DZIED(IN)ĀŠANA - tūp kordirigentis Andys Lipskys jubilejis koncertizvadums

  Tūp kordirigentis Andys Lipskys jubilejai veļteits koncertizvadums — DZIED(IN)ĀŠANA, kurš tiks atskaņuots Latgolys kongresa dīnā, 27. aprelī, Latgolys vietsnīceibā GORS. Aiz tuo šudiņ iz sarunu asam aicynuojuši kordirigenti ar gondreiž 40 godu dorba pīredzi, kura voda Rēzeknis jauktū kori “Ezerzeme” i sīvīšu kori “Medicus”, kai ari struodoj par muzykys pedagogi MIKC Latgolys muzykys i muokslys vydsškolā — Andu Lipsku.  “Maņ redzīs, ka vīnkuorši genials nūsaukums. Suokumā beja 'dziedāšana', i tod tys 'in' pa vydu īkovuos, maņ redzīs, ka vīnkuorši ideali. Redzīs, ka tys izsoka ari munu byuteibu, ar kū es nūsadorboju i ar kū es tikai grybātum nūsadorbuot, lai tei dzīduošona tyktu iztvarta kai dzīdynuošona. Cīši truopeigi.” Par muzyku i dzīduošonu kai dzīdynuošonu, kai ari kora muzykys tradicejom i byušonu iz prīšku i gudrom gudru cylvāku izalaseišonom ar Andu sasarunoj raidejuma producente Guna Igavena. “Bārni, izalosit muziķa profeseju! Maņ redzīs, ka tei ir breineiga profeseja. Muzykā vysod var pasatvert. Muzyka ir dvēselis volūda.”