Engarradiella con Miguel Alarcos: Raquel y R. Rosón/Premios Princesa con L. Padura:Claudia y Darío/Pablo Suárez:Quixote

Nel nuesu programa d'esta selmana ufiertamos dellos conteníos: -Entamamos afondando na engarradiella entamada pol profesor universitariu Miguel Alarcos col nuesu idioma asturianu como protagonista al que calificó de "puta mentira y de filólogos paletos" depués de la llectura d'un poema por parte de Raquel Fernández nel Homenaxe organizáu na propia Cátedra del que fuere'l so pá, el llinguística Emilio Alarcos. Podréis sentir a la propia Raquel y al conceyal de Facienda del Ayuntamientu d'Uviéu, Rubén Rosón. -Nos Premios Princesa d'Asturies tuvieron llugar dellos actos con dalgunos de los premiaos ente los que destacó'l que se cellebró col escritor cubanu Leonardo Padura. Ellí, dos miembros d'Iniciativa pol Asturianu, Claudia y Darío, entregáron-y unos cuentos tornaos a la nuesa llingua. Vamos charrar con ellos d'esta esperiencia y el so llabor na propia asociación. Pa rematar, Marissa Bordallo, vocal de redes sociales d'Iniciativa pol Asturianu, úfrenos una entrevista que fixo na presentación nel Centru Asturianu de Madrid de "El Quixote" n'asturianu col so autor Pablo Suárez. Música: Trasmerana del Discu Lliendes (2006) del grupu asturianu Xera Igua: Adrián Gradín TOLES SELMANES INICIATIVA TA NES ONDES Sienti’l programa radio de l’Asociación “Iniciativa pol Asturianu” áu falaremos toles selmanes na nuesa llingua y de la nuesa llingua asturiana. El programa radio d'Iniciativa pol Asturianu, dirixíu por Samuel Gradín, ye selmanal col envís de tar más apegáu al día tres día de les custiones que cinquen al nuesu idioma. Asina ufre a los oyentes de les emisores que collaboren cola organización y los siguiores de les nueses redes sociales, un programa selmanal de trenta minutos onde puen sentise entrevistes, noticies, anuncies, etc que surden alrodiu l'asturianu. Tate sollerte.....Iniciativa pol Asturianu nes Ondes...... TV y Radio 100% n’asturianu www.alderiquesdasturies.com