Binne vs Buite Oefen... Wat is beter en hoekom?

Simone Malan ’n biokinetikus van Bloemfontein en ’n semi-professionele uithouvermoë-atleet met ’n passie vir beweging, gesondheid en prestasie, het by Pulane Nel-Sekepe kom kuier vir 'n lekker Wellness praatjie. Sy werk met mense van verskillende ouderdomme en fiksheidsvlakke — van algemene gesondheid en rehabilitasie tot atlete wat beter wil presteer en minder beserings wil hê. Sy glo in 'n gebalanseerde benadering: uithouvermoë, krag, herstel en goeie leefstylgewoontes moet saamwerk. As ’n uithouvermoë-atleet verstaan sy ook persoonlik hoe belangrik dit is om nie net fiks te wees nie, maar ook sterk, gesond en volhoubaar te oefen. Pulane en Simone bespreek al die voordele van Binne en Buite oefen, en hoe altwee eintlik belangrik is om mekaar aan te vul.