"ብራዚል ኣይግድን...፣ ኬፕ ቨርደ ግን መቐረት ፈጢሮምን ብዝሒ ህዝቢ ኣብ ብቕዓት ኩዕሶ እግሪ ወሳኒ ከምዘይኮነ ኣመስኪሮምን፣" ትንተና ዋንጫ ዓለም ምስ ነጋ ወልደጊዮርጊስ

ክቡራት ሰማዕትና፣ ከመይ ትኾኑ። ሕቡራት መንግስታት ኣሜሪካ (ዩኤስኤይ)፣ ሜክሲኮን ካናዳን ዘአንግድኦ ዘለዋ ዋንጫ ዓለም ፊፋ 2026 ናብ ርብዒ ፍጻመ በጺሑ’ሎ። 48 ሃገራት ኣሳቲፉ ታሪኻዊ ውራይ ብምዃን ናብ ምዝዛም ገጹ ኣብ ዝቀራረበሉ ዘሎ እዋን እዚ ዋንጫ ዓለም ዘይትጽቢታዊ ውጽኢታት ብፍላይ ድማ ጀርመንን ነዘርላንድስን ኣብ ዙር 32 ተገሊፈን ዘሰንብድ ውጽኢት ክርከበሉ’ንከሎ፣ ተኣምራታዊ ብቕዓትን ውጽኢትን ኬፕ ቨርደ ዝደመቐሉን ኔሩ። ተስፋ ኣፍሪቃ ኣብ ሞሮኮን ግብጽን ክወድቕ’ንከሎ ኮትዲቯርን ሰነጋልን ካብ ትጽቢት ንታሕቲ ውጽኢት ኣመዝጊበን ንዓደን ዝተመልሳሉ ኮይኑ። ኣብ ዙር 16 ድማ መሰጥቲ ግጥማትን ጽንዓት ዝመልኦም ተወፋይነታት ተራእዮም፣ ሃላንድን ኖርወይን ንብራዚል፣ ቪኒስየስ ጁንየርን ነይማርን ብኣግኡ ዓዶም ክምለሱ ክገብርዎም’ንከለዉ እንግሊዛውያን ድማ ብ10 ተጻወቲ ቅያን ጅግንነትን ብምርኣይ ዝሓለፍሉ ኮይኑ። ጉዕዞ ወከልቲ ኣፍሪቃ ሞሮኮን ግብጽን፣ ሓበን ኬፕ ቨርደ፣ ከምኡ’ውን ክሳብ’ዚ በጺሕዎ ዘሎ ደረጃ ዝተራእዩ ካልኦት ተጠቀስቲ ተርእዮታትን ክትንትነልና ከም ወትሩ ንጋዜጠኛን ተንታኒን ስፖርትን ኣዳላዊ መደባት ስፖርት ኣብ ዩትዩብ ቻነል 'ነጋ ስፖርትስ' ዝኾነን ነጋ ወልደጊዮርጊስ ደጊምና ዓዲምናዮ ኣለና። ምክትታልኩም ንዕድም።