‘ഭീഷിതരിപു നികര’

നളചരിതം ഒന്നാം ദിവസം കഥയിലെ ആദ്യരംഗത്തിലെ നാരദന്റെ പദം. രാഗം:സൌരാഷ്ട്രം ,താളം:മുറിയടന്ത. ഈ പദം കുറുപ്പാശാനും കലാ:ഗംഗാധരനും ചേര്‍ന്ന് നമ്മുടെ സംഗീതത്തിന്റെ മാത്രം പ്രത്യേകതയായ അന്തംകുത്തിപാടല്‍(ചരണാന്ത്യങ്ങളില്‍) തുടങ്ങിയ തനതു സമ്പൃദായങ്ങളോടെ മത്സരിച്ച് എന്നവണ്ണം ഗംഭിരമായി ആലപിച്ചിരിക്കുന്നു. സാഹിത്യം മുറിച്ചും കൂട്ടിച്ചേര്‍ത്തും സംഗീതപ്രയോഗങ്ങളോടുമുള്ള ആലാപനമാണ് കുറുപ്പാശാന്റെ പ്രത്യേകതയെങ്കില്‍, ഊന്നല്‍ നല്‍കിക്കൊണ്ടുള്ള തുടക്കം, ഇഴുത്തം കൊണ്ടുത്തുകൊണ്ടുള്ള പാടല്‍ എന്നിങ്ങനെയുള്ള പ്രയോഗങ്ങളാണ് ഗംഗാധരന്റെ പാട്ടിലുള്ള പ്രത്യേകതകള്‍.