點解會寫一本 廣東話哲學入門書？丨〈自序〉《致間生——孤獨時代嘅哲學旅程，由荒謬走向自由......》

預訂新書： https://forms.gle/g1CJHiQNXJxJo9KM6 致讀者： 如果你係第一次閱讀牛某文字嘅讀者，容我自我介紹一下先。 我係廣東話哲學 podcast《牛哥講經》嘅主持。《牛哥講經》已經經營超過四年時間，期間以過百萬字講解唔同嘅書本，範疇包括歷史、哲學、心理學……雖然我會喺《牛哥講經》嘅集數之間加插自己嘅諗法，但我始終冇機會同大家用長少少嘅篇輻分享自己對哲學嘅勝法。 結果，得到機會，可以寫出呢一本奇特嘅哲學入門書；得以用我嘅語言，同你分享哲學。 呢本書： 唔從哲學入手，而係從科學、神話入手， 入面有唔少學術內容，但唔用書面語書寫； 唔會只係拋出問題，而係給予我嘅答案。 點解要咁寫呢？咁就要請你睇埋落去。