E moni le tele o fua (True fruitfulness)

OPEN HEAVENSMATALA LE LAGI MO LE  SA 25 IANUARI 2026(tusia e Pastor EA Adeboye) Manatu Autu: E moni le tele o fua (True fruitfulness)Tauloto Tusi Paia: 2 Korinito 2:14 “Ua fa‘afetai i le Atua, o lē ‘ua matou manumālō ai pea lava ‘ona o Keriso, o lē ‘ua matou fa‘aali atu ai fo‘i i nu‘u uma le manogi o le matā‘upu ‘iā te ia.”‭‭Faitauga - Tusi Paia: Mataio 28:18-20A fetalai mai le Atua e tatau ona tele fua mai ia te oe, e lē o talanoa mai e na o lou maua o le manuia i le tino ma maua fanau, o loo talanoa mai e tatau ona e manumaloina agaga. I le Ioane 15:16, na fetalai Iesu, “Tou te le‘i filifilia a‘u, ‘ae na ‘ou filifilia ‘outou ma ‘ou tu‘uina atu ‘outou, ‘ia ‘outou ō ma ‘ia ‘outou fua mai ni fua, ma ‘ia tumau o ‘outou fua; ‘ina ‘ia foa‘iina atu ‘iā te ‘outou e le Tamā mea uma lava tou te ole atu ai ‘iā te ia i lo‘u igoa.”O le avea ma so’o o Iesu Keriso, ia fua mai ni fua,o lona uiga o le taitaia o tagata ia Keriso ma faamautinoaina e tuputupu ae ma tumau i le faatuatua. O se agaga e manumaloina mo Keriso o se fua e aumai ai le olioli i le Atua aemaise o oe. Fai mai le Tusi Paia i le Luka 15:7, e tele le olioli i le lagi pe a faaolaina se agaga mai le faafanoga e faavavau ae manumaloina mo le malo o le Atua. E finagalo le Atua ia tatou faateleina i le agaga. O le mafuaaga lea o ē suesue i le Tusi Paia e masani ona faapea mai i le Luka 28:18-20 o le ‘galuega tele o le talalelei’. O loo poloaia i tatou e Iesu e o atu i le lalolagi ma fai nuu uma ma soo. O le fai ma so’o o lona uiga o le aoao o isi tagata e mulimuli ia Keriso e pei a ona e mulimuli ia te ia. E aofia ai le laugaina o le talalelei i ē lē faatuatua ma aoaoina isi kerisiano i le upu a le Atua e fesoasoani ai ia tutupu a’e i le latou savaliga ma le Atua. E finagalo le Atua e te faia tagata ma so’o, e finagalo e tele nisi tagata kerisiano e pei o oe. E malamalama lelei Paulo i lenei aoaoga ma sa ia aoaoina ai Timoteo. I le 2 Timoteo 2:2, fai mai Paulo, “‘ina ne‘i vave lūlūina o ‘outou loto, pe fa‘aatuatuvaleina i se agaga, po o se ‘upu, po o se tusi, peiseaī nai ‘iā i matou, peiseaī ‘ua o‘o mai le aso o le Ali‘i.”Na ia poloaia Timoteo e faasoa atu aoaoga ua ia maua i isi kerisiano faatuatua e latou te aoao atu ai foi isi kerisiano. O le faateleina lea o le finagalo o le Atua, fua tele mai e faalautele atu e sili atu ia te oe ma avatu i isi tagata ma faasolo ai i augatupulaga. Le au pele e, fai mai le Tusi Paia o le tagata e manumaloina agaga e poto ( Faataoto 11:30). O tele ni fua mai ia te oe i le agaga? O e taitaiina tagata ia Keriso? O e aoaoina ma faamalosiau i le auuso i le upu a le Atua? Afai e te lei faia lava, ua tatau ona amata loa. Amata iai latou i lou siomaga, o lou aiga, o au uo, tagata faigaluega ma ou tuaoi. Faasoa atu le alofa o le Atua iai latou ma valaaulia ia latou tofo i faamanuiaga o loo e fiafia ai ia Keriso. A e faia uma nei mea, e tele ni fua, ona faasusuluina lea o oe e le Atua e faavavau e pei o fetu (Tanielu 12:3). O e fua mai ni fua moni e tusa ma tapulaa a le Atua? I le suafa o Iesu, Amene.