God se Woord VARS vir jou Vandag

Send us Fan MailJeremia 32:17 Ag, Here my God, U het die hemel en die aarde gemaak deur u groot mag. Niks is vir U onmoontlik nie. Die lewe is 'n legkaart waarin dit alte dikwels onmoontlik lyk om al die stukke in te pas. Jy het planne gehad. Dit was goeie planne. Ja, baie goeie planne. Toe … loop dinge skeef! Dinge neem onverklaarbaar 'n duister wending. Jy was seker ook al in so ‘n situasie?So, wat doen jy wanneer jy te kampe het met 'n donker, onoplosbare stel probleme wat so kompleks is, dat jy nie jou pad daardeur kan vind nie? Wel, natuurlik vra jy vir God wat nou aan die gang is. Waarom sou Hy dit laat gebeur … met jou van alle mense!Dis 597 v.C., 'n tyd van nasionale krisis. Jerusalem word beleër deur die Babiloniërs. Juda is op die punt om tot ‘n val te kom. Tog gee God vir Jeremia opdrag om iets onlogies te doen; om in oorlogstyd 'n stuk grond in Anatot te koop. Dit maak mos nie sin nie. Is dit regtig wat God sê? Dit sal jou jou kop ontkennend laat skud, nie waar nie? Maar kyk hoe reageer Jeremia:Jeremia 32:17 Ag, Here my God, U het die hemel en die aarde gemaak deur u groot mag. Niks is vir U onmoontlik nie.Dis maklik om jouself as 'n gelowige te beskou, totdat jou geloof getoets word; totdat dit lyk asof God iets duister en onverklaarbaars doen; soos die geval waarna ons pas gekyk het, toe Hy toegelaat het dat Babilon die Beloofde Land oorneem en Israel in ballingskap neem.Wanneer God iets so verskrikliks toelaat, is daar twee moontlike verklarings daarvoor: óf Hy doen dit uit woede en is onbetroubaar, óf daar is iets aan die gang agter die skerms, wat ek en jy nie kan sien of begryp nie.So, die volgende keer as jy jouself in daardie plek bevind, kan jy óf paniekerig raak óf bid ...Here my God, U het die hemel en die aarde gemaak deur u groot mag. Niks is vir U onmoontlik nie.Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailJesaja 29:13,14 So het die Here gesê: “Hierdie mense sê hulle behoort aan My. Hulle eer My met hulle monde, maar hulle harte is ver van My af. En hulle aanbidding bestaan uit niks meer nie as menslike opdragte en tradisies. Daarom gaan Ek wonders doen onder hierdie mense. Ek wys hulle hoe dwaas menslike wysheid is en hoe die briljantste mense niks begryp nie.” (NLV) Het jy al ooit iets probeer doen, sonder dat jou regtig hart regtig daarin was? Dis vervelig, dis niksseggend. Jy doen dit net uit gewoonte. Dit voel soos ’n leë ritueel en dit is betekenisloos. Jy gaan voort daarmee, want, wel, dis wat ‘n mens doen.Maar weet jy, vir baie mense wat hulself Christene noem, word hul Christenskap ‘n verpligting, eerder as ‘n verhouding met hulle Koning en Here. Hulle sleep hulself dalk nou en dan kerk toe en staan daar saam met al die ander mense en sing al hierdie wonderlike nuwe aanbiddingsliedere, maar diep binne-in ... is hul harte nie daarin nie.En sommige van daardie liedjies is werklik ontroerend. Meer as 'n halfmiljoen is oor die afgelope dekade alleen gepubliseer. Maar dit beïndruk God nie in die minste, as jou hart nie daarin is nie.Jesaja 29:13,14 So het die Here gesê: “Hierdie mense sê hulle behoort aan My. Hulle eer My met hulle monde, maar hulle harte is ver van My af. En hulle aanbidding bestaan uit niks meer nie as menslike opdragte en tradisies. Daarom gaan Ek wonders doen onder hierdie mense. Ek wys hulle hoe dwaas menslike wysheid is en hoe die briljantste mense niks begryp nie.” (NLV)Die slotsom? God word nie beïndruk met die sing van liedere nie. Hy wil nie ons musiek hê nie, Hy wil ons harte hê. En dit is sommige dae nie maklik nie.Soos Charles Spurgeon dit gestel het: Daar is sommige mense wat baie ywerig is wanneer dit kom by die uiterlike aspekte van goddelike aanbidding, maar wie se harte nie opreg teenoor God is nie. Dit is baie makliker om 'n tempel vir God te bou as om 'n tempel vir God te wees.Om God te aanbid is soveel meer as om liedere te sing.Dis God se Woord. Vars … vir jou … vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailMatteus 4:2-4 Veertig dae en veertig nagte het Hy niks geëet nie en naderhand het Hy honger geword. Die versoeker het toe gekom en vir Hom gesê: “As U die Seun van God is, sê hierdie klippe moet brood word.” Maar Hy antwoord: “Daar staan geskrywe: “'n Mens leef nie net van brood nie maar van elke woord wat uit die mond van God kom. ” Van kleins af probeer ons elkeen ons plekkie in die son ontdek. Ons wil vasstel waar ons in hierdie wêreld inpas; waar ons behoort. Maar daar is een aspek wat ons alte maklik, tot ons eie nadeel, te ernstig opneem...Het jy al ooit na iemand anders gekyk en gedink: Sjoe, hulle is suksesvol. Ek wonder wat hulle verdien. Kyk na die motor wat hulle bestuur, die huis waarin hulle woon. Hulle het baie beter as ek gevaar.Ek het onlangs iemand, wat homself vergelyk het met ‘Chris’, een van sy ou skoolvriende wat ongelooflike sukses bereik het, hoor sê: "Die eerste ding wat ek gedink het, was, dat ek in vergelyking met Chris, so 'n mislukking is."In werklikheid gebruik ons uiterlike standaarde - veral rykdom - as ons maatstaf van sukses. Ek het dit ook vroeër gedoen. Ek kan jou verseker dat die onnodige waarde wat ons aan ons begeerte na rykdom gee, en die manier waarop ons onsself met ander vergelyk, ‘n mens se lewe verwoes.Vergelyk dit met hierdie werklikheid:Matteus 4:2-4 Veertig dae en veertig nagte het Hy niks geëet nie en naderhand het Hy honger geword. Die versoeker het toe gekom en vir Hom gesê: “As U die Seun van God is, sê hierdie klippe moet brood word.” Maar Hy antwoord: “Daar staan geskrywe: “'n Mens leef nie net van brood nie maar van elke woord wat uit die mond van God kom. ” Jesus se prioriteit was om God te gehoorsaam; selfs al was Hy so lank sonder kos, het Hy nie aan sy maag gedink nie! Dit laat ons twee keer dink aan ons begeerte na welvaart, nie waar nie?C.S. Lewis het in sy boek, The Screwtape Letters, geskryf: “Voorspoed bind 'n mens aan die wêreld vas. Die mens voel asof hy sy plek in die wêreld gevind het, terwyl die wêreld inderwaarheid sy plek in hom gevind het.”Moenie toelaat dat voorspoed jou op 'n dwaalspoor lei nie.Dis God se Woord. Vars … vir jou … vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailFilippense 2:8-11 En toe Hy as mens geleef het, het Hy Homself nog verder verneder deur tot die dood toe gehoorsaam te wees, ja, tot die kruisdood toe! Daarom het God Hom ook tot die hoogste posisie verhoog en aan Hom die Naam gegee wat belangriker is as elke ander naam. Só sal by die noem van Jesus se heerlike Naam elke knie in die hemel en op die aarde en onder die aarde buig, en elke tong sal bely: “Jesus Christus is Here!” En só sal God die Vader verheerlik word! (NLV) Dink jy geloof in Jesus is outyds? Ag, dis die 21ste eeu. Watter relevansie kan 'n rabbi van 2 000 jaar gelede moontlik hê? Ek is ‘n besige mens – daar is baie dinge in my lewe aan die gang. Die daaglikse lewe dreineer jou, nè? Ek moet hierdie probleem oplos; ek moet daardie ding uitpluis; ek moet opgang maak - ek moet kinders grootmaak; 'n bestaan voer; my loopbaan vestig.Maar al daardie geswoeg en gewerskaf - alles - sal eendag tot 'n einde kom ... miskien baie vinniger as wat enigeen van ons vandag sou vermoed. Ek weet Jesus het 'n ongelooflike verskil in my lewe gemaak en ek weet dat Hy ook 'n wonderlike verskil in joune wil maak, maar, wanneer dit alles verby is, wat gebeur dan?Wag nou, ek is ernstig. Ek weet jy is baie besig en daar is baie druk op jou, maar sê my: wat dan?Filippense 2:8-11 En toe Hy as mens geleef het, het Hy Homself nog verder verneder deur tot die dood toe gehoorsaam te wees, ja, tot die kruisdood toe! Daarom het God Hom ook tot die hoogste posisie verhoog en aan Hom die Naam gegee wat belangriker is as elke ander naam. Só sal by die noem van Jesus se heerlike Naam elke knie in die hemel en op die aarde en onder die aarde buig, en elke tong sal bely: “Jesus Christus is Here!” En só sal God die Vader verheerlik word! (NLV)My vriend, Jesus het sy lewe vir jou afgelê. Dit maak nie saak wat jy besit of wat jou omstandighede is nie, Hy is die Koning van die konings, die Here van die here, en eendag sal Hy oor alles regeer.Hy het vir jou gekom.Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailRomeine 5:8 Maar God bewys sy liefde vir ons juis hierin dat Christus vir ons gesterf het toe ons nog sondaars was. George Clark, was 'n 19de-eeuse gewoontemisdadiger en baas van een van Londen se gewelddadigste straatbendes. Verhard deur armoede en misdaad, het hy jare in en uit die tronk deurgebring.Tydens een van die kere in die tronk, het ‘n kapelaan vir Clark 'n Bybel gegee. Hy het aan die begin daarmee gespot. Maar toe kom hy op hierdie vers af:Romeine 5:8 Maar God bewys sy liefde vir ons juis hierin dat Christus vir ons gesterf het toe ons nog sondaars was.Dit het hom getref. Hy was verhard deur 'n lewe van geweld en verwerping en hy het altyd geglo dat ‘n bendeleier en gewoonte misdadiger soos hy, gedoem is; dat hy vir ewig afgeskryf is. Hy het geglo dat liefde verdien moes word - en dat hy dit nooit kan verdien nie.Maar hier was 'n waarheid wat sy vooropgestelde opvatting verpletter het: Christus (het) vir ons gesterf toe ons nog sondaars was.Christus het vir hom gesterf, nie nadat hy sy lewe van al sy sonde skoongemaak het nie. Nie eers nadat hy verander het nie. Maar terwyl hy op sy laagtepunt besig was om van ellende te krepeer - het Christus hom lief genoeg gehad om vir hom te sterf.Daardie soort genade is radikaal. Onverdiend. Dit het sy sonde blootgelê, ja - maar nog belangriker, dit het 'n liefde geopenbaar wat geweier het om hom te verlaat. Dit is wat sy hart deurboor het. Dit is wat die siklus van geweld gebreek het. Dit is wat hom vrygemaak het.Clark het sy lewe aan Jesus Christus gegee, sy bendebedrywighede agtergelaat en 'n sendeling vir gevangenes en straatkinders - die einste mense wat hy eens op 'n dwaalspoor gelei het - geword. Sy lewe was ’n daadwerklike bewys dat niemand buite die bereik van God se liefde is nie.Dis nie vrees, nie skuldgevoelens, nie reëls wat 'n persoon werklik transformeer nie - dit is die oorweldigende liefde en genade van God, wat Christus vir ons gedemonstreer het. Dieselfde liefde wat George Clark in daardie tronksel ontdek het, is die liefde wat God vir jou het. Hy het jou op jou laagtepunt van hopeloosheid en ellende lief.Dis Sy Woord. Vars … vir jou … vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailGalasiërs 6:2-3 Dra mekaar se laste, en gee op dié manier uitvoering aan die wet van Christus. As iemand hom verbeel hy is iets en hy is niks, bedrieg hy homself. Party mense kan so ongelooflik frustrerend wees, nè? Hoekom kan hulle nie my standpunt insien nie? Hoekom verstaan hulle dit nie? Wat is fout met hulle? Ek wil jou sê dat as jy só aanhou, jy 'n bitter en verwronge mens gaan wees.Voordat ek tot bekering gekom het, was my gunsteling gesegde altyd: Dis so moeilik om soos 'n arend te sweef wanneer jy tussen die hoenders woon.Dit klink nogal skerp, nè? Maar as jy 'n bietjie dieper delf, loop dit oor van skynheiligheid, veral as iemand wat sê dat hy ‘n Christen is, dit sê. Hoekom? Omdat dit gaan oor 'n gevoel van meerderwaardigheid, 'n minagting van ander, 'n blaamverskuiwende houding - dinge wat Jesus dikwels bestraf het.Selfs toe ek uiteindelik my lewe aan Hom gegee het, was dit steeds 'n reis van baie jare om werklik van daardie afbrekende houding ontslae te raak.Maar God is baie duidelik hieroor. Jy kan nie so arrogant wees en tog beweer dat jy sy liefde ken nie. Ja, my liewe mens, hierdie by die hoenders woon-houding vernietig die wêreld waarin ons leef.Wat is die oplossing? Wel, hier staan dit in:Galasiërs 6:2-3 Dra mekaar se laste, en gee op dié manier uitvoering aan die wet van Christus. As iemand hom verbeel hy is iets en hy is niks, bedrieg hy homself.Nederigheid is die teenoorgestelde van selfvoldane arrogansie, nie waar nie? Trouens, ek en jy lyk vir hierdie wêreld soos Jesus wanneer ons onsself verneder om hulle met hul probleme te help; of wanneer ons ons vyande liefhet; of wanneer ons ingryp om hulle wonde te verbind.En as julle dink julle is te belangrik om dit te doen, flous julle net julleself.Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailJohannes 8:31-32 Toe sê Jesus vir die Jode wat in Hom glo: “As julle aan my woorde getrou bly, is julle waarlik my dissipels; en julle sal die waarheid ken, en die waarheid sal julle vrymaak.” As daar een ding is wat die geskiedenis ons geleer het, is dit dat, net omdat iets deur die meerderheid mense aanvaar word, dit nie beteken dat dit waar of reg is nie. Al glo die massa 'n leuen, verander dit nie deur towerkuns in die waarheid nie.In die 1800's het die Hongaarse dokter Ignaz Semmelweis ontdek dat dokters wat hul hande met antiseptiese middels was, die aantal sterftes as gevolg van kraamkoors drasties verminder. Maar die mediese kundiges het die teorie verwerp.Sy kollegas het hom gespot, hulle het aan tradisie vasgeklou en geweier om te verander. Semmelweis het, hoewel hy op die waarheid afgekom het, dit self nie ten volle verstaan nie. Namate die verwerping toegeneem het, het hy bitter en onstabiel geword en hy het ironies genoeg, uiteindelik in 'n inrigting aan infeksie gesterf!As die mediese wêreld selfs 'n greintjie Bybelse wysheid gebruik het - soos in Numeri of Levitikus, waar God se reinigingsvoorskrifte vir fisiese higiëne uiteengesit is - kon hulle talle lewens gespaar het, en Semmelweis kon rus vir sy siel gekry het deur Bybelse bevestiging vir sy teorie te hê. Vandag verwerp soveel mense steeds God se waarheid. Selfs Christene vind sommige dinge wat Jesus gesê het, ongerieflik, onsmaaklik of albei. En die duiwel verlustig homself hierin en vind toegang om verwoesting in ons lewens te saai. Johannes 8:31-32 Toe sê Jesus vir die Jode wat in Hom glo: “As julle aan my woorde getrou bly, is julle waarlik my dissipels; en julle sal die waarheid ken, en die waarheid sal julle vrymaak.”Die beste resep om jou teen die leuens te beskerm; die enigste verdediging teen die onwaarhede van ons tyd; die leuens van die duiwel self; is die waarheid. En wanneer jy jou gedagtes met God se waarheid vul, sal jy eenvoudig nie plek vir Satan se leuens hê nie.Dis God se Woord. Vars … vir jou … vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan Mail2 Timoteus 1:7 Die Gees wat God ons gegee het, maak ons immers nie lafhartig nie, maar vul ons met krag en liefde en selfbeheersing. Dit voel so vreeslik onregverdig wanneer slegte dinge onverwags met jou gebeur, nè? Iets gebeur met jou, iets wat regtig seermaak, en jy dink by jouself: Wat is besig om te gebeur... Hoekom gebeur dit met my? Het daardie laaste keer wat iets slegs met jou gebeur het ‘n noemenswaardige impak op jou lewe gehad?William Bligh was die kaptein van die skip die Bounty. In 1789 het twee van sy ontevrede matrose die bemanning opgestook om die Bounty te muit. Hulle het Bligh vasgebind en met ‘n paar van sy lojale manskappe op ‘n oop boot in die see gegooi. Hy het as held na Engeland teruggekeer, nadat hy die berugte Muitery oorleef het, maar die vernedering en woede oor die onreg wat hy aangedoen is, het hom outoritêr en bitter gemaak.Later, as Goewerneur in bevel van die Australiese kolonie, Nieu-Suid-Wallis, het Bligh, in sy opdrag om die korrupte Rum-smokkelary te stop, weer as gevolg van sy onverbiddelike, dominante leierskap 'n opstand ontketen. Die Rum-rebellie waar Bligh deur die oproeriges onder huisarres geplaas is, was die enigste suksesvolle gewapende oorname van 'n Australiese regering in die geskiedenis.Bligh se briljantheid as 'n navigator is oorskadu deur sy obsessiewe behoefte om sy reputasie te verdedig. In plaas daarvan om uit die muitery te leer, het hy al hoe meer verbitterd geword, sy bondgenote vervreem en toegelaat dat sy ongehanteerde bitterheid sy lewe definieer.Bitterheid is dikwels ‘n reaksie op pyn. Op die kort termyn is dit seker heeltemal verstaanbaar. Maar wanneer ons weier om te vergewe en toelaat dat bitterheid ons harte oorheers, sal dit ons vernietig. 2 Timoteus 1:7 Die Gees wat God ons gegee het, maak ons immers nie lafhartig nie, maar vul ons met krag en liefde en selfbeheersing.Wanneer slegte dinge gebeur, kan jy óf bitter óf beter word. Dis so eenvoudig. God wil jou beter maak, nie alleenlik wil Hy die gapende wond van pyn genees nie, maar Hy wil jou deur die teenwoordigheid van sy Gees binne-in jou, transformeer. Hy wil die vrees, die bitterheid en die negatiwiteit vervang met sy krag en sy liefde sodat jy selfbeheersd kan lewe.Dis wat die Heilige Gees vir jou kan doen. Maar dis jou keuse. Bitter, of beter.Dis God se Woord. Vars … vir jou … vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailGoeiemôre aan al ons VARS-vriende. Ek is Jokkie Gauché en hier is VARSVANDAG se Eerste Nuusbrief vir Mei.Sit jou pantoffels diep onder jou bed, sodat wanneer jy opstaan, jy op jou knieë moet gaan om hulle te kry – en terwyl jy daar is, sê dankie". Denzel Washington.Dit is altyd so lekker om met jou te gesels. Dankie dat jy deel van ons VARS-gemeenskap is. Jou ondersteuning beteken vir ons so baie. In een van ons volgende boodskappe van Berni, noem hy die naam van Denzel Washington en dit het my geïnspireer om iets meer oor hom met jou te deel. Denzel Hayes Washington, Jr. is in 1954 in New York gebore. Reeds as kind was die Here sy anker. As jongman is daar oor hom geprofeteer dat hy eendag voor miljoene mense sou "preek" – en vandag gebruik hy sy toneelspel as daardie platform. Na skool wou hy eers joernalistiek studeer, maar hy het sy passie vir toneelspel ontdek toe hy aan studenteproduksies deelgeneem het. Vandag is hy nie net ’n bekroonde akteur nie, maar ook ’n man wat sy geloof as sy lewenspad kies.In ’n bedryf waar materialisme en die soeke na roem dikwels die septer swaai, het Denzel Washington uitgestaan as ’n uitsonderlike voorbeeld van standvastigheid. Vir Washington is sy geloof nie ’n stokperdjie nie, maar die fondament waarop sy hele lewe gebou is. Denzel se lewe getuig van Christelike waardes met ‘n klem op nederigheid en diensbaarheid. Hy sê gereeld dat talent ’n geskenk van God is en nie iets wat hy uit eie krag bereik het nie. Hy het in 'n onlangse onderhoud oor sy Oscars en oor rykdom gesê: ·      Die mens gee die toekenning. God gee die beloning. Op my laaste dag sal die Oscars my niks baat nie, en·      Jy sal nooit ’n sleepwa agter ’n lykwa sien nie,"Al is hy so suksesvol, erken hy dat hy al "gevaarlik naby" aan wêreldse versoekings gekom het, maar dat God se genade hom elke keer bewaar het. Hy kies om Jesus voluit te volg en moedig ander aan om ook hierdie geestelike anker te vind.Denzel beskou Suid-Afrika as ’n plek van geestelike hernuwing, wat verduidelik waarom hy en sy vrou, Pauletta, juis hierheen gekom het om hul huweliksherdenking saam met aartsbiskop Tutu te vier.Hy bly ’n baken van hoop vir enigiemand wat poog om hul geloof met integriteit in die sekulêre wêreld uit te leef.Hier is ‘n gedagte vir die pad:Hou op soek na bevestiging in 'n wêreld wat sy eie Skepper gekruisig het.o  Jy het seker agtergekom dat jy ook na die Nuusbrief kan luister by die skakel op hierdie e-pos!o  Baie dankie vir al die positiewe kommentaar op die dagstukkies. Ek wil jou ook graag daaraan herinner dat ons daagliks op potgooi beskikbaar is. Wanneer dit (bitter selde) gebeur dat jou e-pos-boodskap die dag nie afgelewer is nie, kan jy gerus na die potgooi weergawe gaan.Ons wil jou weer uitdaag om ernstig te oorweeg om by ons getroue donateurs aan te sluit deur finansieel by te dra tot die Suid-Afrikaanse bediening van Christianityworks.Mag jy ‘n wonderlike week hê waarin jy die Here se beskerming en vrede beleef.Seënwense en mooi loop Van Jokkie, Annelie en die VARS-span Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailJesaja 1:18 Kom tog, laat ons die saak met mekaar uitmaak, sê die Here: Al was julle skarlakenrooi van sonde, julle sal wit word soos sneeu. Al was julle purperrooi, julle sal wit word soos wol. Skuldgevoelens oor dinge in ons verlede het 'n geneigdheid om ons perspektief op die toekoms te belemmer. Baie lewens is al deur ongehanteerde skuldgevoelens verwoes. Klink dit bekend?Ludwig Tessnow, 'n Duitse skrynwerker, is in 1901 skuldig bevind aan moord op twee jong seuns. Drie jaar voor dit, het twee soortgelyke moorde plaasgevind, maar alhoewel hy 'n verdagte was, kon hulle hom nie vastrek nie en is hy weens 'n gebrek aan bewyse, vrygespreek. Tessnow was diep ongelukkig en sy skuldgevoelens het aan hom gevreet. Hy was te skaam om die aanvanklike moorde te bely, en hy het probeer om sy verlede deur geheimhouding en ontkenning weg te steek. Toe forensiese bewyse sy rol in die tweede stel moorde blootgelê het, het Tessnow nooit sy skuld geëien nie; hy het nooit vergifnis vir die moorde gevra nie; sy spyt het nooit tot bekering gelei nie - slegs tot wanhoop. Daar het jy dit: die sielverpletterende las van ongehanteerde skuldgevoelens! Maar hier is wat die Here, deur sy profeet vir Israel, gesê het:Jesaja 1:18 Kom tog, laat ons die saak met mekaar uitmaak, sê die Here: Al was julle skarlakenrooi van sonde, julle sal wit word soos sneeu. Al was julle purperrooi, julle sal wit word soos wol.Dit is die kern van die Evangelie. Dis die Goeie Nuus van Jesus Christus: Dit is hoe Jesus se dood aan die kruis die prys, wat God se geregtigheid vir ons sonde eis, betaal het. Hy het gekom om ons te verlos van ons verlede en om ons te bemagtig om vorentoe te beweeg.Die Here ignoreer nie ons sonde nie. Nee, wanneer ons dit bely en om vergifnis vra, vergewe Hy ons volkome, vir eens en vir altyd.So, het jy nodig om sy vergifnis te vra? Dis noodsaaklik, want in die skaakspel van die lewe is jou volgende skuif baie belangriker as jou laaste fout.Dis God se Woord. Vars ... vir jou ... vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailSpreuke 15:4 Kalmerende woorde bring lewe, skynheilige woorde breek mense. As ons maar net die gemene dinge wat ons oor die jare gesê het, kon terugtrek en dit kon vervang met woorde van vriendelikheid en begrip... Dink daaroor na. Hoe anders sou sommige van jou verhoudings, selfs jou lewe, gewees het as jy nie party van daardie dinge gesê het nie?Ons het dit almal gedoen. Ons is almal spyt daaroor. Ons wens almal dat ons dit ongedaan kon maak. Maar ons kan nie. Wat ons wel kan doen, is om te probeer verstaan hoekom ons daardie kwetsende dinge gesê het, sodat ons volgende keer anders kan optree. Maar kom ons kyk na die ooglopende, die voor die hand liggende oplossing in:Spreuke 15:4  Kalmerende woorde bring lewe, skynheilige woorde breek mense.Kalmerende woorde, of soos dit in die ou vertaling ‘n "sagte tong" genoem word, verwys letterlik na 'n genesende tong in die oorspronklike Hebreeuse taal. Dink net wat dit sal beteken wanneer jy leer om moeilike situasies met woorde, wat mense genees en opbou, te benader; eerder as woorde wat hulle afbreek.Maar verdraaide of korrupte woorde, leuens, laster, wreedheid en dies meer – breek ‘n mens se gees, dit verpletter mense, verwond hulle, dit slaan hulle plat.Hoekom doen ons dit? Dis reg, dis omdat ons self seer het. Hoe gereed dink jy, is jy om liefdevol met ander te praat wanneer jou hart seer is? Jy is beslis nie gereed nie, nè?Hier is die waarheid: Wanneer die hart seer en gewond is, volg die tong dikwels op vernietigende maniere. Die Bybel waarsku ons dat die toestand van ons hart ons woorde beïnvloed. Ons moet dus wanneer ons emosies rou is, met selfbeheersing, wysheid en in stilte optree. ‘n Regverdige mens dink voor hy antwoord. Goddelose mense sê net slegte dinge.So, moenie jou tong vertrou wanneer jou hart bitter of gebroke is nie. Bly stil totdat jy genees het, want dan eers kan jy opreg wees.Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailJohannes 10:10-11 'n Dief kom net steel en slag en uitroei; Ek het gekom sodat hulle die lewe kan hê, en dit in oorvloed. Ek is die goeie herder. Die goeie herder lê sy lewe af vir die skape. Het jy al ooit minderwaardig gevoel wanneer jy rondkyk na die uitstaande prestasies wat ander mense bereik het en dit vergelyk met jou eie ellendige, niksseggende bestaan? Miskien is dit 'n bietjie kras, maar is dit nie hoe ons onsself soms beskou nie? Kom ons kyk na voëlmis. Jy dink seker ek is nou die kluts kwyt? Toemaar, ek dink jy sal met my saamstem dat niks op aarde meer nutteloos as voëlmis kan wees nie. Maar in die 19de eeu het hulle ontdek dat dit ryk aan stikstof is. Hierdie guano het witgoud geword; dis wêreldwyd in die landbou as wonderkunsmis gebruik. Kan jy dit glo: Hierdie voëlmis het selfs tot oorloë gelei. Die VSA het Peru se guano-ryke gebiede met die Guano-eilandewet vir die Amerikaners opgeëis. Spanje het die Chincha-eilande in Peru oorgeneem, wat tot 'n oorlog gelei het.'n Dekade later het Chili, Peru en Bolivia in die Oorlog van die Stille Oseaan gebots. Dit was weer eens oor die guano-gebied. Kan jy dit glo! Dit was nie oor olie of goud nie, maar oor voëlmis - die mees onwaarskynlike hulpbron, wat sakke vol geld gemaak het, konflik aangevuur het en die wêreld se oeste bemes het.Daar woed vandag 'n selfs groter stryd oor iets, wat jy dalk as waardeloos en niksseggend wil beskou. Johannes 10:10-11 'n Dief kom net steel en slag en uitroei; Ek het gekom sodat hulle die lewe kan hê, en dit in oorvloed. Ek is die goeie herder. Die goeie herder lê sy lewe af vir die skape.Maar kyk wat Charles Spurgeon gesê het: “Dink na oor hoe kosbaar jou siel moet wees vir Satan om dit onvermoeid te jag, en vir die Koning van die konings om sy eie lewe daarvoor af te lê.” Waardeloos? Nooit as te nimmer nie!Dis God se Woord. Vars … vir jou … vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan Mail2 Tessalonisense 3:2-3 Bid ook dat ons van verkeerde en slegte mense verlos word, want nie almal is gelowiges nie. Die Here is getrou; Hy sal julle versterk en julle van die Bose bewaar. Die wêreld is deesdae skerp verdeeld tussen outoritêre regimes aan die een kant, en sogenaamde liberale demokrasieë aan die ander kant. Tog is daar 'n groterwordende grys area in die middel, waar sensuur die basiese mensereg van vryheid van spraak ondermyn.'n Onlangse Britse regeringsverslag genaamd: Geloof en Oortuiging in Moderne Brittanje, verklaar dat: Dit heeltemal aanvaarbaar is om die Christendom in die openbaar te bespot of te verag. 'n Geopende Deure-verslag oor Wes-Europa, het bevind dat 30% tot 40% van jong Christene erken dat hulle hul geloof geheimhou, uit vrees vir bespotting of professionele gevolge.Daar is tydens verlede jaar meer as 'n duisend anti-Christelike dade soos brandstigting van kerkgeboue, ontheiligings en aanrandings, in Frankryk aangemeld. Die Kanadese aktivis Chris Elston, bekend as Billboard Chris, is in Australië in hegtenis geneem omdat hy doodstil in 'n openbare winkelsentrum gestaan het met 'n plakkaat wat lui: Kinders kan nie self toestemming gee vir puberteitsblokkeerders om hormoon produksie te stop nie.Vervolging is aan die toeneem. Jy kan dit sommer voel. Jy kan dit sien. So, wat moet ons doen? Paulus skryf in die 1ste eeu n.C. in:2 Tessalonisense 3:2-3 Bid ook dat ons van verkeerde en slegte mense verlos word, want nie almal is gelowiges nie. Die Here is getrou; Hy sal julle versterk en julle van die Bose bewaar.Vervolging ís aan die toeneem. Ek weet nie waar jy woon, en onder watter regeringstelsel jy leef nie, maar moenie verbaas wees om te sien, dat hierdie vloedgolf van vervolging ook al in jou omgewing afspeel nie. Nie almal glo in die Here nie, weet jy?Moenie ontsteld wees nie, moenie bang wees nie, want: Die Here is getrou; Hy sal julle versterk en julle van die Bose bewaar.Dis Sy Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailSagaria 14:9 Die Here sal koning wees oor die hele land. Daardie dag sal die Here die enigste God wees, en sy Naam die enigste Naam. Elon Musk is sonder twyfel 'n rare figuur. Jy is óf sy grootste aanhanger óf jy kan hom nie voor jou oë verdra nie. Maar hy is ook 'n idealis en verstommend briljant. Hy het talle nywerhede - van motorvoertuie tot ruimtetuie - met ongelooflike, doelgerigte vernuwing hervorm. Hy droom daarvan om mense op Mars te vestig, masjiene gedagtes te laat lees en menslike lewe te verleng. Daar word gesê dat Musk met sy stygende ambisie homself verhef. Dit klink amper asof Musk se planne vir vooruitgang, in menslike innovasie lê. En weet jy, daar is baie mense met hierdie beskouing.Kom ons wees eerlik, die meerderheid van die mensdom het die een ware God verwerp. Hulle het God verwerp; hulle glo nie dat Hy Jesus, sy Seun, gestuur het om ons Verlosser te wees nie. Hulle glo nie dat Jesus gesterf het om vir ons sondes te betaal en uit die dood opgestaan het om ons tot in ewigheid 'n nuwe lewe te gee nie. Soos die bouers van die Toring van Babel, reik die mensdom na die hemele, sonder om voor die hemel se Koning te buig.So, hoe sal dit alles eindig? Is die moderne slim manne van hierdie wêreld reg? Is die wetenskap werklik die antwoord? Kan die mensdom werklik sy eie Verlosser word?Sagaria 14:9 Die Here sal koning wees oor die hele land. Daardie dag sal die Here die enigste God wees, en sy Naam die enigste Naam.Moenie jouself bluf nie. Ons lewens gaan tot 'n einde kom. Hierdie hele wêreld is onkeerbaar op pad na sy uiteindelike, einde. En op daardie dag sal ál die wetenskap, ál die menslike briljantheid en strewe in die wêreld, ons nie red nie. Op daardie dag sal elke knie buig en elke tong sal bely dat Jesus Christus die Here is.Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailRomeine 12:3 ... Moenie van jouself meer dink as wat jy behoort te dink nie. Nee, lê jou liewer daarop toe om beskeie te wees in ooreenstemming met die maat van geloof wat God aan elkeen toebedeel het. Ons het almal al gehoor dat hoogmoed tot ‘n val kom. En dit is waar! As jy al ooit toegelaat het dat jou trots handuit ruk, dan weet jy, soos ek, deur bitter ondervinding, dat jy uiteindelik lelik gaan misluk. Generaal George Custer was 'n flambojante en ambisieuse Amerikaanse leëroffisier in die 19de eeu. Hy was bekend vir sy bravade en oormatige selfvertroue en hy het homself as ‘n militêre genie beskou. In 1876, met die Slag van Little Bighorn, het hy waarskuwings geïgnoreer en die krag en vasberadenheid van die Inheemse Amerikaanse mense onderskat.Gedryf deur trots en 'n honger na glorie, het hy, met die vaste oortuiging dat hy gaan wen, sy magte verdeel en 'n roekelose aanval geloods. Die gevolg was dat sy hele afdeling uitgewis is. Sy trots het nie net tot sy eie ondergang gelei nie, maar ook tot die onnodige dood van sy manskappe.Ja, hoogmoed kom beslis tot ‘n val. So …Romeine 12:3 … Moenie van jouself meer dink as wat jy behoort te dink nie. Nee, lê jou liewer daarop toe om beskeie te wees in ooreenstemming met die maat van geloof wat God aan elkeen toebedeel het.Die rede waarom hoogmoed tot ‘n val kom, is omdat die trots jou jou perspektief laat verloor en jou roekelose besluite laat neem. Die oplossing is dus om jouself te toets; om beheer te neem en om realisties te wees oor jou unieke vermoëns én beperkinge. Moenie jouself oorskat nie. Moenie so hoog mik dat jy tot ‘n val gaan kom nie.Moenie meer van jouself dink as wat jy behoort nie, maar wees nederig en onthou dat jou geloof ‘n geskenk uit God se hand is. Wees dankbaar vir die geloof wat jy wel ontvang het en hou op om jou met ander te vergelyk.Dis Sy Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailJeremia 17:10 Ek, die Here, deurgrond en toets hart en verstand, Ek laat die mens kry wat hy verdien, wat hom toekom vir wat hy doen.Vandag is een van daardie slegte-nuus-en-goeie-nuus-dae. Ons ontvang almal partykeer slegte nuus, maar die slegste nuus wat ons ons ooit kan kry, is dat daar 'n God in die hemel is, en dat Hy elkeen van ons volgens ons dade oordeel.O aarde! Dit mag vir jou soos 'n grap klink, of dit kan jou absoluut vreesbevange maak. Ek is een van die laasgenoemdes, want ek glo met my hele hart dat daar 'n God in die hemel is en dat Hy ons wel oordeel. Kyk! Hier staan dit in:Jeremia 17:10 Ek, die Here, deurgrond en toets hart en verstand, Ek laat die mens kry wat hy verdien, wat hom toekom vir wat hy doen.Dis nie net slegte nuus nie, dis skrikwekkend. Kyk, as daar 'n God is, sou jy wou hê dat Hy regverdig moet wees, nè? Soveel skelms kom met moord weg. Jy wil tog hê dat hulle daarvoor gestraf moet word? En dis presies wat God hier sê. Hy deursoek elke hart, Hy ondersoek elke gedagte – joune, myne en almal anders s’n. Hy sien alles wat ons doen.En ons weet almal dat wanneer Hy oordeel, ons baie diep in die moeilikheid is. Dink net aan al die verskriklike dinge wat ons gedoen het; al die verkeerde dinge wat in ons breine rond geborrel het; nee, my vriend, dit klink nie goed nie. Dis ’n skrikwekkende vooruitsig. Ons is almal verdoem.Maar ons God van geregtigheid, is ook die God van liefde. En daarom het Hy Jesus gestuur om ons plek in te neem en om die straf wat ons dade verdien, te dra. Aan die kruis het óns sonde deel van Jesus geword en Hy is daarvoor gestraf, sodat ons deel kan hê aan sy volmaakte geregtigheid.Dis die goeie nuus. Plaas jou vertroue in Jesus, en jy sal gered word.Want dis God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailJesaja 12:3-4 Met blydskap sal julle water skep uit die fonteine van redding. Op dié dag sal julle uitroep: “Loof die Here, roep sy Naam aan, maak sy dade onder die volke bekend en verkondig dat sy Naam groot is.Die lewe maak baie snaakse draaie, nè? Die een oomblik kan jy in die dieptes van wanhoop wees. Die volgende oomblik kan jy met 'n onuitspreeklike vreugde gevul wees. En dit is so 'n keerpunt waarna ons vandag saam gaan kyk.George Müller was 'n dief, leuenaar en dronkaard. Hy was reeds op ‘n vroeë ouderdom al in die tronk. Maar in 1825, toe hy absoluut mismoedig en desperaat was, het hy teësinnig 'n Bybelstudie bygewoon. Daardie aand het iets binne-in hom gebreek. Hy het later geskryf: Ek was in groot nood. Maar toe ek sien dat Christus vir my sondes gesterf het, het vreugde my siel gevul soos nog nooit tevore nie. Die een oomblik was hy absoluut wanhopig. Die volgende was hy onuitspreeklik gelukkig. Müller het bekend geword as een van die geskiedenis se grootste manne van geloof. Hy het weeskinders versorg. Hy het, sonder om ooit vir geld te vra, op dié God wat hom uit die put gelig het, vertrou, en hy het in sy leeftyd vir meer as 10 000 wesies gesorg. Hier is God se belofte aan Israel, toe hulle op die punt gestaan het om 'n tyd van groot lyding in te gaan:Jesaja 12:3-4 Met blydskap sal julle water skep uit die fonteine van redding. Op dié dag sal julle uitroep: “Loof die Here, roep sy Naam aan, maak sy dade onder die volke bekend en verkondig dat sy Naam groot is.En dit is die belofte vir enigiemand wat, soos George Müller, hul lewe aan Jesus oorgee. Met groot vreugde sal jy vir ewig lewende water uit die dieptes van jou verhouding met Hom skep. En dan sal jy spontaan, in aanbidding met Hom praat. Jy sal ‘n dringende begeerte hê om met opregte vreugde en oortuiging, vir ander van sy groot liefde vir hulle te vertel.Van beproewing tot getuienis; van aanbidding tot sending.Dis God se Woord. Vars … vir jou … vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailMatteus 24:35 Die hemel en die aarde sal vergaan, maar my woorde nooit.”Baie van die dinge wat tans in die wêreld gebeur, lyk, wel, vreemd... apokalipties, oftewel openbarend, asof ons in die laaste dae leef. Ag, miskien voel sommige van die dinge wat in jou lewe aangaan ook so. En tog, te midde van dit alles, is ons gespaar en het ons elkeen vanoggend wakker geword om nog 'n dag te beleef.Die konsep van die apokalips dui op die eindtye, die vernietiging van die skepping. En met die skrikwekkende omwentelinge wat op die oomblik in die wêreld aangaan - wie weet?Die oorspronklike Griekse woord - apokalypsis - beteken eintlik 'n openbaring, 'n onthulling, 'n openbaarmaking van verborge waarhede. So, ek wonder, wat probeer God vir jou en my sê oor die ontstellende gebeure wat in ons eie lewens plaasvind.Terwyl jy besig is om jou gereed te maak om God se stem te hoor, luister hoe Jesus hierdie vrae van sy dissipels oor die eindtye beantwoord het in:Matteus 24:35 Die hemel en die aarde sal vergaan, maar my woorde nooit.”Soms voel dit asof die grond onder jou voete bewe; dinge wat jy as vanselfsprekend aanvaar het, verkrummel; dít wat jy nog altyd as waar beskou het, lyk skielik twyfelagtig.Wanneer jy begin twyfel, is my gebed vir jou, dat jy sal onthou wat Jesus gesê het toe sy dissipels Hom gekonfronteer het met dinge wat hulle nie verstaan het nie:Die hemel en die aarde sal vergaan, maar my woorde nooit.”Hy het jou lief. Hy het gesterf om jou van jou sondes te red. Hy het weer opgestaan om jou 'n nuwe lewe te gee. En eendag kom Hy jou huis toe neem om vir ewig by Hom te wees.Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailPsalm 18:31 Wat God doen, is volmaak; wat die Here sê, is suiwer. Elkeen wat by Hom skuiling soek, beskerm Hy. Dink jy, jy sou twintig jaar gelede kon voorspel hoe jou lewe vandag gaan lyk? Vir die meeste van ons is die antwoord 'n duidelike nee, want dinge neem soveel onverwagte wendings, nie waar nie? Daar is soveel vooruitgang en veranderinge wat ons nooit kon voorsien nie...Met al die hoogte- en laagtepunte wat jy ervaar het, was daar sekerlik tye wat dinge net nie sin gemaak het nie. Hoekom het dit gebeur? Hoe kan dit reg wees? Hoe het ek in hierdie situasie beland?Dekades gelede, toe my hoop en drome voor my verpletter gelê het, het ek beslis daardie vrae gevra. En destyds kon ek nooit voorspel dat ek hier saam met jou sou wees en doen wat ek besig is om te doen nie. Maar langs die pad het ek ontdek hoe waar die woorde in hierdie versie is:Psalm 18:31 Wat God doen, is volmaak; wat die Here sê, is suiwer. Elkeen wat by Hom skuiling soek, beskerm Hy.My reis was deurmekaar; joune waarskynlik ook. Maar as ek terugkyk, kan ek sien hoe God my op die pad, wat Hy vir my gekies het, gelei het. Ek kan sien hoe die koers wat Hy vir my uitgestippel het, foutloos en onberispelik was. Toe ek tot my sinne gekom het, het ek besef dat dit veilig sal wees om die leisels aan Hom te oorhandig.Ek het oor die jare op soveel verskillende maniere sy beloftes, sy wysheid en sy krag ervaar; dat ek sonder twyfel kan sê dat sy Woord waar is.Deur uiters onaangename omstandighede en pynlike ervarings, wat ek nie vir my ergste vyand sal toewens nie, het Hy my beskerm. Hy het my toevlugsoord geword; Hy het my veilig tot op hierdie punt gebring om by jou te wees. Want dit is wie God is ... vir my, en vir jou.En dit is Sy Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan Mail2 Timoteus 2:3-6 Dra jou deel van die ontberings soos 'n goeie soldaat van Christus Jesus. 'n Soldaat in aktiewe diens wat sy bevelvoerder tevrede wil stel, bemoei hom nie met die dinge van die gewone lewe nie. 'n Atleet wat aan 'n wedstryd deelneem, kan die prys wen slegs as hy volgens die reëls meeding. Die boer wat die harde werk doen, behoort eerste 'n deel van die oes te kry. Ons hoop almal om op die ou end ongeskonde aan die anderkant van die opdraande uit te kom tot waar die paadjie gelyk word. Die rit sal waarskynlik met 'n paar stampe en kneusplekke gepaard gaan, maar ons wil almal daardie diep sug van verligting kan slaak: Ek het dit gemaak! Wanneer jy in die oog van die storm is, voel dit dikwels asof jy dit nie gaan maak nie. En waar op dees aarde is God nou? Waarom gryp Hy nie in nie? Waarom steek Hy nie net sy hand uit om my uit hierdie verskriklike moeras te red nie?Miskien lê die antwoord in iets wat die apostel Paulus aan sy dissipel, Timoteus geskryf het:2 Timoteus 2:3-6 Dra jou deel van die ontberings soos 'n goeie soldaat van Christus Jesus. 'n Soldaat in aktiewe diens wat sy bevelvoerder tevrede wil stel, bemoei hom nie met die dinge van die gewone lewe nie. 'n Atleet wat aan 'n wedstryd deelneem, kan die prys wen slegs as hy volgens die reëls meeding. Die boer wat die harde werk doen, behoort eerste 'n deel van die oes te kry.Die lewe saam met Jesus beteken nie dat jy nooit opdraandes sal hê nie; dit is 'n geseënde en kragtige vennootskap met Hom. Daar word gesê dat as jy God vra om 'n marathon te wen, Hy vir jou 'n paar tekkies sal stuur, nie 'n medalje nie.Ja, my vriend, Hy is ons helper wat daar is om ons toe te rus, nie te bederf nie; om ons voor te berei, nie om die proses te omseil nie. Hy gee vir ons dít wat ons nodig het om bo uit te kom - nie kortpaaie nie, maar krag.So, wees 'n goeie soldaat van Christus Jesus, en aanvaar jou deel van die probleme wat jou pad kruis.Dis God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailRomeine 8:28-29 Ons weet dat God alles ten goede laat meewerk vir dié wat Hom liefhet, dié wat volgens sy besluit geroep is. Dié wat Hy lank tevore verkies het, het Hy ook bestem om gelykvormig te wees aan die beeld van sy Seun, sodat sy Seun baie broers kan hê van wie Hy die Eerste is.Het jy al ooit in hierdie besige wêreld heeltemal alleen gevoel? Miskien het jy mense rondom jou, dinge waarby jy betrokke is, maar daardie gevoel van eensaamheid en van isolasie, vreet aan jou. So, jy vra jouself af: Hoekom gaan ek hierdeur? Hoekom voel ek asof niemand verstaan waardeur ek gaan nie?Dis nie 'n ongewone gevoel nie. Dit lyk net asof dinge sonder rede met jou gebeur. Jy voel asof dinge buite beheer is. Dinge - slegte dinge en ook hier-en-daar goeie dinge – word net na jou kant toe geslinger. Jy dink later dat jy in die maalkolk van die lewe gegooi is.Ons begin die gevoel van isolasie veral beleef wanneer ons neerslagtig voel en wanneer ons seergekry het. Ons ervaar dit wanneer onbeplande dinge gebeur; ons beleef dit wanneer mense se houdings en gedrag teenoor ons verander.Paulus het in die 1ste eeu n.C. vir die kerk in Rome verseker dat God se motiewe suiwer is:Romeine 8:28-29 Ons weet dat God alles ten goede laat meewerk vir dié wat Hom liefhet, dié wat volgens sy besluit geroep is. Dié wat Hy lank tevore verkies het, het Hy ook bestem om gelykvormig te wees aan die beeld van sy Seun, sodat sy Seun baie broers kan hê van wie Hy die Eerste is.Tim Keller, ‘n Amerikaanse pastoor en teoloog het dit so gestel: Die Christendom weet, in teenstelling met fatalisme is lyding oorweldigend; in teenstelling met Boeddhisme, is lyding ’n  werklikheid; in teenstelling met karma, is lyding dikwels onregverdig; en in teenstelling met sekularisme, is lyding betekenisvol. Daar is 'n doel daarmee, en as dit reg aangepak word, maak dit ons nog liewer vir God en gee dit vir ons meer stabiliteit en geestelike krag as wat jy verwag.Alles werk ten goede saam vir diegene wat God liefhet. Alles.Dis Sy Woord. Vars … vir jou … vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan Mail1 Tessalonisense 5:16-18 Wees altyd bly. Bid gedurig. Wees in alle omstandighede dankbaar, want dit is wat God in Christus Jesus van julle verwag.Dankbaarheid is een van die grootste kragte in die heelal. Die probleem is, wanneer ons moedeloos voel, voel dit vir ons onmoontlik om dankbaar te wees.Etty Hillesum, 'n jong Nederlandse Jodin, is tydens die Tweede Wêreldoorlog, soos so baie Jode, deur die Nazi’s gevange geneem. Terwyl sy in die Westerbork-transitokamp gevange gehou is, het sy geworstel met haar skuldgevoelens oor haar vorige losbandige verhoudings en 'n knaende vrees vir die Nazi-terreur. Sy het God se teenwoordigheid te midde van haar lyding ervaar en 'n buitengewone dankbaarheid vir medemenslikheid en vriendelikheid ontwikkel. Haar dagboeke weerspieël 'n diepgaande innerlike transformasie: Die ellende hier is verskriklik... en tog - laat in die nag... dank ek God dat Hy my so oordadig laat leef het. Dankbaarheid het haar lewe gekenmerk en haar dae betekenis gegee voordat sy in 1943 in Auschwitz omgekom het. 1 Tessalonisense 5:16-18 Wees altyd bly. Bid gedurig. Wees in alle omstandighede dankbaar, want dit is wat God in Christus Jesus van julle verwag.Ja, nou wel, dit was Etty Hillesum. Sy was ‘n uitsonderlike dapper mens! Maar wanneer jy hierdie skrifgedeelte lees, dink jy by jouself … dis onmoontlik. Hoe kan ek onder my moeilike omstandighede altyd vol vreugde wees? Hoe kan ek altyd dankbaar wees … ten spyte van dít wat besig is om te gebeur?Kyk, geen hoeveelheid spyt sal jou verlede verander nie. Geen hoeveelheid angs sal jou toekoms verander nie. Maar die kleinste greintjie dankbaarheid sal jou hede heeltemal verander.So, neem hierdie Skrifgedeelte, omhels dit, mediteer daaroor, bid daaroor … en kyk hoe die krag van God jou lewe verander, want dit is hoe Hy wil hê jy in Christus Jesus moet leef.Dis Sy Woord. Vars … vir jou … vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailJakobus 1:2-4 My broers en susters, wanneer julle in allerhande beproewings beland, moet julle eintlik baie bly wees. Julle weet mos: Wanneer ’n mens se geloof ’n toets deurstaan, veroorsaak dit dat jy kan volhard. Julle moet egter enduit volhard. Dan sal julle julle lewensdoel bereik en geestelik gesond wees. Julle sal niks kortkom nie. (NLV) Dit is ‘n feit dat alle mense op een of ander stadium lyding gaan beleef. Dit is onmoontlik om ons lewens daarsonder voor te stel, al is dit waarvoor ons sou hoop. Maar dis die lewe... So, hoekom laat God dit toe? Meer ter sake, hoekom laat Hy vir jou en vir my ly? Dit is wat ons regtig wil weet! Kyk wat skryf Jesus se broer, vir die vervolgde Jode wat oor die Romeinse Ryk versprei was:Jakobus 1:2-4 My broers en susters, wanneer julle in allerhande beproewings beland, moet julle eintlik baie bly wees. Julle weet mos: Wanneer ’n mens se geloof ’n toets deurstaan, veroorsaak dit dat jy kan volhard. Julle moet egter enduit volhard. Dan sal julle julle lewensdoel bereik en geestelik gesond wees. Julle sal niks kortkom nie. (NLV)Ek was diep geraak deur iets wat Lowell Wertz, my goeie vriend en sendeling in Afrika oor hierdie einste ding geskryf het:Miskien is daar geen plaasvervanger vir lyding nie. Die ervarings wat God oor ons bring, het altyd 'n doel. Die dissipels het in ‘n storm op die See van Galilea, in vrees vir hul lewens, vir Jesus die storm sien stilmaak. Op ‘n ander geleentheid het hulle Jesus op die water sien loop.Bote, wind, golwe - toe hulle vir hulle lewens gevrees het, was die sterk manne van die see, magteloos. Hulle het in die proses, toe hulle in vrees gebewe het, nederigheid geleer. Hulle het geweet dat hulle nie die see, wat hulle so goed ken, kan beheer nie; en daardeur kon hulle die Here se wonderbaarlike ingryping ervaar.Of, soos Franklin D Roosevelt dit gestel het, 'n gladde see het nooit 'n bekwame seeman gekweek nie.Omarm die stryd, want jy weet dat die toets van jou geloof volharding voortbring; Julle moet egter enduit volhard. Dan sal julle julle lewensdoel bereik en geestelik gesond wees. Julle sal niks kortkom nie. Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailPrediker 6:10 Alles is vooraf bepaal. Wat kan ’n mens daaraan doen? Wie kan tog teen Iemand veg wat sterker as jy is? (DB) Ons het seker almal al op 'n plek gekom waar die druk vir ons te veel geword het; waar dit gevoel het asof ons breekpunt bereik het. Ek het net te veel verantwoordelikhede. Ek kan dit nie meer hanteer nie! Wat moet ek doen?Jy het waarskynlik al van die bekende teorie van die Tipe A- en Tipe B-persoonlikheidstipes gehoor?Tipe A-mense is gedrewe, mededingend en haastig – sukses dryf hulle aan, maar dit lei dikwels tot stres. Hulle werk hard, voel die dringendheid om ‘n taak af te handel en sukkel met ongeduld. Hoe meer hulle aanpak, hoe nader kom hulle aan breekpunt.Tipe B-mense, aan die anderkant, is geneig om meer ontspanne en rustig te wees. Hulle neem die lewe soos dit kom, waardeer balans bo ambisie, verhoudings bo sukses. En terwyl hulle aan die eenkant minder gereeld druk voel, is dit baie meer verwoestend vir hulle wanneer hulle dit wel voel.In werklikheid lê ons almal êrens tussen daardie twee uiterstes. Daarby het ons ook ons eie persoonlikheid, wat deur omstandighede en aangebore eienskappe gevorm is, wat sake kompliseer. Maar hoe jy ook al bedraad is, daardie ‘breekpunt’ word veroorsaak deur jou patetiese idee dat alles van jou optrede afhang! Jou kop smokkel met jou - jy kry die boodskap: Dit is stukkend. Dit moet reggemaak word. Ek is die enigste een wat dit kan regmaak. Maar dis bo my vuurmaakplek, ek sal dit nooit kan regmaak nie.So wanneer jy jouself op daardie punt bevind, hier 'n bietjie goddelike wysheid om jou te help:Prediker 6:10 Alles is vooraf bepaal. Wat kan ’n mens daaraan doen? Wie kan tog teen iemand veg wat sterker as jy is? (DB)Die slotsom is: jy is slegs ‘n mens. Laat God God wees. Hy is die Een met die mag om dit reg te maak.Dis Sy Woord. Vars ... vir jou ... vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailDie teks inhoud is beskikbaar in die "transcript" en ook beskikbaar in PDF hierSupport the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailPsalm 138:7-8 As die nood my oorval, hou U my in die lewe teen die woede van my vyande in: U strek u hand uit, u regterhand red my. Die Here sal vir my alles goed laat afloop. Aan u liefde, Here, is daar geen einde nie. Moet tog nie die werk van u hande laat vaar nie. Baie mense vra dikwels die vraag: As God inderdaad God is, as Hy my liefhet soos Hy sê Hy het, hoekom verskyn Hy nie die oomblik as ek in die moeilikheid is nie? Dit is immers wat enige goeie ouer vir sy kinders sou doen, of hoe?André Trocmé was tydens die Tweede Wêreldoorlog 'n Protestantse pastoor van ‘n klein Franse dorpie. Toe die Nazi-magte Jode begin deporteer het, het Trocmé en sy gemeente, vas geglo dat dit God se opdrag is dat hulle hul dorp in 'n toevlugsoord moet omskep.Hulle het so meer as 3 000 Jode se lewens gered. Ten spyte van die voortdurende risiko van arrestasie, dreigemente en ondervragings, het Trocmé God vertrou om hulle almal se lewens te bewaar. Sy bekende slagspreuk was: Ons ken nie Jode nie. Ons ken net mense. God het hulle teen die gevaar van vervolging bewaar en het vir baie mense ‘n tweede kans gegee.Drieduisend jaar gelede het Dawid die volgende lofpsalm aan God gebring:Psalm 138:7-8 As die nood my oorval, hou U my in die lewe teen die woede van my vyande in: U strek u hand uit, u regterhand red my. Die Here sal vir my alles goed laat afloop. Aan u liefde, Here, is daar geen einde nie. Moet tog nie die werk van u hande laat vaar nie.God waarborg nie ‘n moeitevrye lewe nie - maar Hy loop saam met ons; Hy beskerm ons siele en bereik sy doel ín ons en déúr ons. Jou lyding is deel van God se vormingsproses; dit is deel van sy onveranderlike liefde. Vertrou dus God se hand, sy regterhand, selfs wanneer jy nie sy plan kan sien nie, want Hy sal nooit die werk van sy hande laat vaar nie.Dis Sy Woord. Vars ... vir jou ... vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailSagaria 14:9 Die Here sal koning wees oor die hele aarde. Op daardie dag sal daar een Here wees en net sy Naam sal aanbid word. (NLV) Alexander Solzhenitsyn is in1945 gevange geneem omdat hy die Russiese diktator, Joseph Stalin, in ‘n privaat brief gekritiseer het. Hy was vir agt jaar lank in Sowjet-kampe aangehou. Die gevangenes het in verskriklike koue en in hongersnood dwangarbeid verrig. Die omstandighede in die kampe was so onmenslik dat hy selfmoord oorweeg het. Tydens daardie traumatiese tyd het Solzhenitsyn bewus geword van sy verlorenheid, diep berou gehad en sy hart vir die Here gegee. Na sy vrylating in 1953 (kort na Stalin se dood) het hy geskryf: Dit was eers toe ek daar op die verrottende strooi in die tronk gelê het, dat ek geleer het dat daar ook vir my hoop is.Sy geloof het hom die moed gegee om te volhard, en ná sy vrylating het sy geskrifte die waarheid oor die Sowjet-onderdrukking blootgelê en miljoene mense beïnvloed.Hopelik sal jy en ek nooit ervaar wat Solzhenitsyn deurgemaak het nie. Maar dit beteken nie dat ons nie reeds deur boosheid omring word nie. Ons leef in ‘n wêreld vol mense wat ander mense onderdruk en skade berokken; ja, en dan is daar natuurlik die wêreldstelsels en die georganiseerde korrupsie wat 'n onberekenbare menslike tol eis. Welkom in die wêreld waarin ons leef!Maar daar is hoop, wonderbaarlike hoop vir die toekoms. Kyk wat is reeds in die Ou Testament geprofeteer: Sagaria 14:9 Die Here sal koning wees oor die hele aarde. Op daardie dag sal daar een Here wees en net sy Naam sal aanbid word. (NLV)Vroeër of later sal hierdie wêreld aan sy einde kom. Miskien volgende Donderdag ... of oor nog 2 000 jaar. Maar dit sál tot 'n einde kom. God sal die lewendes en die dooies oordeel. Jesus sal terugkeer. Hy sal sy regmatige plek as Koning oor die hele aarde inneem.Die Here sal koning oor die hele wêreld wees. Daardie dag sal almal weet dat Hy die enigste God is. Sy Naam sal die enigste Naam wees wat genoem word. Hy sal sy ere plek inneem en oor alles regeer. Dit is die hoop wat ons in Jesus Christus het.En dit is God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailSpreuke 3:5-6 Vertrou volkome op die Here en moenie op jou eie insigte staatmaak nie. Ken Hom in alles wat jy doen en Hy sal jou die regte pad laat loop. Daar is tye wanneer ons omstandighede so erg en so kompleks is, dat ons dit nie kan verstaan of uitpluis nie. "Om dit uit te pluis" beteken om 'n manier te vind om veilig en suksesvol aan die anderkant te kom. Nouja, volgens ons opvatting, beteken "om dit uit te pluis" eintlik om te wen. Maar in hierdie lewe wen ons nie altyd nie.Jane Haining, 'n Skotse sendeling in Hongarye, het tydens die Tweede Wêreldoorlog geweier om die Joodse meisies in haar sorg te verraai. Sy het geweier om hulle agter te laat en terug te keer na Skotland. Sy het geskryf: "As hierdie kinders my nodig het in dae van sonskyn, hoeveel te meer in dae van donkerte?"Sy is in1944 deur die Gestapo gearresteer en na Auschwitz gestuur waar sy gesterf het. Sy was gekonfronteer met ‘n bitter moeilike keuse, maar sy het eenvoudig op Christus vertrou. Dekades later is sy met die toekenning van Regverdige Onder die Nasies vereer. Dit was ‘n toekenning wat gegee is aan nie-Jode wat hulle lewens in gevaar gestel het om Jode se lewens te red. Sy het nie al die antwoorde gehad nie - maar God het. Sy het aan haar geloof vasgehou toe niks anders sin gemaak het nie.Wat doen jy as jy in ‘n ondenkbare situasie is? Toemaar, ek weet: jy wil wen. Jy wil daardie kankerdiagnose uitwis. Jy wil nie hê die bank moet jou verband oproep wanneer jy voor onoorkomelike finansiële druk te staan kom nie. Maar wat gebeur wanneer wen nie meer 'n opsie is nie?Spreuke 3:5-6 Vertrou volkome op die Here en moenie op jou eie insigte staatmaak nie. Ken Hom in alles wat jy doen en Hy sal jou die regte pad laat loop.Doen alles binne jou vermoë, maar wanneer dit heeltemal buite jou bereik is, moenie jouself daaroor verknies nie. As dit God se wil is, dan sal dit gebeur. God het altyd 'n beter plan. Vertrou op Hom. Hy sal jou vrede gee en ... Hy sal jou paaie gelykmaak.Dis Sy Woord. Vars ... vir jou ... vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailJohannes 15:18-19 “As die wêreld julle haat, onthou: Hy het My voor julle gehaat. As julle aan die wêreld behoort het, sou die wêreld julle as sy eiendom liefgehad het. Omdat julle egter nie aan die wêreld behoort nie, maar Ek julle uit die wêreld uitgekies het, daarom haat die wêreld julle. Ons het van kleins af, deur die positiewe en negatiewe terugvoer van ander, geleer wie ons is, wat ons veronderstel is om te glo en hoe ons moet optree. Daardie terugvoer kan ons soms natuurlik ook skade berokken...Perpetua was 'n jong edelvrou wat haar lewe vir Jesus gegee het. Sy het in die 2de eeu n.C. in Kartago, Noord-Afrika, gewoon. Tydens die keiser se vervolging van Christene is sy saam met ander gelowiges in hegtenis geneem. Sy het 'n pasgebore baba gehad en haar pa het haar gesmeek om Christus te verloën, maar sy het geweier en standvastig gebly.In haar dagboek, wat sy in die tronk gehou het, het sy geskryf van visioene van God en van haar diep vrede, ten spyte van die feit dat sy geweet het dat sy haar dood tegemoet gaan. Op die dag van haar teregstelling het sy, voordat sy deur wilde diere en ‘n swaard doodgemaak is, medegelowiges in die arena aangemoedig. Haar onwrikbare geloof het 'n kragtige getuienis vir die vroeë kerk geword.Dit is ‘n baie ekstreme voorbeeld, maar die waarheid is dat nie almal jou positiewe terugvoer oor jou goedheid, jou uniekheid en veral jou geloof sal gee nie. Jesus het vir sy volgelinge gesê:Johannes 15:18-19 “As die wêreld julle haat, onthou: Hy het My voor julle gehaat. As julle aan die wêreld behoort het, sou die wêreld julle as sy eiendom liefgehad het. Omdat julle egter nie aan die wêreld behoort nie, maar Ek julle uit die wêreld uitgekies het, daarom haat die wêreld julle.”Ja, ons weet dat die terugvoer van ‘n ander 'n groot rol in ons vorming speel. Maar onthou: die mense óm jou is nie perfek nie. Hulle maak ook foute. Daarby het hulle ook nie altyd die suiwerste motiewe nie. Wees dus versigtig, baie versigtig, om voortdurend bevestiging te soek van 'n wêreld wat 'n perfekte Man gekruisig het.Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailRomeine 12:1 Nou wil ek julle baie ernstig vra, broers en susters: As julle dink aan alles wat God in sy groot barmhartigheid vir julle gedoen het, gee dan julleself aan Hom as ’n lewende en heilige offer. Dit is dié soort offer waarvan Hy hou, en wat julle diens aan God werklik sinvol maak. (NLV) Hoe sal ‘n kind grootword wanneer sy ouers van sy geboorte af spring om sy elke behoefte te vervul? Wanneer hy iets wil hê, bedien hulle dit. Wanneer hy 'n homself op die vloer neergooi en skree, paai hulle hom deur hom sy sin te gee. Watter soort volwassene dink jy sal daardie kind eendag word?Een van die dinge wat baie mense van die Christendom afskrik, is die idee dat hulle, nadat hulle God se liefde en vergifnis deur Jesus aanvaar het, nou hul eie ek moet kruisig. Jou eie ek te kruisig?! Regtig? Ek dink nie so nie! Dit klink na 'n rigiede 1950's-godsdienstigheid, en niemand wil tog teruggaan na daardie onredelike reëls en wettisisme nie.Maar kyk wat skryf die apostel Paulus aan die kerk in Rome:Romeine 12:1 Nou wil ek julle baie ernstig vra, broers en susters: As julle dink aan alles wat God in sy groot barmhartigheid vir julle gedoen het, gee dan julleself aan Hom as ’n lewende en heilige offer. Dit is dié soort offer waarvan Hy hou, en wat julle diens aan God werklik sinvol maak. (NLV)As jy die liefde, die vreugde en die krag van God in jou lewe wil ervaar; en sy teenwoordigheid deur die vervulling van die Heilige Gees begeer, sál jy bereid wees om in gehoorsaamheid aan die God wat sy Seun, Jesus, gestuur het om jou te red, jouself as ‘n lewende offer vir Hom te gee.‘n Evangelis het eenkeer gesê: Ek het gevra vir meer van die Heilige Gees, en Hy het gevra vir meer van my.‘n Geesvervulde lewe vereis gehoorsaamheid. Ja, dis 'n offer, maar dis waar jou oorvloedige lewe in Christus begin.Dis God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailGenesis 3:3-6 God het net gesê ons mag nie eet van die vrugte van die boom in die middel van die tuin nie en ons mag dit nie aanraak nie, want dan sterf ons.”Toe sê die slang vir die vrou: “Julle sal beslis nie sterf nie, maar God weet dat julle oë sal oopgaan die dag as julle van daardie boom eet en dan sal julle soos God wees deurdat julle alles kan ken.”Toe besef die vrou dat die boom se vrugte goed is om te eet en mooi om na te kyk en begeerlik omdat dit kennis kan gee. En sy het van sy vrugte gepluk en geëet. Sy het ook vir haar man by haar gegee, en hy het geëet. Kom ons wees eerlik, ons hou daarvan om saam met mense te kuier wat met ons saamstem; wat mooi dinge vir ons sê; wat vir ons sê wat ons graag wil hoor. Wie wil immers kuier by daardie knorrige individue wat voortdurend ons foute uitwys?Die probleem daarmee is dat ons uiteindelik 'n borrel skep, 'n wedersydse bewonderingsklub, waar ons elkeen die dinge versterk wat ons goed laat voel. Dis hoe straatbendes in geweld ingetrek word. Dis hoe die rykes uiteindelik die lyding van die armes ignoreer.Dit het alles met die slang wat Eva in die Tuin van Eden versoek het, begin. Aanvanklik het sy weerstand gebied en gesê …Genesis 3:3-7 God het net gesê ons mag nie eet van die vrugte van die boom in die middel van die tuin nie en ons mag dit nie aanraak nie, want dan sterf ons.”Toe sê die slang vir die vrou: “Julle sal beslis nie sterf nie, maar God weet dat julle oë sal oopgaan die dag as julle van daardie boom eet en dan sal julle soos God wees deurdat julle alles kan ken.”Toe besef die vrou dat die boom se vrugte goed is om te eet en mooi om na te kyk en begeerlik omdat dit kennis kan gee. En sy het van sy vrugte gepluk en geëet. Sy het ook vir haar man by haar gegee, en hy het geëet.J.C. Ryle het eens gesê: “Eva het die slang meer betroubaar gevind as God, nie vanweë sy getuigskrif nie, maar omdat die slang gesê het wat sy wou hoor.”Wees versigtig om jouself te omring met aangename, ruggraatlose mense wat jou ego en jou ore kielie.Dis God se Woord. Vars … vir jou … vandag Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailHandelinge 15:10-11 Waarom wil julle dan nou God se geduld op die proef stel deur op die nek van die gelowiges uit die heidennasies 'n juk te lê wat ons voorvaders nie in staat was om te dra nie en ons ook nie? Nee! Ons, en ook hierdie gelowiges, glo dat ons net deur die genade van die Here Jesus gered word.” Almal wat ooit op planeet Aarde geleef het (behalwe Een), het jammerlik gefaal. Ons het almal foute gemaak. Ons het almal te kort geskiet. Nie een van ons het ooit ál die reëls nagekom nie; en nou praat ons van baie dinge soos eenvoudige vriendelikheid en algemene ordentlikheid; om nie van padreëls te praat nie. Dis nie eers nodig om lank daaroor na te dink om jou lysie op te stel nie, nè?Ek is ontsettend gedrewe; ek is pligsgetrou en hardwerkend. Jy kan seker vir jouself uitwerk dat ek baie werkgerig is en dat ek in die proses baie foute gemaak het en baie mense seergemaak het. As ek ‘n lys van almal op wie se tone ek getrap het, sou neerskryf, sou dit die dikste boek in die wêreld wees!Dit maak nie saak hoe slim, ywerig of hardwerkend ons is, of in watter kultuur ons grootgeword het nie, ons het almal 'n berg van foute gemaak. Is die oplossing dan: om harder te probeer, om beter te doen en om die reëls na te kom?Ons sien in Handelinge hoe die apostel Petrus in Jerusalem vrede onder die apostels en ouderlinge gebring het deur te verduidelik dat die nie-Jode nie die wette van Moses moet volg om gered te word nie.Handelinge 5:10-11 Waarom wil julle dan nou God se geduld op die proef stel deur op die nek van die gelowiges uit die heidennasies 'n juk te lê wat ons voorvaders nie in staat was om te dra nie en ons ook nie? Nee! Ons, en ook hierdie gelowiges, glo dat ons net deur die genade van die Here Jesus gered word.”Met ander woorde, hy sê, dat as hulle, wat Jode is, nie eers die wet van Moses kon gehoorsaam nie, hoe kan hulle dan van die nuwe bekeerlinge verwag om dit te gehoorsaam? Die antwoord - die enigste antwoord - is God se genade en vergifnis deur Jesus se offer.Soos Charles Spurgeon dit gestel het: Sonde is die groot gelykmaker. Dit plaas die koning en die bedelaar op dieselfde vlak voor God. Almal het gesondig. Almal het genade nodig.Dis God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan Mail2 Tessalonisense 3:2-3 Bid ook dat ons van verkeerde en slegte mense verlos word, want nie almal is gelowiges nie. Die Here is getrou; Hy sal julle versterk en julle van die Bose bewaar. Ons leef in 'n wêreld wat nie net al hoe verder wegdryf van die Judeo-Christelike sedes wat deur die eeue heen so goed gewerk het nie, maar ook van God self. En hoewel dit in 'n sekere sin niks nuuts is nie, dink ek jy sal saamstem, dat dit besig is om skerp toe te neem.Al word die wêreld al hoe boser (kyk net om jou rond, en sê my of ek verkeerd is), is daar een kragtige waarheid wat onveranderd bly. Dit is dat God altyd getrou is.Die apostel Paulus was in die 1ste eeu n.C. vervolg omdat hy mense na Jesus gelei het. Hy het in 'n brief aan sy vriende geskryf dat hulle vir hom moet bid:2 Tessalonisense 3:2-3 Bid ook dat ons van verkeerde en slegte mense verlos word, want nie almal is gelowiges nie. Die Here is getrou; Hy sal julle versterk en julle van die Bose bewaar.Paulus het die goeie nuus soms verkondig aan 'n klomp bose mense, wat nie die Goeie Nuus van die Evangelie wou ontvang nie. Net soos nie almal vandag in Jesus glo nie! Maar hy het nie toegelaat dat die opinies van hierdie mense hom van sy koers laat afwyk nie. Hy het diep in sy hart geweet dat God getrou is en dat Hy hom die krag sal gee en hom teen die Bose sal beskerm.Moenie verbaas wees as mense teen jou draai, met jou spot en jou, as gevolg van jou geloof in Jesus, uitsluit nie. Hou vas aan Jesus wat gesterf het om die prys vir jou sonde te betaal en weer opgestaan het om jou 'n nuwe en ewige lewe te gee.Moenie van koers af gegooi word nie. Want alhoewel jy deur boosheid omring mag wees, word jy deur genade beskerm. God sal jou nie in die steek laat of jou verlaat nie!Dis Sy Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan Mail1 Petrus 1:18-19 Julle weet tog dat julle nie met verganklike middele soos silwer of goud losgekoop is uit julle oorgeërfde sinlose bestaan nie. Inteendeel, julle is losgekoop met die kosbare bloed van Christus, die Lam wat vlekloos en sonder liggaamsgebrek is. In 'n wêreld wat so behep is met materiële dinge; tydelike dinge; dinge wat verganklik is; kom baie mense nie uit by die dinge wat werklik saak maak, nie. En soos ons fokus op geld, gemak en sukses, gly die lewe stilweg verby ... totdat dit weg is.Vir baie jare het ek my gesinslewe geoffer op die altaar van my loopbaan, gemak en sukses. Dit het my uiteindelik my eerste huwelik gekos. As ek terugkyk, besef ek dat die buit van die rotresies waarin so baie van ons hardloop, beslis nie die moeitewerd is nie. Silwer en goud is uiteindelik nie waaroor die lewe gaan nie.1 Petrus 1:18-19 Julle weet tog dat julle nie met verganklike middele soos silwer of goud losgekoop is uit julle oorgeërfde sinlose bestaan nie. Inteendeel, julle is losgekoop met die kosbare bloed van Christus, die Lam wat vlekloos en sonder liggaamsgebrek is.Al daardie tydelike dinge wat ons dink so verskriklik belangrik is, sal eendag heeltemal betekenisloos wees. Trouens, as jy daaroor nadink, is hulle vandag alreeds so te sê betekenisloos.Jesus het gekom om ons daarvan te red; om ons uit daardie rotresies te ruk; om ons lewens te herstel deur vir ons te gee wat werklik saakmaak ... van nou af tot in alle ewigheid.Jy is gekoop, losgekoop, vrygemaak met die kosbare bloed van Christus.Dit het Hom alles gekos. Hou op om op die ou materialistiese manier te leef. Jy is van daardie lewe gered. Volg Jesus.Dis God se Woord. Vars ... vir jou ... vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailEfesiërs 1:18-20 Ek bid dat Hy julle geestesoë so verhelder dat julle kan weet watter hoop sy roeping inhou, en watter rykdom daar is in die heerlike erfenis wat Hy vir die gelowiges bestem het, en hoe geweldig groot sy krag is wat Hy uitoefen in ons wat glo. Dit is dieselfde kragtige werking van sy mag wat Hy uitgeoefen het toe Hy Christus uit die dood opgewek en Hom in die hemel aan sy regterhand laat sit het: Kom ons kyk na die krag wat Jesus uit die dood opgewek het: Dit was 'n krag wat enigiets wat op hierdie aarde voorkom, ver oortref, maar, weet jy, dieselfde krag is vir jou beskikbaar!Die kernontploffing wat die Tsar Bomba genoem is, is een van die kragtigste kernontploffings van alle tye. Rusland het dit as ‘n magsvertoning op 30 Oktober 1961 op 'n afgeleë eiland in die Arktiese Oseaan laat ontplof. Die Russe het die bom ontwerp om hulle eie mense, sowel as die buiteland, te beïndruk en met vrees te vervul. Dit was, net om ons ‘n idee te gee, ‘n 50 megaton ontploffing.Toe ek nog ‘n weermagsoffisier was, het ek gesien wat 'n konvensionele bom wat uit 'n vliegtuig laat val word, kan doen. Laat ek jou vertel, dis skrikwekkend. Maar 50 megaton? Dis ondenkbaar! Maar die opstandingskrag wat beskikbaar is vir enigiemand wat in Jesus glo, is baie, baie groter as dit. Die apostel Paulus skryf in: Efesiërs 1:18-20 Ek bid dat Hy julle geestesoë so verhelder dat julle kan weet watter hoop sy roeping inhou, en watter rykdom daar is in die heerlike erfenis wat Hy vir die gelowiges bestem het, en hoe geweldig groot sy krag is wat Hy uitoefen in ons wat glo. Dit is dieselfde kragtige werking van sy mag wat Hy uitgeoefen het toe Hy Christus uit die dood opgewek en Hom in die hemel aan sy regterhand laat sit het:Dis nie ‘n teorie nie, maar dis die krag wat beskikbaar is vir enigiemand wat in Jesus glo, om die lewe te leef waarvoor Hy hulle geroep het; om die mense te word wat Hy hulle gemaak het om te wees.Dis Sy Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailGalasiërs 2:20 en nou is dit nie meer ek wat lewe nie, maar Christus wat in my lewe. Die lewe wat ek nou nog hier lewe, leef ek in die geloof in die Seun van God wat sy liefde vir my bewys het deur sy lewe vir my af te lê. Het jy al gesien hoe jou ego, of te wel jou eie ek, jou al verblind het? Miskien klink dit 'n bietjie melodramaties, maar dis presies wat 'n oordrewe ego sal doen.In 2003, op slegs 19-jarige ouderdom, het Elizabeth Holmes die gesondheidstegnologie maatskappy, Theranos, in die hart van Silicon Valley gestig. Die maatskappy het beweer dat hulle bloedtoetse gaan revolusioneer. Holmes was absoluut gedrewe en het haarself as die volgende Steve Jobs beskou. Maar die maatskappy het nie die resultate opgelewer wat sy voorgehou het nie. Soos die krake in die navorsing gevorm het, het Elizabeth se trots haar gedryf om beleggers, pasiënte en die publiek te mislei, in plaas daarvan om die mislukking te erken. Die maatskappy waarvan die waardasie aanvanklik 9 miljard dollar was, het bankrot gespeel toe die bedrog blootgelê is. Wat as ambisie begin het, het in arrogansie ontaard. As Holmes vroeg genoeg haar foute nederig bely het, sou die skade dalk beperk kon gewees het – maar haar ego het haar gekeer. Paulus skryf in:Galasiërs 2:20 en nou is dit nie meer ek wat lewe nie, maar Christus wat in my lewe. Die lewe wat ek nou nog hier lewe, leef ek in die geloof in die Seun van God wat sy liefde vir my bewys het deur sy lewe vir my af te lê.Totsiens ego, hallo Jesus. Maar my vriend, dit is nie maklik om jou lewe af te lê en om Jesus as jou Here te aanvaar nie, want dit vra dat jy jou ou mens saam met Christus moet kruisig. Laat ons eerlik wees: dit is ‘n groot prys om te betaal.Maar wat volgende kom, is 'n vryheid van die self, van die ego, van ‘n doodse bestaan en die ewige dood, want nou kan ons ons lewens leef deur geloof in die Seun van God, wat ons so liefgehad het dat Hy Homself vir ons geoffer het.Ek is saam met Christus gekruisig; dis nie meer ek wat lewe nie, maar Christus wat in my lewe.Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailEfesiërs 2:6-7 Ja, in Christus Jesus het Hy ons saam met Hom opgewek uit die dood en ons saam met Hom 'n plek in die hemel gegee, sodat God ook in die tye wat kom, sou laat sien hoe geweldig groot sy genade is deur die goedheid wat Hy in Christus Jesus aan ons bewys het. My vriend, beleef jy steeds die krag, die vreugde, die ontsag en die wonder van wat met Jesus se Dood en Opstanding gebeur het? Of het dit, toe jy teruggeval het in jou daaglikse roetine, amper verdwyn?Daardie onvermydelike sleurwerkies steel ons vasberadenheid om by die dinge wat werklik saak maak, uit te kom. Die dringende vervang die belangrike.In die middel van die 19de eeu het Heinrich Schliemann as ‘n arm vakleerling in ‘n kruidenierswinkel in Duitsland gewerk. Hy het sedert hy 7 jaar oud was daarvan gedroom om antieke Troje te verken. Hy het later 'n welgestelde sakeman geword en baie hard gewerk om geld te maak. Dekades het verbygegaan. Alhoewel hy ryk was, het hy onvervuld gevoel. Hy was vasgevang in ‘n stelsel waar hy geglo het geld sal geluk bring.Later jare, het hy uiteindelik sy besigheid laat vaar om sy droom te verwesentlik. Met sy opgrawings het hy die terrein van Troje ontdek. Schliemann het erken dat sy liefde vir geld hom amper sy ware roeping gekos het. Dit wys jou net hoe die geldgod hom vir jare gevange gehou het.Dit is net so maklik vir ons om vas te val in aardse denke, waar jou hele lewe om geld draai, sodat jy die hemelse rykdom van God se goedheid en genade uit die oog verloor.Efesiërs 2:6-7 Ja, in Christus Jesus het Hy ons saam met Hom opgewek uit die dood en ons saam met Hom 'n plek in die hemel gegee, sodat God ook in die tye wat kom, sou laat sien hoe geweldig groot sy genade is deur die goedheid wat Hy in Christus Jesus aan ons bewys het..C.S. Lewis het dit so gestel: Mik na die hemel en jy sal die aarde daarby kry; mik na die aarde en jy sal nie een van die twee kry nie.Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan Mail2 Korintiërs 5:15,17 En Hy het vir almal gesterwe, sodat dié wat lewe, nie meer vir hulleself moet lewe nie, maar vir Hom wat vir hulle gesterf het en uit die dood opgewek is... Iemand wat aan Christus behoort, is 'n nuwe mens. Die oue is verby, die nuwe het gekom. Hier is 'n tragedie wat ek keer op keer sien afspeel: mense sê hulle glo in God; selfs dat hulle glo dat Jesus die Verlosser van die wêreld is; dat Hy vir hulle gesterf het en weer opgestaan het, soos ons so pas gevier het ... en tog is daar hierdie knaende leegheid binne. Iets ontbreek.Tokichi Ishii was een van Japan se mees gevreesde en wrede misdadigers. Hy is meer as 20 keer in hegtenis geneem vir diefstal, aanranding en selfs moord. Teen die tyd toe hy ter dood veroordeel is, was Ishii so verhard, dat hy op die wagte gespoeg het en almal wat naby gekom het, gevloek het.Hy het later erken dat hy 'n verpletterende leegheid gevoel het. Hy vertel dat hy 'n druk, wat hy nie kon ontsnap nie, op sy bors gevoel het. In die tronk het hy 'n Bybel ontvang. Toe hy Jesus se woorde aan die kruis – Vader, vergeef hulle – lees, het dit vir hom gevoel asof sy hart ontplof. Hy het later geskryf: Ek het teruggedeins, asof ek deur 'n vyfduim-spyker deurboor is.Hy was totaal oorweldig deur Jesus se genade; hy het vergifnis gevra en sy lewe aan Christus gegee. Die leegheid het verdwyn en Ishii het vreedsaam en vriendelik geword. Hy het selfs sy medegevangenes bedien en sy dood in 1918 met vreugde tegemoetgegaan, omdat hy die wonder van die nuwe mens wat hy in Christus geword het, met ope arms omhels het.2 Korintiërs 5:15,17 En Hy het vir almal gesterwe, sodat dié wat lewe, nie meer vir hulleself moet lewe nie, maar vir Hom wat vir hulle gesterf het en uit die dood opgewek is... Iemand wat aan Christus behoort, is 'n nuwe mens. Die oue is verby, die nuwe het gekom.Elkeen wat werklik in Jesus glo, se identiteit verander: jy is nie meer jou eie nie, jy behoort aan Jesus. Net soos Ishii, is jy werklik 'n nuwe mens; al die ou dinge is verby en alles is nuut. Dit is wie jy geword het. Gryp daardie waarheid vas, en die knaende leegheid sal weggaan. Skielik is alles nuut!Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailDie teks inhoud is beskikbaar in die "transcript" en ook beskikbaar in PDF hierSupport the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailKolossense 3:1-2 Aangesien julle saam met Christus uit die dood opgewek is, moet julle strewe na die dinge daarbo waar Christus is, waar Hy aan die regterhand van God sit. Rig julle gedagtes op die dinge wat daarbo is, nie op die dinge wat op die aarde is nie. Het die Here hierdie afgelope Paasfees met jou gepraat? Het die verhaal van Christus se dood en opstanding jou hart aangeraak? Dis so belangrik, want Jesus is nie net die Een wat ons sonde deur sy kruisdood vergewe nie, Hy gee ons, in Christus, hoop op 'n nuwe lewe op aarde en ‘n ewige lewe in die hiernamaals. Die Amerikaner Lew Wallace was 'n prokureur, ‘n generaal en die goewerneur van Nieu-Mexiko. Hy was baie skepties oor Christelike godsdiens en het 'n boek geskryf om die goddelikheid van Jesus te weerlê.Maar tydens sy intensiewe navorsing het Wallace vir die eerste keer die waarheid oor Christus geleer. Die bewyse het hom so oorweldig dat hy, in plaas daarvan om 'n aanval op die Christendom te skryf, ‘n roman Ben-Hur: A Tale of the Christ geskryf het. Dit het een van die invloedrykste Christelike boeke in die geskiedenis geword. Hy het later hierdie stelling gemaak: "Dit is nie vir enigiemand moontlik om die lewe van Jesus van Nasaret met erns te bestudeer sonder om sy invloed te beleef nie." Wallace het nie net feite ontdek nie - hy het vir Christus ontmoet, en dit het alles verander.Kolossense 3:1-2 Aangesien julle saam met Christus uit die dood opgewek is, moet julle strewe na die dinge daarbo waar Christus is, waar Hy aan die regterhand van God sit. Rig julle gedagtes op die dinge wat daarbo is, nie op die dinge wat op die aarde is nie.My vriend, die besef dat Jesus jou verander, is 'n herstel- en 'n herfokusproses.  Ja, ek weet, ons het al ons daaglikse verantwoordelikhede om na te kom, maar wanneer ons Jesus as ons Koning aanvaar; wanneer ons ons gedagtes op die dinge daarbo fokus; wanneer ons verlang om by Hom te wees, om te sien hoe sy wil, eerder as ons eie, op hierdie aarde geskied... dan... verander dit ons. Dit verander alles!Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan Mail1 Petrus 1:3 Alle eer aan die God en Vader van ons Here Jesus Christus, want sonder dat ons dit verdien, het Hy sy ontferming aan ons betoon deur die proses te begin wat op ons weergeboorte uitgeloop het. Nou het ons regtig hoop omdat Jesus Christus uit die dood opgestaan het. (NLV) Ek voel vandag so ‘n bietjie af. Die lewe kan partykeer  wroeging veroorsaak. Sommige dae voel ons seker almal so ‘n bietjie tam en sonder hoop. Dit is ‘n dag wanneer jy met moeite die een voet voor die ander sit, of wanneer jy stres en spanning, wat buite jou beheer is, ervaar. Wat doen ons daaraan?Ek is geseën met die wonderlikste "werk" in die wêreld, as ek dit so kan noem. Ek doen daagliks werk wat my met absolute vreugde vervul, wanneer ek, 365 dae per jaar, die goeie nuus van Jesus met jou en mense wêreldwyd deel. Dis waarvoor ek gemaak is.Maar sommige dae voel ek ook sommer mistroostig. Miskien is ek 'n bietjie van stryk af; ek ervaar spanning as gevolg van my kleindogter se stryd teen kanker en soms ook as gevolg van die skryf- en produksie-sperdatums van die FRESH-boodskappe. Moenie my verkeerd verstaan nie, ek is absoluut versot op wat ek doen, maar die lewe is nie aldag vir my en vir jou maklik nie.Ons het die afgelope paar dae gepraat oor die wonder en die vreugde van die opstanding van Jesus Christus. En met Paassondag net twee dae gelede, behoort ons tog nog steeds daardie vreugde te ervaar, nie waar nie? Maar hoe verbind jy dit met die realiteite van jou lewe, al die dinge waarmee jy vandag te doen het?1 Petrus 1:3 Alle eer aan die God en Vader van ons Here Jesus Christus, want sonder dat ons dit verdien, het Hy sy ontferming aan ons betoon deur die proses te begin wat op ons weergeboorte uitgeloop het. Nou het ons regtig hoop omdat Jesus Christus uit die dood opgestaan het. (NLV)Wanneer jy in Hom glo, gee Christus se opstanding jou 'n oorvloedige gawe; 'n kwytskelding, 'n nuwe lewe om van nou af te leef ... te leef tot in ewigheid. En dit, my vriend, is die geheim: want... Nou het ons regtig hoop omdat Jesus Christus uit die dood opgestaan het.Te midde van alles wat in jou lewe aangaan, kan jy vashou aan daardie hoop. Dit leef elke minuut van elke dag in jou hart. Dit sterf nooit, want in Christus is dit 'n lewende hoop.En dit is God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailRomeine 6:4 Deur die doop is ons saam met Hom begrawe as mense wat deel in sy dood. En nou kan ons, net soos Christus wat deur ’n heerlike magsdaad van die Vader opgewek is, ook ’n totaal nuwe lewe leef. (NLV) Hoe voel jy vandag? Is jy ook opgewonde omdat jy weet jou Verlosser Leef en dat Hy jou so lief het dat Hy jou nog ‘n kans kom gee het? Hierdie Maandag ná Jesus se Opstanding die vorige dag - moes vir die dissipels ‘n baie belangrike dag gewees het. Ek dink hulle het oorgeborrel van vreugde om te weet dat hulle nog ‘n kans gekry het om hulle Vriend en Leermeester by hulle te hê.Stel jou voor dat jy tydens die Franse Rewolusie ter dood veroordeel is. Ja, my vriend, jy is op pad na die guillotine. Jy word tot op die platform begelei. Jy is geblinddoek, en jy hoor hoe die rewolusionêre skare luidrugtig in afwagting skree om jou kop te sien rol. Jy kniel neer, die lem is op die punt om te begin sak, maar op die heel laaste oomblik ... kom daar ‘n bevel! Jy is begenadig en jy word vrygelaat.Hoe, dink jy sal hierdie kwytskelding die manier waarop jy die res van jou lewe leef, verander? Waarskynlik radikaal, nè? Daardie tweede kans is alles; dis die lewe self.Romeine 6:4 Deur die doop is ons saam met Hom begrawe as mense wat deel in sy dood. En nou kan ons, net soos Christus wat deur ’n heerlike magsdaad van die Vader opgewek is, ook ’n totaal nuwe lewe leef. (NLV)Wanneer jy besluit om Jesus te volg, sterf die ‘ou jy’, in Jesus aan die Kruis. En net soos Hy uit die dood opgewek is, word jy ook deur die krag van God opgewek, sodat jy nou kan leef ... jy kan met jou splinternuwe lewe begin.Watter dinge in jou lewe gaan verander? Hoe gaan jou nuwe lewe, wat jy die res van jou lewe gaan leef, lyk? Hierdie tweede kans is alles; dis die lewe self.Wanneer jy in geloof Jesus se dood as jou dood, die van jou ‘ou self’ omhels, beleef jy 'n volkome nuutheid. Dit begin vandag. Omdat Jesus uit die dood opgewek is, word jy ook in jou nuwe lewe opgewek. Dis die moeite werd om dit te vier, nè?Want dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan Mail1 Korintiërs 15:20-22 Maar nou, Christus is opgewek uit die dood, as eersteling uit dié wat gesterf het. Aangesien die dood deur 'n mens gekom het, het die opstanding van die dooies ook deur 'n mens gekom. Net soos almal deur hulle verbondenheid met Adam sterf, so sal almal in Christus lewend gemaak word. Christus het opgestaan - Hy leef! Hy het waarlik opgestaan! Dis die vreugdevolle boodskap van Opstandingsondag. Die dood kon Hom nie gevange hou nie. Nee, Hy het uit die dood opgestaan. Maar wat het daardie triomfantlike waarheid vandag met jou en my te doen?Dis ‘n goeie vraag, want daar is baie mense vir wie Paasfees so ‘n alledaags geword het dat hulle nie meer opgewonde te raak oor die opstanding van Jesus Christus nie – hulle betwyfel selfs of Hy inderdaad opgestaan het.1 Korintiërs 15:20-22 Maar nou, Christus is opgewek uit die dood, as eersteling uit dié wat gesterf het. Aangesien die dood deur 'n mens gekom het, het die opstanding van die dooies ook deur 'n mens gekom. Net soos almal deur hulle verbondenheid met Adam sterf, so sal almal in Christus lewend gemaak word. So, wat beteken die begrip: "eersteling"? Dink aan 'n koringoes. Die eerste goue are wat vroeg in die seisoen ryp word, word die eerstelinge genoem. Boere juig, want daardie eerste are gee 'n teken dat die volle oes kom. Dit is 'n waarborg -'n voorsmakie van wat gaan volg.Net soos die eerste koringaar nie die einde is nie, maar die begin, is Jesus se opstanding nie 'n geïsoleerde gebeurtenis nie - dit is die waarborg dat baie sal volg. Net soos die aarde sy oes in ‘n sekere seisoen lewer, sal God almal wat aan Christus behoort, in sy tyd opwek.Dit is vir ons 'n belofte wat van die begin van die skepping deel van God se verlossingsplan was.Die opstanding van Jesus is jou teken dat die dood verslaan is, dat jou oes van ‘n opstandingslewe op pad is. Dit gaan dus nie slegs oor die feit dat Jesus vir jou gesterf nie; maar dat Hy weer vir jou opgestaan het, sodat jy deur geloof in Hom ook die gawe van die ewige lewe sal ontvang. Die mag van die dood is verbreek … vir jou!En dit is God se Woord. Vars … vir jou … vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailLukas 23:55-56 Die vroue wat saam met Jesus van Galilea af gekom het, het saamgeloop en die graf gesien en gekyk hoe sy liggaam neergelê word. Daarna het hulle huis toe gegaan en reukolie en salf reggemaak. Op die sabbatdag het hulle gerus, soos die gebod bepaal. Saterdag, ná Goeie Vrydag is tradisioneel 'n redelik stil dag van rus. Goeie Vrydag was ‘n belangrike dag en Sondag, die dag waarop Jesus opgestaan het, is eers die volgende dag. Jesus se liggaam was daardie Saterdag nog in 'n verseëlde graf en daar was niks vir die dissipels om te doen nie, want alles was tog finaal verby...Was dit?Jy kan jou die gebeure voorstel, nè? Na die vorige dag se trauma van Jesus se wrede dood, die voorhangsel van die tempel wat geskeur het en grafte wat oopgegaan het, het die dissipels in vrees vir hul eie lewens, die gebeure probeer verwerk. Wat kon hulle doen? Hy was dood en begrawe, en dit was immers die sabbat.Lukas 23:55-56 Die vroue wat saam met Jesus van Galilea af gekom het, het saamgeloop en die graf gesien en gekyk hoe sy liggaam neergelê word. Daarna het hulle huis toe gegaan en reukolie en salf reggemaak. Op die sabbatdag het hulle gerus, soos die gebod bepaal.Daar was niks anders om te doen as om te treur, te rus en voor te berei om Jesus se liggaam te balsem nie. Gelukkig hoef ons nie saam met hulle te treur nie, want ons weet wat kom ... Jy weet dat die misdadiger, Barabbas, op die skare se aandrang vrygelaat is. Jy weet dat Jesus jou kom red het. Jy weet dat Hy vir jou gesterf het ... in jou plek gesterf het. En jy ken hierdie tydlose waarheid:Johannes 3:15-16 sodat elkeen wat in Hom glo, nie verlore mag gaan nie, maar die ewige lewe kan hê. Want so lief het God die wêreld gehad, dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê.Genade het Jesus sy lewe gekos - sodat ons nie vir ewig moet betaal vir ons sondes nie. Jy, ek en Barabbas is almal seuns of dogters van die Vader. Almal is skuldig. Almal is ongelooflik geliefd. Almal word uitgenooi om te glo.Moet jouself dus nie diskwalifiseer deur skuldgevoelens nie. Genade gaan nie daaroor om goed genoeg te wees nie. Dit gaan oor 'n God wat jou so liefgehad het dat Hy jou plek ingeneem het.Dis die onreg en die skandaal… en die skoonheid en die wonder… van die Evangelie.En dis God se Woord. Vars… vir jou… vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailRomeine 3:22-25 God spreek ons vry deur geloof in Christus Jesus en dit geld sonder onderskeid vir almal wat glo. Ons het immers almal gesondig. Ons almal het God beroof van die eer wat Hom toekom. Maar nou spreek God ons in sy genade vry op grond van die verlossing wat Christus Jesus vir ons verkry het – en dit sonder enige verdienste van ons kant. Want God het Hom gestuur as ’n offer wat deur sy sterwe versoening bewerk het vir almal wat glo (NLV) Ja, dis Goeie Vrydag. In werklikheid 'n hartseer dag. En tog, 'n dag wat oorloop van 'n verstommende liefde; 'n liefde ongeëwenaard in die geskiedenis; God se liefde ... vir jou!As jy gedurende hierdie week die VARS-episodes gevolg het, sal jy weet dat ons die verhouding tussen Jesus en Barabbas onder die vergrootglas geplaas het. En dis belangrik. Albei het voor Pontius Pilatus verskyn - Jesus, die Een wat geen sonde geken het nie, en Barabbas, wat skuldig was aan ernstige sonde. Kom ons hersien dit kortliks.Wie is Barabbas? 