ဟင်းတစ်ခွက် လိုပါပဲပေါ့ရွှတ်ရွှတ် ဖြစ်နေမှာပါ။ ဒါကြောင့် အိမ်မက်က ကြီးသည်ဖြစ်စေ၊ သေးသည်ဖြစ်စေအရေးမကြီးပါဘူး။ အဓိကကတော့ စိတ်ကူးအိမ်မက်ရှိဖို့နဲ့အဲဒီအိပ်မက်ကိုလက်တွေ့အကောင်အထည်ဖော်နိုင်ဖို့တစိုက်မတ်မတ်လျှောက်လှမ်းနေဖို့ပဲလိုပါတယ်။   စိတ်အားထက်သန်မှု ရှိပါစေ။ ဘာပဲလုပ်လုပ်စိတ်အားထက်သန်မှုက အရေးကြီးပါတယ်။ စိတ်ဝင်စားမှု စိတ်ထက်သန်မှုရှိမှ လိုချင် တဲ့ပန်းတိုင်ကို ရောက်နိုင်ပါတယ်။ စိတ်အားထက်သန်မှု မရှိတာ ဒါမှမဟုတ် စိတ်ဝင်စားမှုမရှိတဲ့ အလုပ်ကို လုပ်နေမယ် ဆိုရင် အလုပ်က ပြီးကောင်းပြီးသွားနိုင်ပါတယ်။ ဒါပေမဲ့စိတ်ကျေနပ်မှုဆိုတာ မခံစားရနိုင်ပါဘူး။ ဒါ့အပြင် စိတ်အားထက်သန်မှု မရှိတဲ့အလုပ်ကို ဆက်လုပ်မယ်ဆိုရင် ကိုယ့်ရဲ့ အရည်အချင်းကို ဖြုန်းတီးနေတာနဲ့ တူနေပါတယ်။ဒါကြောင့် အောင်မြင်ချင်ရင် စိတ်ထက် သန်စွာ အလုပ်လုပ်ပါလို့ အောင်မြင်မှုရရှိနေသူတွေက ပြောကြပါတယ်။ လုပ်ချင်ဖြစ်ချင်တာကို တကယ်လုပ်ရင် ပိုဖန်တီးနိုင်မယ်၊ပိုစိတ်အားထက်သန်မယ်၊ ပိုကြိုးစားမယ်၊ ဒါဆိုရင် စိတ်ကူး အိမ်မက်တွေကလည်း လက်တွေ့ဖြစ်လာဖို့ မဝေးတော့ပါဘူး။