BOKKOMS VIR BRÊKVIS deur Ilne Fourie - Episode 15

Dit is die eerste dag van die jaar, en die kampeerders skop dit af met Dollie se Louw-tradisie. Sy boot, Skommel, word gehaak vir ‘n dag op die water, braai en visvang. Henk is glad nie te vinde om douvoordag op die oop see te gaan ronddobber nie. Ansie stel hom gerus dat hy net helderkleurige swembroeke moet dra om nie haaikos te word nie. Henk is angsbevange en gooi jakkalsdraaie om so ver moontlik van Skommel of diepseegevaartes af te kan bly. Dollie se hart bars van trots wanneer hy vir Henk vertel dat hy nog al die jare gehoop het Ansie katrol vir haar ‘n bobaas visserman uit! Henk speel oop kaarte, en vertel skaam dat hy alles behalwe ‘n visserman is.