Ekspedisyon Antarktika ni Ernest Shackleton Part 8 (11) ILOCANO

Historical narrative about the expedition of Ernest Shackleton in Antarctica in 1914-1916. This story tells of the extra-ordinary and heroic feats the expedition crew suffered and endured. This is the EIGHTH (8th) of the 11-part series narrated in ILOCANO.EXCERPTS:"... Idi nakaasidegda iti estasyon, inkagumaanda a pinasayaat dagiti langada ta amangan ketdi no adda babbai iti uneg ti estasyon a mapabutngan no makitada ida. Atiddogen dagiti barbasda, napigket ken nadulpet dagiti bubuokda. Ragrag a rigis-rigisen dagiti naman-mantsaan nga arwatenda a di nasuksukatan ti agarup makatawenen. Adda inruar ni Worsely nga aspili a pinangatubna kadagiti abut iti rutay-rutay a kawesna. Agalas tres ti malem iti maika DUAPULO NGA ALDAW ( 20) ti Mayo idi MIL NUEBE SIYENTOS DIYES Y SAIS (1916), idi simrekda iti estasyon a gandatda. Tallopulo ket innem (36) nga orasdan a nag-nagna ken nangdal-daliasat kadagiti naghielo a bambantay nga awan turogda ket langada idin ti makaaliaw. Adda nasabatda a dua nga agkabannuag ket idi nagdamag ni Shackleton kadakuada, dagus a nagtaray a napabutngan dagitoy iti pannakakitada kadakuada. Kaskasdi met a panagbuteng ti impasabat kadakuada daydi simmaruno a nasungadda a nataengan. Napanda iti pantalan ket binirokda ni Mr. Sorlle, nga isu ti mangiturturong iti daydi nga estasyon. Dinamag ni Ernest iti daydi agbambantay a tao iti estasyon no adda idiay ni Mr. Sorlle. “Wen,” kinuna daydi nagdamaganda a nangmatmat kadakuada. “Kayatmi a makita isuna,” kinuna ni Ernest. “Sinno kayo?” dinamag daydi tao. “Nadadael ti bapormi ket naggapu kami idiay bangir daytoy nga isla,” insungbatda. “Naggapu kayo iti bangir ti isla?” dinamag daydi tao a kas di mamati. Ngem napanna pinakaammoan ni Mr. Sorlle. “Adda tallo a karkarna ti langada a lallaki idiay ruar, nga agkuna a naggapuda kano idiay bangir a paset ti isla ket am-ammodaka. Imbatik ida idiay ruar.” Rimmuar ni Mr. Sorlle a napan kimmita kadakuada.Sakbay daydi panagluwas ti ENDURANCE iti daydi panagrubuatda a mangiyaramid iti daydi ekspedisyonda, immay ditoy bimmisita ni Shackleton a sinangaili ti mangitur-turong iti estasyon ket rinambakanda daydi maiyaramid nga ekspedisyonna. Nasurok a makatawen ti naglabas manipud iti daydi, itan, rimmuar daytoy a a mangiturturong. Minatmatanna dagidi tallo anaban-bannog nga estranghero iti sangona. “Sinno kayo?” dinamagna. “Dinak kadi malagip?” dinamag ni Shackleton. “Ammok ta timekmo,’ kinuna ni Mr. Sorile. “Sika ti ‘mate’ daydi barko a Daisy.”(Daydi barko a ‘Daisy’ ti maudin kadagidi barko ti Amerikano a pagtiliw ti balyena ket limmabas daytoy idiay South Georgia idi MIL NUEBE SIYENTOS A TRESE -1913). “Ti naganko ket Shackleton” kinuna ni Ernest.Apagdengngegna iti nagan ti sangsangpet, iti baet ti siddaawna, dagus nga inyawat ni Mr. Sorile ti imana a nangkablaaw kadakuada. "PLEASE LISTEN TO THE PODCAST FOR THE FULL AND COMPLETE EPISODE.