De iennige frou by de KP dy't meidie oan wapene oerfallen: Bouwina Meindertsma

Har namme komt miskien net yn de skiednisboeken foar as in fersetsikoan, mar komselden hawwe der drystmoediger fersetsfroulju west: Bouwina Meindertsma, berne yn Wytmarsum en lang wykferpleechster west yn Arum. Foar in aventoerlik ynstelde frou as Bouwina wie it fanselssprekkend om har yn te setten foar it ferset. As froulike KP'er (KP stiet foar knokploech, it wie it wapene ferset) naam se diel oan inkele wapene aksjes. Foar safier bekend wie se de iennige frou yn Fryslân dy't dat die.