EPISODE · Oct 25, 2023 · 1H 1M
डोटेली/डोट्याली भाषा - "जीवनका शब्दहरू र सुसमाचार गीतहरू।mp4
from ====== "जीवनका शब्दहरू", " राम्रो समाचार", "सुसमाचार गीत" - नेपालीमा बोलिने प्रमुख भाषाहरू / "Words of Life", "Good News", "Gospel Song" - Major Languages Spoken in Nepali ====== · host Nepal Good News 1
Doteli/Dotyali Language - "Words of Life and Gospel Songs".mp4 // इसु पिलातसका अगाडि(मत्ति २७:१-२,११-१४; लुका २३:१-५; युहन्ना १८:२८-३८)१५ भोल्या प्रभातइ मुख्य पुजारि, धर्म-गुरु, अगुवा रे जम्माइ माहासभाले आपसमि सल्ला अरि इसुलाइ बादिबर लइग्या, रे पिलातसका वाँ सुउपिदियो।२ पिलातसले उनुलाइ सोध्यो, “क्या तु यहुदिको राजा होइ?” इसुले तिनुलाइ भुन्यो, “तमइ तसो भुन्नाछउ।” ३ मुख्य पुजारिले इसुलाइ भउतइ कुराको दोस लायो। ४ पिलातसले इसुलाइ अज यसो भनिबर सोध्यो, “क्या तुइले भुन्नु पड्या केइ आथिन्? हेर्, तिनुले तुइलाइ कति कुराको दोस लाया छन्।” ५ तर इसुले अज केइ जबाफ नदिया धेकिबर पिलातसले अचम्म मान्यो। ६ निस्तार चाडका बेला मान्सले माग्या एक जना कइदिलाइ तिनरि निउति पिलातसले छाडि दिन्या अरन्थ्या। ७ तइ बेला बारब्बा नाउँ भया एक जनो मान्स थुनामि पड्या थ्यो। तइले अउरसित मिलिबर आन्दोलनमि मान्स लइ मार्या थ्यो। ८ पइ मान्सका भिडले पिलातसका वाँ आइबर अउर बर्सकि जसेरि एइ बर्स लइ एक जना कइदि छाडिदिय भनिबर बिन्ति अद्द लाग्या। ९ पिलातसले यसो भनिबर तिनुलाइ सोध्यो, “क्या मु तमरि निउति यहुदिका राजालाइ छाडिदिउ भन्न्या तमु चाहान्छउ पइ?” १० क्यालाइकि मुख्य पुजारिले इसुका रिसइले उनलाइ पिलातसका वाँ सुम्पिया हो भन्न्या था थ्यो। ११ तर बारब्बालाइ तिनरि निउति छाडिदिय भनिबर मुख्य पुजारिले भिडलाइ सुर्यायो। १२ पिलातसले अज तिनुलाइ सोध्यो, “तसो भया जइलाइ तमु यहुदिका राजा भन्नाछउ, तइलाइ मु क्या अरु पइ?” १३ तिनुले अज चिच्च्याइबर भुन्यो, “तइलाइ क्रुसमि टाङ।” १४ पिलातसले तिनुलाइ भुन्यो, “क्यालाइ? उइले क्या अपराध अर्या छ?” तिनुले झिग चिच्च्याइबर भुन्न लाग्या, “तइलाइ क्रुसमि टाङ।” १५ तबइ पिलातसले भिडलाइ सन्तुस्टि पाड्या इछ्याले तिनरि निउति बारब्बालाइ छाडिदिय, रे इसुलाइ कोर्राले हान्नलाइबर क्रुसमि टाङदाइलाइ सुम्पिदियो।