Dasakam 014 - All Slokas

समनुस्मृततावकाङ्घ्रियुग्म: स मनु: पङ्कजसम्भवाङ्गजन्मा । निजमन्तरमन्तरायहीनं चरितं ते कथयन् सुखं निनाय ॥१॥समये खलु तत्र कर्दमाख्यो द्रुहिणच्छायभवस्तदीयवाचा । धृतसर्गरसो निसर्गरम्यं भगवंस्त्वामयुतं समा: सिषेवे ॥२॥गरुडोपरि कालमेघक्रमं विलसत्केलिसरोजपाणिपद्मम् । हसितोल्लसिताननं विभो त्वं वपुराविष्कुरुषे स्म कर्दमाय ॥३॥स्तुवते पुलकावृताय तस्मै मनुपुत्रीं दयितां नवापि पुत्री: । कपिलं च सुतं स्वमेव पश्चात् स्वगतिं चाप्यनुगृह्य निर्गतोऽभू: ॥४॥स मनु: शतरूपया महिष्या गुणवत्या सुतया च देवहूत्या । भवदीरितनारदोपदिष्ट: समगात् कर्दममागतिप्रतीक्षम् ॥५॥मनुनोपहृतां च देवहूतिं तरुणीरत्नमवाप्य कर्दमोऽसौ । भवदर्चननिवृतोऽपि तस्यां दृढशुश्रूषणया दधौ प्रसादम् ॥६॥स पुनस्त्वदुपासनप्रभावा- द्दयिताकामकृते कृते विमाने । वनिताकुलसङ्कुलो नवात्मा व्यहरद्देवपथेषु देवहूत्या ॥७॥शतवर्षमथ व्यतीत्य सोऽयं नव कन्या: समवाप्य धन्यरूपा: । वनयानसमुद्यतोऽपि कान्ता- हितकृत्त्वज्जननोत्सुको न्यवात्सीत् ॥८॥निजभर्तृगिरा भवन्निषेवा- निरतायामथ देव देवहूत्याम् । कपिलस्त्वमजायथा जनानां प्रथयिष्यन् परमात्मतत्त्वविद्याम् ॥९॥वनमेयुषि कर्दमे प्रसन्ने मतसर्वस्वमुपादिशन् जनन्यै । कपिलात्मक वायुमन्दिरेश त्वरितं त्वं परिपाहि मां गदौघात् ॥१०॥ Verse 1: Samanusmṛta tāvakāṅghriyugmaḥ Sa manuḥ paṅkajasambhavāṅgajanmā । Nijam antaram antarāyahīnaṁ Caritaṁ te kathayan sukhaṁ nināya ॥Verse 2: Samaye khalu tatra Kardamākhyo Druhiṇachchāyabhavas tadīyavāchā । Dhṛtasargaraso nisargaramyaṁ Bhagavan tvām ayutaṁ samāḥ siṣeve ॥Verse 3: Garuḍopari kālameghakramaṁ Vilasatkelisarojapāṇipadmaṁ । Hasitollasitānanaṁ vibho tvaṁ Vapur āviṣkuruṣe sma Kardamāya ॥Verse 4: Stuvate pulakāvṛtāya tasmai Manuputrīṁ dayitāṁ navāpi putrīḥ । Kapilaṁ cha sutaṁ svam eva paścāt Svagatiṁ chāpy anugṛhya nirgato’bhūḥ ॥Verse 5: Sa manuḥ Shatarūpayā mahiṣyā Guṇavatyā sutayā cha Devahūtyā । Bhavadīritanāradopadiṣṭaḥ Samagāt Kardamam āgatipratīkṣam ॥Verse 6: Manunopahṛtāṁ cha Devahūtiṁ Taruṇīratnam avāpya Kardamo’sau । Bhavadarcananivṛto’pi tasyāṁ Dṛḍhaśuśrūṣaṇayā dadhau prasādam ॥Verse 7: Sa punas tvadupāsanaprabhāvā- Dayitākāmakṛte kṛte vimāne । Vanitākulasankulo navātmā Vyaharad devapatheṣu Devahūtyā ॥Verse 8: Shatavarṣamatha vyatītya so’yaṁ Nava kanyāḥ samavāpya dhanyarūpāḥ । Vanayānasamudyato’pi kāntā- Hitakṛt tvajjananotsuko nyavātsīt ॥Verse 9: Nijabhartṛgirā bhavanniṣevā- Niratāyāmatha Deva Devahūtyām । Kapilas tvam ajāyathā janānāṁ Prathayiṣyan paramātmatattvavidyām ॥Verse 10: Vanameyuṣi Kardame prasanne Matasarvasvam upādiśan jananyai । Kapilātmaka Vāyumandireśa Tvaritaṁ tvaṁ paripāhi māṁ gadaughāt ॥If you have further instructions, let me know!