出外人有記持 台語老歌重編新時代意義

六藝樂集 製作人：趙文俊 六藝樂集創立十週年特別音樂計畫，邀請團員用交響樂團的編制，去重新演出經典的台語老歌，是真濟阿公、阿媽輩的青春記持，這回也予伊有新的氣口。 製造人趙文俊做為講冊人，故事音樂會用廣播的方式，共《孤女的願望》，《媽媽請你也保重》這寡歌串起來變成故事。每一條歌曲重新編曲，再現台灣重要的旋律，予人想起少年時的夢、親人的面容，也予觀眾用音樂揣著家己，那聽故事，那用歌去感受人生的路。 音樂會主題出外人，呈現離鄉佮轉去故鄉兩種感受。講的是青春、漂流佮孤單，嘛是思念期待佮勇氣。製造人趙文俊打造音樂會，不止仔是數念過去，也向望共經典歌曲，變成新世代通接受的聲音。