सिपाइले इसुलाइ गिल्ला अर्या(मत्ति २७:२७-३१; युहन्ना १९:२-३) १६ सिपाइले इसुलाइ ठुला हाकिमका प्रेटोरियन भन्न्या दरबारभित्र लइग्यो रे अउर सप्पइ सिपाइलाइ बोलाइबर लेयो। १७ तिनुले उनलाइ बइजनि रङका लत्ता लाइदियो रे काँडा भया बेलाको मुकुट बनाइबर मुन्डामि पइराइदियो। १८ तइपाछा तिनुले इसुलाइ “यहुदिका राजाको जय होस!” भुनि सलाम अद्दइ गिल्ला अर्यो। १९ पइ तिनुले उनरा मुन्डामि निङालाले हान्नइ थुक्यो, रे घुडा टेकिबर उनलाइ दण्डबत अर्यो। २० यसेरि गिल्ला अरिसक्यापाछा तिनुले बइजनि रङका लत्ता फुकाइबर उनराइ लत्ता लाइदियो। तइपाछा तिनुले उनलाइ क्रुसमि टाङदाइलाइ बाइर लइग्या।इसुलाइ क्रुसमि टाङ्या(मत्ति २७:३२-४४; लुका २३:३३-४३; युहन्ना १९:१७-२७)२१ बाटामणा जानाजानाइ तिनुले कुरेनि देसका सिमोनलाइ गाउँबटहइ सहरतिर आउन्नारया भिट्यो, उन अलेक्जेन्डर रे रुफसका बा थ्या। सिपाइले तइलाइ जबरजस्ति इसुको क्रुस बोक्द लायो। २२ रे तइपाछा तिनुले इसुलाइ गलगथा भन्न्या ठउँर लइग्यो, गलगथाको अर्थ खोपडिको ठउँर हो। २३ ताँ पुगिबर तिनुले इसुलाइ मुर्र भन्न्या ओखतो मिसाया दाखमध्य दियो। रे उनले त्यो खाएइन्। २४ तिनुले उनलाइ क्रुसमि टाङ्यो। रे कइकइले क्या क्या भाग पाउन्या भनि चिठ्ठा हालिबर तिनुले उनरा लत्ता एक आपसमि बाण्यो। २५ तिनुले उनलाइ क्रुसमि टाङद्याबेला प्रभातको नउ बज्या थ्यो। २६ उनलाइ दोस लाइबर लेख्या पत्तरमि “यहुदिका राजा” भन्न्या लेख्याथ्यो। २७ तिनुले इसुसंङइ दुइ जना डाँकुलाइ लइ क्रुसमि टाङ्यो। एकलाइ उनरा दाइनतिर, रे अर्कालाइ उनरा बायातिर क्रुसमि टाङ्यो। २८ [धर्मका किताबमि, “उन अपराधिसित गनिया।” भनि लेखिया बचन यसेरि पुरा भयो।] २९ तइ बाटा हिट्या मान्सले आफनो मुन्डो हल्लाइबर यसो भन्यो, “लउ हेर!mमन्धिर भत्काइबर अज तेसरा दिनमि बनाउन्याछु भन्न्या मान्स,m३० तु आफुइलाइ बचाइबर क्रुसबटहइ ओल।” ३१ तसोइ अरिबर मुख्य पुजारिले लइ धर्म-गुरुसित यसो भन्नइ एक आपसमि उनरो ठट्टा अर्यो, “यइले अउरलाइ त बचायो, तर आफुलाइ बचाउन सकेइन्। ३२ ए, इस्राएलका मुक्ति दिन्या ख्रिस्ट राजा आब तु क्रुसबटहइ ओलिबर आ रे हाम त्यो धेकिबर बिस्वास अर्ला।” उनसित क्रुसमि टाङिया तिनु डाँंकुले लइ उनरो निन्दा अर्यो।
Embed this episode
Ready to play
डोटेली/डोट्याली भाषा - "जीवनका शब्दहरू र सुसमाचार गीतहरू।mp4
No transcript for this episode yet
Similar Episodes
No similar episodes found.
Similar Podcasts
No similar podcasts found.