ഭുവനേശ്വരന്റെ കൊലപാതകം;​ജി. സുധാകരൻ പതറിപ്പോയ നിമിഷം

എഴുപതുകളിലെ എസ്.എഫ്.ഐയുടേയും സാംസ്കാരിക ഇടതുപക്ഷത്തിന്റേയും അതിന് നേതൃത്വം നൽകിയ മനുഷ്യരുടേയും രേഖപ്പെടുത്താത്ത രാഷ്ട്രീയ സന്ദർഭങ്ങളാണ് അന്തരിച്ച യു. ജയചന്ദ്രൻ എഴുതിയ വെയിൽക്കാലങ്ങൾ എന്ന പുസ്തകം. അടിയന്തരാവസ്ഥയെ എങ്ങനെയാണ് എസ്.എഫ്.ഐ എന്ന വിദ്യാർഥിസംഘടന നേരിട്ടത് എന്ന ചരിത്രം വിശദീകരിക്കുന്ന ഭാഗം കേൾക്കാം. സി.പി.എം നേതാവ് ജി. സുധാകരന്റെ സഹോദരൻ ഭുവനേശ്വരന്റെ അതിക്രൂരമായ കൊലപാതകത്തെക്കുറിച്ചും യു. ജയചന്ദ്രൻ എഴുതുന്നു. റാറ്റ് ബുക്സിന്റെ ഏറ്റവും പുതിയ പുസ്തകത്തിൽനിന്നുള്ള ഭാഗം കേൾക്കാം