Caput 60: De Seneca maiore
from De eloquentiae Graecae et Romanae historia Hosted by Valahfridus Stroh
Auctor nobis est Annaeus Seneca maior, falso dictus „rhetor“: adulescens audiuerat declamatores illustrissimos, inde a Ciceronis morte. Senex (anno fere 35 p.Chr.) mira memoria audita refert X libris Controuersiarum, II Suasoriarum. Scriptum autem est filiis tribus. Singulorum librorum in praefationibus singulos rhetores proponit, ut in I. Porcium Latronem (admirabilem, sed in foro pessimum), in II. Fabianum philosophum, in III. Cassium Seuerum (in foro eregium, in schola minorem), IV. Pollionem et Haterium, VII. Albucium Silum (melius coram populo quam inter discipulos declamantem; in foro derisum), IX. Votienum Montanum (delamationes contemnentem), X. Labienum, alios. – Postea ponitur primum argumentum (= lex et causa). Tunc sequuntur sententiae (lumina argute dicta) uariorum declamatorum, in utramque partem. Adduntur diuisiones, quibus causae quaestiones notantur, tum colores (quos rhetor ipse causae addit). Deinde sequuntur alia argumenta.
Embed this episode
No transcript yet.