Die ekonomie (en die aanwysers waaroor ek so baie praat) raak ons almal

Ek wil graag hierdie week Die Ekonomie Minuut afsluit vir die jaar met ʼn opsomming van die hoogtepunte, laagtepunte en alles tussenin wat die nuus gehaal het. As jy die afgelope jaar saam geluister het sal jy weet dat ons nie intyds weet hoe dit met die ekonomie gaan nie. Die amptelike aanwysers is na ʼn lang sloering eers beskikbaar en tussendeur soek ons vir leidrade oor die stand van ekonomiese groei, inflasie en werkskepping. Ek het baie gepraat oor rentekoerse, oor hoe die VSA se ekonomie vaar, oor beurtkrag en die fiskale posisie. Vandag wil ek net gou weer sê hoekom dit ons almal raak. * Die Ekonomie Minuut word ondersteun deur die NWU Sakeskool.