Cheating on a good person is like throwing away a diamond and picking up a rock.

ကျွန်တော်တို့သက်ရှိလူသား တွေအတွက် အရေးပါအရာရောက်တဲ့ကိစ္စရပ်တွေထဲကတစ်ခုဖြစ်တဲ့ပေါင်းသင်းဆက်ဆံရေးမှာ ကိုယ့်အတွက်ကောင်းမွန်တဲ့ မိတ်ဆွေစစ်မိတ်ဆွေမှန်တွေကို ကိုယ်ကလည်းတန်ဖိုးထားလို့ အရေး ပေးရပါမယ်။ ထို့အတူပဲ ပေါင်းသင်းဆက်ဆံရေးမှာပဲဖြစ်ဖြစ် စီးပွားရေးမှာပဲဖြစ်ဖြစ်တစ်ယောက်ကိုတစ်ယောက်ယုံကြည်မှုဆိုတာ သိပ်ကိုမှ အရေးကြီး ပါတယ်။ ဘာကိုပဲလုပ်လုပ် တစ်ယောက်နဲ့တစ်ယောက်ယုံကြည်မှုကိုအရင်းခံမှသာလုပ်ငန်းဆောင်တတွေက အစလည်းကောင်း နိုင်သလို အနှောင်းမှာလည်း ပြဿနာတွေမဖြစ်ဘဲ အောင်မြင်အထမြောက်ပါလိမ့်မယ်။ဒါကြောင့် ယုံကြည်မှုဆိုတာကို ကျွန်တော်တို့တတွေ ထိန်းသိမ်းတန်ဖိုးထားရပါမယ်။ ကိုယ်နဲ့သိတဲ့သူရော၊ ကိုယ်နဲ့မရင်းနှီးတဲ့သူကိုပါကိုယ့် ဘက်ကနေ အကောင်းဆုံးသောတရားမျှတမှုရှိရှိဆက်ဆံခြင်းနဲ့ ယုံကြည်မှု တွေကို တည်ဆောက်ရပါမယ်။ထို့အတူပဲ ယုံကြည်မှု ဆိုတဲ့အရာကလည်း တည်ဆောက်ဖို့သာ ခက်ခဲပေမယ့် ပျက်စီးဖို့ကတော့သိပ်ကိုမှ လွယ်ကူလွန်းလှပါတယ်။ အခုဆိုရင် ခေတ် ကာလကလည်း အမြီးကျက်အမြီးစားလုပ်တတ်တဲ့သူတစ်ချို့ကြောင့်စာရိတ္တမဏ္ဍိုင်နိမ့်ကျနေတယ်ဆိုပြီး မှတ်ချက်ပြုခံနေရတဲ့ အချိန်လည်းဖြစ်နေပါတယ်။ ဒါကြောင့်ဒီလိုအချိန်အခါမျိုးမှာ ကိုယ်က လည်းပုလင်းတူဘူးဆို့လို့အထင်မခံရလေအောင် ကိုယ့်ရဲ့ အကျင့်စာရိတ္တကိုအကောင်းမွန်ဆုံး အဖြောင့်မှန်ဆုံးထိန်းသိမ်းနိုင် ရပါမယ်။