Die Onsin van die Kruis

Send us Fan Mail1 Korintiërs 1:18,19 Die boodskap van die kruis van Christus is wel onsin vir dié wat verlore gaan, maar vir ons wat gered word, is dit die krag van God. Daar staan tog geskrywe: “Die wysheid van die wyses sal Ek vernietig, en die geleerdheid van die geleerdes sal Ek tot niet maak.” Kan ek jou vandag ‘n bietjie vra: hoe slim is jy? En terwyl jy terugdink aan jou lewe: hoe lyk jou lewenspad? Getuig dit van  wysheid? Miskien het jy redelik goed gevaar. Maar jy het waarskynlik, nes ek, daarin geslaag om meer as een keer die pad, met rampspoedige gevolge, byster te raak.Wysheid is 'n onberekenbare ding. My wysheid is dalk anders as jou wysheid - ons is immers baie verskillende mense met baie verskillende lewenservaring, verskillende agtergronde, selfs met verskillende kulture.En aangesien wysheid met verloop van tyd deur die een ervaring op die ander ontwikkel, kan ek en jy heel verskillende sienings hê oor wat wysheid regtig is.In my jonger jare het ek gedink ek is redelik slim. As jy my destyds gevra het om my wysheid op 'n skaal van nul tot tien te plaas, sou ek myself 'n 8 ½ gegee het … 'n baie duidelike bewys dat ek alles behalwe wys was; trots, is waarskynlik meer in die kol, as wys. Toe op ‘n dag het alles skeef geloop en ek het bedroë daarvan afgekom ... maar tydens daardie verskriklike, pynlike tyd, het ek 'n nuwe wysheid ontdek wat my wêreldse wysheid heeltemal vernietig het:1 Korintiërs 1:18,19 Die boodskap van die kruis van Christus is wel onsin vir dié wat verlore gaan, maar vir ons wat gered word, is dit die krag van God. Daar staan tog geskrywe: “Die wysheid van die wyses sal Ek vernietig, en die geleerdheid van die geleerdes sal Ek tot niet maak.”Dit maak nie saak hoe slim ons dink ons is nie; dit maak nie saak hoe dwaas ons ook al gedink het al die Christen-dinge was nie, die wysheid van die Kruis van Christus, die opoffering van God self om mense soos ons te red, is die krag, die enigste krag, wat ons van onsself kan red en tot in alle ewigheid kan neem.Jesus verander alles.Dit is God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY