Die Tien Gebooie: Die Derde Gebod

Die ydelike gebruik van die naam van God tas Sy wese direk aan.   Misbruik van God se naam sluit in die betekenislose, onnadenkende gebruik van Sy naam, direkte laster teen God, asook ons stilswye wanneer Sy naam misbruik word.  Slaan ons nog ag daarop as ons dit hoor, en stel ons dit reg of wys ons dit uit in die samelewing?  Of is ons aandadig deur ons stilswye?  Staan ongelowiges skuldig aan hierdie sonde, selfs al glo hulle nie in God nie?  Leef sommige Christene asof God nie bestaan nie?  Hoe lyk praktiese ateisme in gelowige sirkels, en hoe mag ons 'n eed aflê?