ဒီညမှာ ချန်ပီယံလိဂ်ပြိုင်ပွဲကြီး စတင်ပါပြီ၊ ဘယ်အသင်းတွေ ရလဒ်ကောင်းကြလေမလဲ?

ဒီညမှာတော့ ပရိသတ်တွေ မျှော်လင့်စောင့်စားနေတဲ့ ချန်ပီယံလိဂ်ပြိုင်ပွဲကြီး အစပြုပါပြီ။ ဒါဟာ ဥရောပမှာ ပြိုင်ပွဲကြီးတွေအားလုံးစုံလင်သွားပါပြီဆိုတဲ့ အချက်ပေးခေါင်းလောင်းသံပါပဲ။ ချန်ပီယံလိဂ်မှာ ပါဝင်တဲ့အသင်းအားလုံးဟာ သက်ဆိုင်ရာလိဂ်အလိုက်မှာ ထိပ်တန်းအဆင့်တွေရှိကြလို့ ဘယ်အသင်းကိုမှ လျှော့မတွက်သင့်ပါဘူး။ ဒီညမှာဆိုရင် အေစီမီလန်နဲ့ လီဗာပူး၊ ရီးရဲလ်မက်ဒရစ်နဲ့ စတုဂတ်တို့ အားပြိုင်မယ့် ပွဲကောင်းတွေလည်း ရှိလို့နေပါတယ်။ စနစ်သစ်နဲ့အစပြုလိုက်တဲ့ ချန်ပီယံလိဂ်အဖွင့်ပွဲတွေမှာ ဘယ်အသင်းတွေ ရလဒ်ကောင်း ရရှိနိုင်လေမလဲဆိုတာကို စောင့်မျှော်ရင်ခုန်လိုက်ကြပါစို့။