Часы Пасхи

Читаются в период Светлой Седмицы (от дня Пасхи до следующего воскресения - Антипасхи) в качестве утреннего и вечернего правила.Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь. Тропарь Пасхи: Христо́с воскре́се из ме́ртвых,/ сме́ртию смерть попра́в/ и су́щим во гробе́х живо́т дарова́в.(Трижды) Воскресе́ние Христо́во ви́девше,/ поклони́мся Свято́му Го́споду Иису́су,/ еди́ному безгре́шному,/ Кресту́ Твоему́ покланя́емся, Христе́,/ и свято́е Воскресе́ние Твое́ пое́м и сла́вим./ Ты бо еси́ Бог наш,/ ра́зве Тебе́ ино́го не зна́ем,/ и́мя Твое́ имену́ем./ Прииди́те вси ве́рнии,/ поклони́мся Свято́му Христо́ву Воскресе́нию,/ се бо прии́де Кресто́м ра́дость всему́ ми́ру./ Всегда́ благословя́ще Го́спода,/ пое́м Воскресе́ние Его́:/ распя́тие бо претерпе́в,// сме́ртию смерть разруши́. (Трижды) Ипакои: Предвари́вшия у́тро, я́же о Мари́и,/ и обре́тшия ка́мень отвале́н от гро́ба,/ слы́шаху от А́нгела: во све́те присносу́щнем Су́щаго/ с ме́ртвыми что и́щете, я́ко челове́ка?/ Ви́дите гро́бныя пелены́, тецы́те и ми́ру пропове́дите,/ я́ко воста́ Госпо́дь, умертви́вый смерть,// я́ко есть Сын Бо́га, спаса́ющаго род челове́ческий. Кондак Пасхи: А́ще и во гроб снизше́л еси́, Безсме́ртне,/ но а́дову разруши́л еси́ си́лу/ и воскре́сл еси́, я́ко Победи́тель, Христе́ Бо́же,/ жена́м мироно́сицам веща́вый: ра́дуйтеся!/ И Твои́м апо́столом мир да́руяй,// па́дшим подая́й воскресе́ние. Во гро́бе пло́тски, во а́де же с душе́ю я́ко Бог,/ в раи́ же с разбо́йником и на Престо́ле был еси́, Христе́, со Отце́м и Ду́хом,// вся исполня́яй, неопи́санный. Слава Отцу и Сыну и Святому Духу: Я́ко Живоно́сец, я́ко рая́ красне́йший,/ вои́стину и черто́га вся́каго ца́рскаго показа́ся светле́йший, Христе́, гроб Твой,// исто́чник на́шего воскресе́ния. И ныне и присно и во веки веков. Аминь: Вы́шняго освяще́нное Боже́ственное селе́ние, ра́дуйся./ Тобо́ю бо даде́ся ра́дость, Богоро́дице, зову́щим:// благослове́нна Ты в жена́х еси́, Всенепоро́чная Влады́чице. Го́споди, поми́луй (40 раз). Помянник (когда Часы Пасхи исполняются в качестве утреннего молитвенного правила) Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь. Честне́йшую Херуви́м/ и сла́внейшую без сравне́ния Серафи́м,/ без истле́ния Бо́га Сло́ва ро́ждшую,// су́щую Богоро́дицу, Тя велича́ем. Христо́с воскре́се из ме́ртвых,/ сме́ртию смерть попра́в// и су́щим во гробе́х живо́т дарова́в (Трижды). Го́споди Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере, преподо́бных и богоно́сных оте́ц на́ших и всех святы́х, поми́луй нас. Ами́нь. Благодарю каждого за молитвы, добрые слова и участие.Если вам близко наше дело, и у вас есть возможность поддержать его материально — будем признательны за всякую посильную жертву. Каждый лайк ❤️ , это уже помощь в продвижении слова и поддержка!Реквизиты для пожертвований:🔹 Перевод на карту:4003 0351 8783 9142 (Visa)🔹 PayPal:[email protected]🔹 Bitcoin:1Rxminct8dQjSyCez1JA2uWdobnSgXjEN🔹 Toncoin (USDT TON):UQDPlgSPA6OqwD1sVInLrrHYCJWLq-r_o7aPUOUPjWlssbHhПодробности и связь со мной на странице:👉 lestvicaorthodox.com/index/0-3 или на странице "записи сообщества".Да воздаст Господь сторицею каждому, кто помогает, молится и участвует в этом труде.С любовью о Господе, недостойный раб Христов, диакон Иоанн.