Brestir í Atlantshafsbandalagi og hávaxin og hápólitísk tré

Áberandi brestir eru komnir í samstöðu Bandaríkjanna og Evrópuríkja sem eru þó helstu stoðir Atlantshafsbandalagsins. Á öryggisráðstefnu í Þýskalandi um helgina var endanlega staðfest að bandarísk stjórnvöld hygðust semja beint við Rússa um lok Úkraínustríðsins, án svo mikið sem sýndarsamráðs við bandamenn sína í Evrópu og NATO, og án aðkomu Úkraínu að auki. Nærri sex hundruð dagar liðu frá því að Isavia bað borgina um að bregðast við trjágróðri í Öskjuhlíð og þar til einhvers konar samkomulag náðist um hvaða tré væri brýnast að fella til að hægt yrði að opna austur/vestur-flugbrautina að hluta. Þegar skógarhögginu lýkur verður borgin búin að grisja rúmlega 600 tré úr skóginum sem kallaður hefur verið lunga borgarinnar.