Carlos Pulgar (XDLA): "La llei que pautaron PSOE y PP tien l'envís de caltener con manu fierru'l so poder na RTPA"

Güei avérase al nuesu programa Carlos Pulgar, ún de los voceros de la Xunta pola Defensa de la Llingua Asturiana (XDLA), asociación que vien trabayando cuantayá pola dignificación del nuesu idioma y la denuncia de les aiciones a la so escontra. La nueva llei del mediu públicu RTPA, los cartelos en Mieres y el nuevu serviciu del SEPA (Serviciu d'Emerxencies d'Asturies) ufiertando 51 llingües menos l'asturianu son los temes que falaremos nesta entrevista. TOLES SELMANES INICIATIVA TA NES ONDES Sienti’l programa radio de l’Asociación “Iniciativa pol Asturianu” áu falaremos toles selmanes na nuesa llingua y de la nuesa llingua asturiana. El programa radio d'Iniciativa pol Asturianu, dirixíu por Samuel Gradín, ye selmanal col envís de tar más apegáu al día tres día de les custiones que cinquen al nuesu idioma. Asina ufre a los oyentes de les emisores que collaboren cola organización y los siguiores de les nueses redes sociales, un programa selmanal de trenta minutos onde puen sentise entrevistes, noticies, anuncies, etc que surden alrodiu l'asturianu. Tate sollerte.....Iniciativa pol Asturianu nes Ondes......