'n Moordenaar, 'n rebel. Hy was sonder twyfel, skuldig. En tog, met Pasga, is hy vrygelaat. Sy naam, "Bar Abba", beteken letterlik seun van die vader. In sy plek is Jesus, die ware Seun van die Vader, gegesel, gespot en gekruisig.Jesus het nie net vir Barabbas gesterf nie. Hy het in plaas van Barabbas gesterf. En dis waar dit persoonlik raak. Want jy en ek is Barabbas. Ons het almal ons rug op God gedraai. Ons het almal ons doel gemis.Romeine 3:22-25 God spreek ons vry deur geloof in Christus Jesus en dit geld sonder onderskeid vir almal wat glo. Ons het immers almal gesondig. Ons almal het God beroof van die eer wat Hom toekom. Maar nou spreek God ons in sy genade vry op grond van die verlossing wat Christus Jesus vir ons verkry het – en dit sonder enige verdienste van ons kant. Want God het Hom gestuur as ’n offer wat deur sy sterwe versoening bewerk het vir almal wat glo. (NLV)En daar lê die hart van die Evangelie! Dis die Goeie Nuus van Jesus.Ons is skuldig. En geregtigheid eis straf. Maar God is nie net regverdig nie - Hy is liefde. En in sy liefde het Hy die grootste dilemma in die gesig gestaar: Hoe om geregtigheid te handhaaf en ons steeds te red?Daar was net een oplossing: die Seun van die mens (het) sy lewe (ge)gee as 'n losprys vir baie. (Matteus 20:28); ...sodat Hy deur die genade van God vir almal die dood sou smaak. (Hebreërs 2:9).Jesus het aan die kruis ons almal se sonde gedra. Hy het die beker van oordeel gedrink sodat ons barmhartigheid kon ontvang.Dit is die onreg van die kruis: dat die skuldige vrygelaat word; en dat die Seun van God gekruisig is… sodat ons kan lewe. Jy is geliefd. Jy is vergewe. Omdat Jesus jou plek ingeneem het. Plaas jou geloof in Hom!Dis God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailJohannes 18:38-40 “Wat is waarheid?” sê Pilatus toe vir Hom.En toe hy dit sê, gaan hy weer uit na die Jode toe en sê vir hulle: “Ek vind geen skuld in hom nie. Maar julle is gewoond dat ek vir julle gedurende die paasfees iemand loslaat. Wil julle hê ek moet die koning van die Jode vir julle loslaat?”Hulle skreeu toe terug: “Nie vir hom nie, maar vir Barabbas!” En Barabbas was 'n rower. Kom ons kyk vandag na die onreg van die Paasgebeure. 'n Woedende godsdienstige skare van Jode sleep Jesus voor Pontius Pilatus en eis dat Hy gekruisig word, en dat die moordenaar, Barabbas, vrygelaat word. Dis heeltemal belaglik, nè?Trouens, as jy indringend daaraan dink, was dit die mees bisarre, abnormale uitruiling van aangeklaagdes in die geskiedenis. 'n Moordenaar - Barabbas - gaan vry. En Jesus, die geneser, leermeester, wonderwerker, word in sy plek veroordeel.Johannes 18:38-40 “Wat is waarheid?” sê Pilatus toe vir Hom.En toe hy dit sê, gaan hy weer uit na die Jode toe en sê vir hulle: “Ek vind geen skuld in hom nie. Maar julle is gewoond dat ek vir julle gedurende die paasfees iemand loslaat. Wil julle hê ek moet die koning van die Jode vir julle loslaat?”Hulle skreeu toe terug: “Nie vir hom nie, maar vir Barabbas!” En Barabbas was 'n rower.Jesus: onskuldig, geliefd, gestuur van die Vader. Barabbas: skuldig, gewelddadig, bekend vir rebellie.Jesus: gegesel, bespot, gekruisig. Barabbas: vrygelaat, so vry soos ‘n voël in die lug.Maar dit was nie net 'n politieke onreg nie - dit was 'n goddelike plaasvervanging. En daarin lê die ware onreg van die Kruis. Die naam Barabbas (bar-abba) beteken "seun van die vader". Hy is vrygelaat omdat Jesus, die ware Seun van die Vader, na die Kruis gegaan het.Verstaan jy dit? Jy is Barabbas. Ek is Barabbas. Ons is diegene wat aangekla is en skuldig bevind is. Ons is diegene wat in opstand gekom het. En Jesus, die Een wat geen sonde geken het nie, het ons plek ingeneem.Romeine 5:8 Maar God bewys sy liefde vir ons juis hierin dat Christus vir ons gesterf het toe ons nog sondaars was.Dis moeilik om te begryp. Ons verdien dit om veroordeel te word, maar Jesus bied genade. Ons is so vry soos ‘n voël in die lug. Hy hang aan 'n kruis. Dit is die hartklop van die Evangelie: Jesus het nie net gesterf nie. Hy het as ‘n plaasvervanger gesterf. In plaas van Barabbas. In plaas van my. In plaas van jou.Barabbas is vrygelaat omdat Jesus sy plek ingeneem het. Jy gaan vry omdat Jesus joune ingeneem het.Dis God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailJohannes 18:37 “Dan is jy tog wel 'n koning?” vra Pilatus.“Dit is soos u sê: Ek is 'n koning,” antwoord Jesus. “Ek moet oor die waarheid getuienis aflê. Hiervoor is Ek gebore, en hiervoor het Ek na die wêreld toe gekom. Elkeen wat aan die waarheid behoort, luister na wat Ek sê.” Terwyl ons hierdie week intens na die Paasfees-gebeure kyk, is Pontius Pilatus se besluit om die moordenaar, die opstandeling Barabbas, vry te laat, maar vir Jesus, die Seun van God, te laat kruisig onverskoonbaar. Wat de drommel het hierdie onlogiese uitspraak veroorsaak? Ons weet Pilatus was nie ‘n dwaas nie. As Romeinse goewerneur het hy die verskil tussen skuld en onskuld goed verstaan. En toe Jesus voor hom gestaan het, het Pilatus dwarsdeur die Jode se vals opgemaakte beskuldigings gesien.Johannes 18:38 “Ek vind geen skuld in hom nie...Trouens, hy het Jesus drie keer onskuldig verklaar. Hy het aan die erns van sy uitspraak gedink en hy het selfs probeer om Hom vry te laat. Maar uiteindelik het Pilatus voor die druk geswig. Hy het toegelaat dat sy vrees vir die bedreiging van die groterwordende, woedende skare, sy logika oorheers.Dis ongelooflik tragies, maar dit klink nogal bekend. Ons weet, soos Pilatus; dikwels wat die regte ding is om te doen, maar onder druk, deins ons terug. Ons dink aan wat die mense sal sê en ons vrees vir verwerping. Ons bly stil, terwyl ons weet ons moet opstaan vir wat reg is.Maar Jesus het nie vir ‘n oomblik teruggedeins nie. Sy integriteit, sy opregtheid en sy deursettingsvermoë om die taak waarvoor Hy na die aarde gekom het, af te handel, staan in skrille kontras met die skynheiligheid en manipulasie van dié om Hom.Johannes 18:37 “Dan is jy tog wel 'n koning?” vra Pilatus.“Dit is soos u sê: Ek is 'n koning,” antwoord Jesus. “Ek moet oor die waarheid getuienis aflê. Hiervoor is Ek gebore, en hiervoor het Ek na die wêreld toe gekom. Elkeen wat aan die waarheid behoort, luister na wat Ek sê.”Jesus is nie veroordeel omdat Hy skuldig was nie, maar sy goedheid het die sondigheid van die ander mense blootgelê. Hy het nie weerstand gebied nie. Hy het nie gesmeek nie; omdat Hy in my en jou plek gestaan het.Die enigste werklik onskuldige man wat die wêreld ooit geken het, is skuldig veroordeel; nie deur waarheid nie, maar deur die goewerneur se vrees. En Hy het dit gelate aanvaar… vir jou.Dis God se Woord. Vars… vir jou… vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan Mail1 Petrus 2: 23-24 Toe Hy beledig is, het Hy nie terug beledig nie, toe Hy gely het, het Hy nie gedreig nie, maar alles oorgelaat aan Hom wat regverdig oordeel. Hy het self ons sondes in sy liggaam aan die kruis gedra. Daardeur is ons vir die sondes dood en kan ons lewe in gehoorsaamheid aan die wil van God. Deur sy wonde is julle genees. Ons raak so gewoond aan hoe die Paasnaweek jaar in en jaar uit kom en gaan, dat dit so maklik is om gevoelloos te word vir dít wat Christus aan die kruis vir ons gely het. Ons ken mos die storie. Jesus het gesterf. Hy het weer opgestaan. Maar het jy al ooit regtig stilgestaan om die onreg van sy dood te voel?Jesus was onskuldig en Hy is veroordeel. Die skuldige man, Barabbas, is vrygelaat. Dis wat die Romeinse goewerneur, Pontius Pilatus, vir die woedende skare oor Jesus gesê het:Johannes 18:38 “Ek vind geen skuld in hom nie...Ja, kan jy glo: Pilatus het Jesus drie keer onskuldig verklaar! Tog het die Jode steeds uitgeroep: "Kruisig Hom!" So is ‘n misdadiger, Barabbas, bo Jesus gekies. Die Een wat niks verkeerd gedoen het nie, is geslaan, gespot en aan 'n kruis vasgespyker. Die moordenaar is vrygelaat.Jesus het geen weerstand gebied nie.1 Petrus 2:23 Toe Hy beledig is, het Hy nie terug beledig nie, toe Hy gely het, het Hy nie gedreig nie, maar alles oorgelaat aan Hom wat regverdig oordeel. Hy het self ons sondes in sy liggaam aan die kruis gedra. Daardeur is ons vir die sondes dood en kan ons lewe in gehoorsaamheid aan die wil van God. Deur sy wonde is julle genees.Jesus het die wreedheid en vernedering dapper aanvaar. Hy het Homself aan die Vader toevertrou en jou sonde en myne in sy liggaam gedra. Hy het, in gehoorsaamheid aan God, aan die kruis gehang om te betaal vir al ons sonde - Hy het nie net 'n ongelooflike onreg en vernedering gely nie; Hy het jóú oordeel, en die gevolge van jou sonde, gewillig namens jou gedra.Dis die onreg van die kruis. Niks anders in die geskiedenis vergelyk daarmee nie - dit was nie net ‘n simboliese daad nie - daar is geen groter onreg nie; geen groter bewys van onverdiende liefde nie. Laat dit insink: Die ergste onreg in die geskiedenis was ook die grootste daad van genade.Hy het jou plek ingeneem - nie omdat jy dit verdien het nie, maar omdat Hy jou in die ewigheid by Hom wil hê. Dis liefde!En dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailRomeine 6:23 Die loon wat die sonde gee, is die dood; die genadegawe wat God gee, is die ewige lewe in Christus Jesus ons Here. Hoe belangrik is Paasfees vir jou? Kom en gaan dit dalk in 'n waas van sjokolade, langnaweke en etes? As dit die geval is, het ons die hartklop van God gemis. Paasfees is God se manier om te sê: “Jy is die moeitewerd om voor te sterf.”So, kom ons begin ons week saam deur 'n tree terug te gee om te kyk waaroor dit werklik gaan. Dawid sê vir God in:Psalm 139:13-14 U self het my diepste wese gemaak, my in die moederskoot gevorm. Ek loof U omdat U my so besonder wonderlik gemaak het.Met ander woorde: God het jou uniek gemaak. Hy het jou in jou moederskoot aanmekaargeweef. Jy is nie ‘n ongeluk nie. Jy is nie 'n lukrake produk van geluk nie. Jy is met liefde deur Hom gemaak om Hom te ken en Hom die middelpunt van jou lewe te maak. Maar hier is die ontstellende nuus:Romeine 3:23 Ons het immers almal gesondig. Ons almal het God beroof van die eer wat Hom toekom. (NLV)Elkeen van ons het, op ons eie manier, ons rug op God gedraai. Ons het sy doel gemis. En daardie rebellie kom teen 'n prys...Romeine 6:23 Die loon wat die sonde gee, is die dood; God het geweet dit gaan gebeur! Maar ten spyte daarvan, het Hy steeds besluit om in te gryp.2 Korintiërs 5:21 Christus was sonder sonde, maar God het Hom in ons plek as sondaar behandel sodat ons, deur ons eenheid met Christus, deur God vrygespreek kan wees.Hy het ons sonde – myne en joune – op Jesus gelê. Hoekom? Sodat ons kan kry wat ons nooit sou kon verdien nie: vergifnis, vryheid, die ewige lewe.Romeine 6:23 Die loon wat die sonde gee, is die dood; die genadegawe wat God gee, is die ewige lewe in Christus Jesus ons Here.Paasfees is nie 'n vinnige wegneemete nie; dit gaan nie net daaroor om God se offer te onthou nie - dit gaan daaroor om te reageer op die Een wat sy lewe vir jou gegee het. Die Een wat jou mislukkings gesien het en gesê het: “Jy is die moeitewerd om voor te sterf.”So, moet asseblief nie Paasfees óm wens nie. Talm 'n rukkie. Laat sy liefde diep insink, want Jesus het nie net vir die wêreld gesterf nie; Hy het vir jou gesterf.Dis God se Woord. Vars … vir jou … vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailRomeine 6:23 Die loon wat die sonde gee, is die dood; die genadegawe wat God gee, is die ewige lewe in Christus Jesus ons Here. As jy die afgelope week na die VARS-boodskappe geluister het, sal jy weet dat ek oor die ietwat depressiewe onderwerp van ... sonde, gepraat het. Wel, vandag is dit tyd vir goeie nuus.Ja, ek het baie doelbewus die woord "sonde" gebruik, eerder as tekortkominge, mislukkings of swakhede; want dit is die woord wat God daarvoor gebruik. Dit beteken letterlik om jou doel te mis - en dit is iets wat Hy inderdaad baie ernstig oor is.Romeine 6:23(a) Die loon wat die sonde gee, is die dood; "Sonde" is nie bloot die verkeerde ding wat ons een of twee keer doen nie, maar dis 'n mag, 'n toestand wat die hele mensdom teister. Jy, ja, ons almal, is in dieselfde dodelike bootjie.En net soos die Romeinse soldate destyds hul daaglikse rantsoene verdien het; deel die sonde ook rantsoene uit: die fisiese dood, en die ewige dood: die skeiding van God. Maar ek het tot dusver slegs die slegte nuus-gedeelte van daardie vers gedeel. Hier is die tweede deel, die goeie nuus-gedeelte:Romeine 6:23(b) die genadegawe wat God gee, is die ewige lewe in Christus Jesus ons Here.Al verwoes sonde ons lewens, verlos Christus. Die kruis herstel ons verhouding met God, dit bied 'n nuwe lewe van vryheid.Nouja, ons weet, sonde mag altyd aantreklik lyk, maar dit lei uiteindelik tot vernietiging. Dit verwoes lewens - nie omdat God wreed is nie, maar omdat sonde ons afsny van die bron van die lewe: God self.Maar die Evangelie, die Goeie Nuus van Jesus, is dat geen sonde te groot vir God se genade, God se barmhartigheid, God se vergifnis, is nie. Dis nie net Goeie Nuus nie, dis fantastiese nuus.Dis God se Woord. Vars … vir jou … vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY